កាសែតដឹហ្វាយណែនសល ថាមស៍ (the Financial Times) បានរាយការណ៍កាលពីថ្ងៃអាទិត្យថា ប្រទេសចិនទទូចឱ្យសហរដ្ឋអាមេរិកបន្ធូរបន្ថយពន្ធ គ្រប់គ្រងការនាំចេញទៅលើបន្ទះឈីប ដែលមានសារៈសំខាន់សម្រាប់បញ្ញាសិប្បនិម្មិតជាផ្នែកមួយនៃកិច្ចព្រមព្រៀងពាណិជ្ជកម្ម មុនពេលដែលកិច្ចប្រជុំកំពូលដែលអាចទៅធ្វើទៅបានរវាងប្រធានាធិបតី ដូណាល់ ត្រាំ(Donald Trump) និងលោកប្រធានាធិបតី ស៊ី ជីនភីង (Xi Jinping)។
សារព័ត៌មានរ៉យទ័រ បានរាយការណ៍កាលថ្ងៃទី១០ ខែសីហា ឆ្នាំ២០២៥ថា សារព័ត៌មានបានរាយការណ៍ថា មន្ត្រីចិនបានប្រាប់ទៅកាន់អ្នកជំនាញនៅក្នុងក្រុងវ៉ាស៊ីនតោនថា ក្រុងប៉េកាំងចង់ឱ្យរដ្ឋបាលលោក ត្រាំ បន្ធូរបន្ថយការរឹតបណ្តឹងការនាំចេញលើបន្ទះឈីបអង្គចងចាំ ដែលមានកម្រិតបញ្ជូនខ្ពស់ ដោយកាសែតបានដកស្រង់ពីប្រភពដែលមិនបញ្ចេញឈ្មោះដែលដឹងអំពីបញ្ហានេះ។
សេតវិមាននាយកដ្ឋានរដ្ឋ និងក្រសួងការបរទេសចិន មិនបានឆ្លើយតបភ្លាមៗចំពោះការស្នើសុំអធិប្បាយលើរបាយការណ៍នេះទេ។
កាសែតដឹហ្វាយណែនសល ថាមស៍ (the Financial Times) បាននិយាយថា ចិនមានការព្រួយបារម្ភដោយសារតែការគ្រប់គ្រងអេក្សប៊ីអែម(HBM) របស់សហរដ្ឋអាមេរិក រារាំងដល់សមត្ថភាពរបស់ក្រុមហ៊ុនចិន ដូចជា ហ័រវៃ(Huawei) ក្នុងការអភិវឌ្ឍបន្ទះឈីបអេអាយ(chips AI) របស់ពួកគេ។
រដ្ឋបាល លោក ត្រាំ ជាបន្តបន្ទាប់បានទប់ស្កាត់ការនាំចេញបន្ទះឈីបដ៏ទំនើប ទៅកាន់ចិន ដោយសម្លឹងមើលការរារាងអេអាយ(AI) និងការអភិវឌ្ឍការពារជាតិរបស់ក្រុងប៉េកាំង ខណៈដែលវាបានជះឥទ្ធិពលដល់ក្រុមហ៊ុនសហរដ្ឋអាមេរិក ក្នុងការដោះស្រាយយ៉ាងពេញលេញនូវតម្រូវការដែលកំពុងកើនឡើងពីប្រទេសចិន ជាទីផ្សារដ៏ធំបំផុតរបស់ពិភពលោក។ វានៅតែជាកត្តាជំរុញប្រាក់ចំណូលដ៏សំខាន់សម្រាប់អ្នកផលិតបន្ទះឈីបសហរដ្ឋអាមេរិក៕
