ប្រទេសជប៉ុន បានដាក់ពង្រាយយន្តហោះចម្បាំង(F-35B) ដំបូងបង្អស់ដែលផលិតដោយសហរដ្ឋអាមេរិកទៅមូលដ្ឋានទ័ពអាកាសនៅថ្ងៃព្រហស្បតិ៍ ដោយយន្តហោះត្រូវចាត់ចាំងឱ្យពង្រឹងការពារកោះនៅភាគនិរតី។ នេះបើតាម នីគីអេស៊ា(Nikkie Asia)។
Nikkie Asia បានរាយការណ៍នៅថ្ងៃទី០៨ ខែសីហា ឆ្នាំ២០២៥នេះថា យន្តហោះចម្បាំងអេហ្វ៣៥ប៊ីអេស(F-35Bs) បានមកដល់ទីតាំងមូលដ្ឋានទ័ពអាកាសនៅមីយ៉ាហ្សាគី(Miyazaki)។ យន្តហោះចម្បាំងនឹងចាត់តាំងឱ្យប្រតិបត្តិការលើនាវាពិឃាត អ៊ីហ្សូម៉ូ(Izumo) និងកាហ្កា(Kaga)។ វាមានសមត្ថភាពហោះឡើង និងចុះចត ហើយអាចដំណើរការពីនាវាដែលតូចជាងនាវាផ្ទុកយន្តហោះទំហំធំ។
ប្រទេសជប៉ុន គ្រោងនឹងដាក់ពង្រាយយន្តហោះចម្បាំង អេហ្វ៣៥ប៊ី(F-35B) ចំនួន ៤២គ្រឿង លើសពីនេះ ក្រសួងការពារជាតិ បានបែងចែកថវិកាប្រហែល ២២ ពាន់លានយ៉េន ដែលស្មើរនឹង ១៤៩លានដុល្លារក្នុងមួយឯកតាសម្រាប់ការទិញក្នុងថវិកាឆ្នាំសារពើពន្ធនេះ។ យ៉ាងណា យន្តហោះនេះ ត្រូវបានគេកំណត់ដាក់ពង្រាយក្នុងឆ្នាំសារពើពន្ធមុន ប៉ុន្តែការចែកចាយត្រូវបានពន្យាពេល ដោយសារធ្វើឱ្យប្រសើរឡើងនៃកម្មវិធីសូហ្វវ៉ែ(software)។
ការផ្លាស់ប្តូរនេះ កើតឡើងខណៈប្រទេសចិន កំពុងបង្កើនសមត្ថភាពប្រតិបត្តិការនាវាផ្ទុកយន្តហោះ។ កងទ័ពជើងទឹកចិន នាពេលបច្ចុប្បន្ន មាននាវាផ្ទុកយន្តហោះពីរដែលសកម្ម គឺ ឡែវនីង(Liaoning) និង សានតុង(Shandong)។ ចំណែកទី៣ គឺហ្វូជាន ដែលត្រូវបានរំពឹងថា នឹងដាក់ឱ្យដំណើរការនៅចុងឆ្នាំនេះ។
ទាំងនាវាឡែវនីង(Liaoning) និងសានតុង(Shandong) បានដាក់ឱ្យដំណើរការដំបូងនៅដែនទឹកប៉ាស៊ីហ្វិកក្នុងខែមិថុនា។ នេះក៏ជាលើកទី១ដែរ ដែលនាវាទាំងពីរបានឆ្លងកាត់‘‘ខ្សែចង្វាក់កោះទីពីរ’’ ដែលលាតសន្ធឹងពីអូហ្គាសាវ៉ារ៉ា(Ogasawara)របស់ប្រទេសជប៉ុនទៅកាន់កោះហ្គាំ(Guam) ហើយត្រូវបានចាត់ទុកថាជាខ្សែការពាររបស់ចិន។
ការពង្រីកនៃនាវាផ្ទុកយន្តហោះរបស់ចិន បង្កការគំរាមគំហែងលើប្រទេសជប៉ុន ចាប់តាំងពីនាវាទាំងនោះអាចពង្រីកថាមពលអាកាសលើសពីមូលដ្ឋានដី៕
