ប៉ូលីសដែលប្រដាប់ដោយអាវុធធន់ធ្ងន់ កំពុងស្វែងរកជនសង្ស័យដែលបានបាញ់សម្លាប់អ្នកអភិរក្សនិយមដ៏មានឥទ្ធិពលម្នាក់ឈ្មោះ ឆាលី ឃើក (Charlie Kirk) អំឡុងពេលព្រឹត្តិកាណ៍ដ៏មមាញឹកនៅឯសកលវិទ្យាល័យយូតាស វ៉ាល់លី(Utah Valley)។
សារព័ត៌មានប៊ីប៊ីស៊ី(BBC) បានរាយការណ៍នៅថ្ងៃទី១១ ខែកញ្ញា ឆ្នាំ២០២៥នេះថា បរិវេណសាលានៅតែស្ថិតនៅក្នុងការបង្ខាំង ខណៈដែលប៉ូលីសដើរជុំវិញតំបន់តាមស្វែងរកខ្មាន់កាំភ្លើង ដែលបានបាញ់ប្រហារមួយគ្រាប់ទៅលើ លោក ឃើក(Kirk)ចំកញ្ចឹង ក ខណៈដែលលោកកំពុងនិយាយនៅក្នុងព្រឹត្តិការណ៍សិស្សនៅខាងក្រៅ។
បុរសអាយុ ៣១ឆ្នាំរូបនេះ បានបង្កើត ធើននីង ផញ យូអេសអេ(Turning Point USA) ដែលជាក្រុមបង្កើតឡើងដើម្បីស្វែងរកពង្រីកការផ្សព្វផ្សាយគំនិតអភិរក្សនិយម នៅក្នុងបរិវេណសាលាអាមេរិកពេលដែលលោកនៅវ័យជំទង់។
ប៊ីប៊ីស៊ី(BBC)ដដែលថា ប្រធានាធិបតី ដូណាល់ ត្រាំ(Donald Trump) បានហៅលោក ឃើក(Kirk)ថាជាអ្នកស្នេហាជាតិ ហើយថែមទាំងថាការស្លាប់របស់លោក ឃើក(Kirk) គឺជា‘‘ពេលវេលាដ៏ខ្មៅងងឹតសម្រាប់សហរដ្ឋអាមេរិក’’។ ដោយឡែកនៅក្នុងវីដេអូមួយ លោក ត្រាំ បាននិយាយថា លោកពោរពេញទៅដោយភាពទុក្ខព្រួយ និងការខឹងសម្បាយ៉ាងខ្លាំងទៅលើការធ្វើឃាតដ៏សាហាវឃោរឃៅរបស់លោក ឆាលី ឃើក (Charlie Kirk)។
យ៉ាងណា ប៉ូលីសបានដើរយ៉ាងរប៉ាត់រប៉ាយនៅក្នុងតំបន់ និងរារាំងមិនឱ្យនរណាម្នាក់ចូលក្នុងបរិវេណនោះ ខណៈដែលប៉ូលីសកំពុងស្វែងរកខ្មាន់កាំភ្លើងកាន់តែខ្លាំងឡើង។ បន្ថែមពីនេះ សមាជិកសភាទូទាំងសហរដ្ឋអាមេរិក បានបង្ហាញអំពីភាពខឹងសម្បាចំពោះការបាញ់ប្រហារ ថែមទាំងបង្ហាញការមិនពេញចិត្តចំពោះអំពើហិង្សាជុំវិញការស្លាប់របស់លោក ឃើក(Kirk)។
លើសពីនេះ អភិបាលយូតាស(Utah) លោក ស្ពែនស៊រ ខក(Spencer Cox) បានហៅការវាយប្រហារនេះថាជាការ ‘‘ធ្វើឃាតផ្នែកនយោបាយ’’ និងស្នើឱ្យឃាតករអាចទទួលទោសប្រហារជីវិត។
សមាជិកសភាគណបក្សសាធារណៈរដ្ឋ លោក ម៉ៃ ឃែនន័រឌី(Mike Kennedy) បាននិយាយទៅកាន់សាព័ត៌មានប៊ីប៊ីស៊ី(BBC)ថា លោក ឃើក និងត្រូវចងចាំជាជើងឯកសម្រាប់ការបញ្ចេញមតិដោយសេរី ហើយការស្លាប់របស់ លោក ឆាលី ឃើក មិនបានបំបិទសំឡេង និងបានត្រូវឮហើយចុះបញ្ជីកត់ត្រាផងដែរ៕
