មន្ត្រីប៉ាលេស្ទីន និយាយថា កងកម្លាំងអ៊ីស្រាអ៊ែលបានបំផ្លាញអគារលំនៅដ្ឋានយ៉ាងហោចណាស់ ៣០ កន្លែងនៅទីក្រុងហ្គាស្សា និងបានបង្ខំឱ្យមនុស្សរាប់ពាន់នាក់ ចេញពីលំនៅដ្ឋានរបស់ពួកគេ ខណៈដែលរដ្ឋមន្ត្រីការបទេសសហរដ្ឋអាមេរិក លោក ម៉ាកូ រ៉ូប៊ីអូ បានមកដល់កាលពីថ្ងៃអាទិត្យ ដើម្បីពិភាក្សាអំពីអនាគតនៃសង្រ្គាមនេះ។
រ៉យទ័រ(Reuters) បានរាយការណ៍នៅថ្ងៃទី១៥ ខែកញ្ញា ឆ្នាំ២០២៥នេះថា អ៊ីស្រាអ៊ែល បាននិយាយថា ខ្លួនមានគម្រោងដណ្តើមយកទីក្រុងនេះ ជាកន្លែងដែលមានប្រជាជនប៉ាឡេស្ទីនប្រហែល ១លាននាក់ បានជ្រកកោន ហើយក៏ជាផ្នែកមួយដែលខ្លួនបានប្រកាសអំពីគោលបំណងលុបបំបាត់ក្រុមសកម្មប្រយុទ្ធហាម៉ាស(Hamas) និងបានបង្កើនការវាយប្រហារកាន់តែខ្លាំងឡើង ទៅលើបន្ទាយចុងក្រោយរបស់ក្រុមសកម្មប្រយុទ្ធប៉ាឡេស្ទីន។
មេដឹកនាំនយោបាយក្រុមហាមាស ដែលបានចូលរួមក្នុងការចរចាបទឈប់បាញ់ដែលមិនមានស្ថេរភាព និងការដោះលែងចំណាប់ខ្មាំងជាគោលដៅរបស់អ៊ីស្រាអ៊ែល ក្នុងការវាយប្រហារលើដូហារ(Doha) តាមអាកាសកាលពីថ្ងៃអង្គារ ដែលការវាយប្រហារនោះ ទាក់ទាញការថ្កោលទោសយ៉ាងទូលាយផងដែរ។
ប្រទេសកាតា នឹងធ្វើជាម្ចាស់ផ្ទះនៃកិច្ចប្រជុំកំពូលអារ៉ាប់ និងអ៊ីស្លាម នៅថ្ងៃចន្ទ ដើម្បីពិភាក្សាអំពីវិធានការបន្តបន្ទាប់។ លើសពីនេះ លោក រ៉ូប៊ីអូ(Rubio) បាននិយាយក្រុងវ៉ាស៊ីនតោន(Washington) ចង់និយាយអំពីការដោះលែងក្រុមចំណាប់ខ្មាំងចំនួន ៤៨នាក់ ដែលនៅតែឃុំខ្លួនដោយក្រុមហាម៉ាសនៅក្នុងតំបន់ហ្គាស្សា និងមានចំនួនមនុស្សប្រហែល ២០នាក់ប៉ុណ្ណោះដែលគេជឿជាក់ថាមានជីវិតនៅរស់។
នៅទីនោះ លោក រ៉ូប៊ីអូ(Rubio) បានទៅទស្សនាកន្លែងអធិដ្ឋានរបស់ជនជាតិយូដា នៅជញ្ជាំងខាងលិចក្រុងយេរូ សាឡឹម (Jerusalem) ហើយត្រូវបានគេរំពឹងទុកថា លោកនឹងជួបជជែកជាមួយលោកនាយករដ្ឋមន្ត្រី ប៊ែនចាមីន នេតាន់ យ៉ាហ៊ូ (Benjamin Netanyahu)។ បន្ថែមពីនេះ នៅចុងឆ្នាំ២០១៧ អំឡុងពេលអាណត្តិដំបូងរបស់ប្រធានាធិបតី ដូណាល់ ត្រាំ(Donald Trump) លោកបានទទួលស្គាល់ទីក្រុងយេរ៉ូស្សាឡឹម(Jerusalem) ជារដ្ឋធានីនៃអ៊ីស្រាអ៊ែលផងដែរ៕
