ស្ថានទូតសហរដ្ឋអាមេរិកប្រចាំប្រទេសកម្ពុជា បានប្រកាសនៅថ្ងៃទី១ ខែតុលានេះថា ដោយសារមិនមានកិច្ចព្រមព្រៀងលើចំណាយថវិកា គណនីហ្វេសប៊ុករបស់ខ្លួននៅភ្នំពេញ នឹងផ្អាកធ្វើបច្ចុប្បន្នភាព លើកលែងតែព័ត៌មានវត្ថិភាព និងសន្តិសុខបន្ទាន់ប៉ុណ្ណោះ។
ស្ថានទូតបញ្ជាក់ថា ដោយសារតែមិនមានការព្រមព្រៀងលើការចំណាយថវិកា គណនីបណ្តាញសង្គមហ្វេសប៊ុករបស់ស្ថានទូតអាមេរិកនៅភ្នំពេញ នឹងមិនធ្វើបច្ចុប្បន្នភាពជាទៀងទាត់នោះទេ រហូតដល់ប្រតិបត្តិការទាំងស្រុងត្រូវបានបន្តឡើងវិញ លើកលែងតែព័ត៌មានសុវត្ថិភាព និងសន្តិសុខបន្ទាន់។
ប្រភពខាងលើ ឱ្យដឹងផងដែរថា នៅពេលនេះ សេវាកម្មលិខិតឆ្លងដែន និងទិដ្ឋាការនានាដែលបានណាត់រួច ស្ថានទូតអាមេរិកភ្នំពេញ នឹងបន្តដំណើរការដោយស្ថានការណ៍អនុញ្ញាតបាន។ សម្រាប់ព័ត៌មានបន្ថែមអំពីសេវាកម្ម និងស្ថានភាពប្រតិបត្តិការរបស់យើង សូមចូលទៅ។
គណនីហ្វេសប៊ុករបស់សហរដ្ឋសហរដ្ឋអាមេរិក ប៉ុន្មានឆ្នាំចុងក្រោយនេះ បានធ្វើបច្ចុប្បន្នភាព ពីសកម្មភាពរបស់មន្ត្រីការទូត ជំនួបផ្សេងនានា រវាងមន្ត្រីអង្គការសង្គមស៊ីវិល និងមន្ត្រីទូត រួមទាំងធ្វើបច្ចុប្បន្នភាពពីលទ្ធផល ជំនួបផ្លូវការ ជាមួយមន្ត្រីរដ្ឋាភិបាលកម្ពុជា និងថ្នាក់ដឹកនាំកំពូលកម្ពុជាមេដឹកនាំជាដើម។
ការចេញផ្សាយអត្ថបទខ្លីៗពីការធ្វើបច្ចុប្បន្នភាពរបស់គណនីហ្វេសប៊ុករបស់ស្ថានទូតអាមេរិកប្រចាំកម្ពុជានេះ មានទាំងភាសាអង់គ្លេស និងមានការបកប្រែជាភាសាខ្មែរផងដែរ៕
