អាជ្ញាធរចំណូលផ្ទៃក្នុងសហរដ្ឋអាមេរិក(IRS) នឹងផ្អាកបុគ្គលិកច្រើនជាង ៣៤០០០នាក់ ចាប់ផ្តើមពីថ្ងៃពុធដោយសារតែការបិទទ្វាររដ្ឋាភិបាល និងបានបិទមជ្ឈមណ្ឌលការហៅទូរស័ព្ទអ្នកបង់ពន្ធប្រកបដោយប្រសិទ្ធភាពនេះបើយោងតាមរបាយការណ៍ទីភ្នាក់ងារ។
ទីភ្នាក់ងារសាព័ត៌មានរ៉យទ័រ(Reuters) បានរាយការណ៍នៅថ្ងៃទី០៩ ខែតុលា ឆ្នាំ២០២៥នេះថា បរិមាណនៃការផ្អាកនេះមានចំនួន ៤៦% នៃកម្លាំងការងាររបស់ទីភ្នាក់ងារ បើយោងតាមសេចក្តីថ្លែងការណ៍បានឱ្យដឹងថាបុគ្គលិកមជ្ឈមណ្ឌលការហៅទូរស័ព្ទ បុគ្គលិកផ្នែកព័ត៌មានវិទ្យា និងបុគ្គលិកការិយាល័យកណ្តាលភាគច្រើននឹងត្រូវបញ្ជូនទៅផ្ទះ។ បន្ថែមពីនេះ ប្រភពថា និយោជិតដែលមានភារកិច្ចអនុវត្តច្បាប់ពន្ធ និងការចំណាយដែលប្រធានាធិបតី ដូណាល់ ត្រាំ បានចុះហត្ថលេខាក្នុងខែកក្កដាបន្តធ្វើការ។
អាជ្ញាធរចំណូលផ្ទៃក្នុងសហរដ្ឋអាមេរិក(Internal Revenue Service) នឹងបញ្ជូននិយោជិតទៅផ្ទះវិញ ព្រោះតែសភាសហរដ្ឋអាមេរិក និង លោក ត្រាំ(Trump) បរាជ័យក្នុងការឈានដល់កិច្ចព្រមព្រៀងកាលពីសប្តាហ៍មុន ស្តីអំពីការចំណាយរបស់រដ្ឋាភិបាល។ លើសពីនេះ សេវាកម្មទូទាំងរដ្ឋាភិបាលត្រូវបានរំខាន ដោយសារតែការបិទទ្វារ។
អាជ្ញាធរចំណូលផ្ទៃក្នុងសហរដ្ឋអាមេរិក(IRS) បាននិយាយនៅក្នុងសេចក្តីថ្លែងការណ៍ចុះនៅថ្ងៃទី២៩ ខែកញ្ញាថា នឹងផ្អាកបុគ្គលិក ប្រសិនបើការបិទទ្វារលើសពី៥ថ្ងៃ នៃថ្ងៃធ្វើការ ដោយការបិទចាប់ផ្តើមនៅថ្ងៃទី០១ ខែតុលា។
នៅក្នុងលិខិតមួយទៅកាន់កម្មករដែលប្រកាសអំពីការផ្អាក មន្ត្រីអាជ្ញាធរចំណូលផ្ទៃក្នុងសហរដ្ឋអាមេរិក(IRS) លោក ដេវីដ ត្រាយន័រ បានសរសេរថា ច្បាប់នៅឆ្នាំ២០១៩ តម្រូវឱ្យភ្នាក់ងារផ្តល់ប្រាក់ដល់និយោជិតដែលត្រូវបានផ្អាកបន្ទាប់ពីការបិទទ្វារបញ្ចប់។
ប្រភពថា នោះវាផ្ទុយនឹងសំណើររដ្ឋបាលលោក ត្រាំ(Trump) កាលពីដើមសប្តាហ៍ ដែលអះអាងថាច្បាប់ដូចគ្នានេះ មិនធ្វើឱ្យការទូទាត់ទាំងនោះដោយស្វ័យប្រវត្តិនោះទេ។ ក្រោយមកលោក ត្រាំ បានផ្តល់យោបល់ថាមិនមែនបុគ្គលិកដែលត្រូវផ្អាកការងារទាំងអស់គួរតែទទួលបានប្រាក់បង់ទេ នៅពេលដែលប្រតិបត្តិការណ៍ធម្មតាឡើងវិញ៕
