ប្រធានាធិបតីម៉ាដាហ្គាស្កា លោក អ៊ែនឌ្រី រ៉ាចូលីណា បាននិយាយថា លោកគ្រោងធ្វើ‘‘កិច្ចសន្ទនាថ្នាក់ជាតិ’’ជាមួយក្រុមផ្សេងៗនៅថ្ងៃពុធ បន្ទាប់ពីក្រុមយុវជនអ្នកតវ៉ា បានប្រកាសឱសានវាទរយៈពេល ៤៨ម៉ោង ឱ្យលោកយល់ព្រមតាមការទាមទាររបស់ពួកគេ ឬប្រឈមទៅនឹងការធ្វើកូដកម្មជាតិ។
ទីភ្នាក់ងារសារព័ត៌មានរ៉យទ័រ(Reuters) បានរាយការណ៍នៅថ្ងៃទី០៧ ខែតុលា ឆ្នាំ២០២៥នេះថា កាលពីថ្ងៃចន្ទ លោក រ៉ាចូលីណា(Rajoelina) បានតែងតាំងលោកឧត្តមសេនីយ៍ រូភីន ហ្វធុនណាត ហ្សាហ្វីសាមបូ(Ruphin Fortunat Zafisambo) ជានាយករដ្ឋមន្ត្រីថ្មីមួយសប្តាហ៍ បន្ទាប់ពីលោកបានបណ្តេញគណៈរដ្ឋមន្ត្រីរបស់លោកក្នុងការផ្លាស់ប្តូរដែលមានបំណងដោះស្រាយការសោកស្តាយមួយចំនួន ដែលបង្កឱ្យមានបាតុកម្មនៅថ្ងៃទី២៥ ខែកញ្ញា។
ប៉ុន្តែទោះបីជាមានការរុះរើក៏ដោយ ក៏មិនអាចធ្វើឱ្យអ្នកតវ៉ាស្ងប់ចិត្ត ក្នុងការដើរតវ៉ាតាមផ្លូវជុំវិញបញ្ហាខ្វះខាតទឹក និងអគ្គិសនីក្នុងប្រទេសអាហ្វ្រិកដ៏ក្រីក្រនេះ។ យ៉ាងណាចាប់តាំងពីពេលនោះមក ពួកគេបានពង្រីកការតវ៉ាដើម្បីឱ្យ លោក រ៉ាចូលីណា(Rajoelina) លាលែងពីតំណែង។
ការបំផុសគំនិតដោយដង្ហែរក្បួនស្រដៀងគ្នាទៅនឹង ជេនហ្ស៊ី(Gen Z) នៅក្នុងប្រទេសគែនយ៉ា និងនេប៉ាល់ដែលការតវ៉ានេះ គឺជារលកនៃភាពចលាចលដ៏ធំនៅកោះមហាសមុទ្រឥណ្ឌា ក្នុងរយៈពេលប៉ុន្មានឆ្នាំថ្មីៗនេះដែលផ្តល់សំឡេងការមិនសប្បាយចិត្ត ចំពោះភាពក្រីក្រដែលកំពុងកើនឡើង និងអំពើរពុករលួយកម្រិតខ្ពស់។
ជាមួយគ្នានេះ លោក រ៉ាចូលីណា(Rajoelina) បាននិយាយនៅក្នុងសារកាលពីថ្ងៃអង្គារ នៅលើទំព័រហ្វេសប៊ុករបស់លោកថា‘‘ទាំងអស់គ្នា, យើងត្រូវតែរួបរួមគ្នាដើម្បីប្រយុទ្ធប្រឆាំងទៅនឹងអំពើរអាក្រក់ និងដើម្បីសាងសង់សង្គមថ្មីមួយដែលបង្កើតសាមគ្គីភាព និងការគោរពគ្នាទៅវិញទៅមក’’។
លោកបាននិយាយថា កិច្ចពិភាក្សាគ្រោងនឹងធ្វើឡើងនៅរសៀលថ្ងៃពុធ នឹងមានការចូលរួមពីមេដឹកនាំសាសនា សិស្ស តំណាងយុវជន និងអ្នកដ៏ទៃទៀត។
ដោយឡែកនៅក្នុងសេចក្តីថ្លែងការណ៍មួយ បានបង្ហោះនៅលើទំព័រហ្វេសប៊ុករបស់ក្រុមអ្នកតវ៉ា ក្នុងនោះក្រុមបាតុករបានធ្វើការច្រានចោលចំពោះការតែងតាំងនាយករដ្ឋមន្ត្រីថ្មី និងបានពណ៌នាថា‘‘ជាការបន្លំមួយ’’ប៉ុណ្ណោះ៕
