Cambodia newsletter បាននិយាយថា រដ្ឋាភិបាលប្រទេសកម្ពុជា បានចេញសេចក្តីប្រកាសថ្មីមួយ គឺវិធានការបង្កើតឡើងដើម្បីលុបបំបាត់សារព័ត៌មានសេរីដែលនៅសេសសល់នៅក្នុងប្រទេស តាមរយៈមានការទទួលស្គាល់ និងការវាយតម្លៃពីស្ថាប័នក្រសួងព័ត៌មាន និងមានលក្ខខណ្ឌតម្រូវផ្សេងៗទៀត។
Cambodia newsletter បានចេញផ្សាយនៅថ្ងៃទី២៨ ខែវិច្ឆិកា ឆ្នាំ២០២៥ថា វិធានការឬបទបញ្ញតិនោះ គឺសំដៅលើបុគ្គលរូបណាដែលផលិតសារព័ត៌មាន ឬស្ថាប័នបោះពុម្ភ សមាគមសារព័ត៌មាន ក្រុមហ៊ុនផ្សាយពាណិជ្ជកម្ម ឬទីភ្នាក់ងារ អ្នកសារព័ត៌មានឯករាជ្យ អ្នកផលិតមាតិកា បុគ្គលសាធារណៈ និងអ្នកសារព័ត៌មាន។ វាបានកំណត់តម្រូវការយ៉ាងតឹងរឹងសម្រាប់អង្គភាពផ្សព្វផ្សាយ អ្នកកែសម្រួល និងអ្នកសារព័ត៌មានដែលបង្កើតប្រព័ន្ធអាជ្ញាប័ណ្ណយ៉ាងមានប្រសិទ្ធភាព។
ប្រភពបន្តថា សម្រាប់អ្នកសារព័ត៌មានត្រូវឱ្យមានដូចជា ត្រូវតែមានអាយុ២០ឆ្នាំ ឬច្រើនជាងនេះ មានសញ្ញាបត្រមធ្យមសិក្សាទុតិយភូមិឬសញ្ញាប័ត្រខ្ពស់ជាងនេះ នឹងមានវិញ្ញាបនប័ត្របញ្ជាក់ការសិក្សាវិជ្ជាជីវៈផ្នែកសារព័ត៌មានពីក្រសួងព័ត៌មាន ឬស្ថាប័នដែលទទួលស្គាល់ដោយក្រសួងព័ត៌មាន ឬតម្រូវឱ្យមានការវាយតម្លៃពីក្រសួងព័ត៌មាន។
ប្រភពបានបន្តទៀតថា អ្នករាយការណ៍ត្រូវមានបទពិសោធន៍យ៉ាងហោចណាស់មួយឆ្នាំ ដោយមានលិខិតទទួលស្គាល់ពីស្ថាប័ន ត្រូវមានលិខិតបញ្ជាក់ទីលំនៅពីឃុំសង្កាត់ ត្រូវមានវិញ្ញាបនប័ត្រសុខភាពផ្លូវការ។
អ្នកសារព័ត៌មាន ដែលបំពេញតាមតម្រូវការយោងតាមបម្រាមថ្មីនេះ នឹងទទួលបានប័ណ្ណសារព័ត៌មាន និងអត្ថប្រយោជន៍ផ្សេងៗទៀត ដូចការអញ្ជើញទៅចូលរួមព្រឹត្តិការណ៍របស់រដ្ឋាភិបាល ឬការធ្វើដំណើរទៅក្រៅប្រទេសជាដើម។ វាហាក់បីមិនមែនជារឿងធំដុំនោះទេ ប៉ុន្តែប័ណ្ណសារព័ត៌មានពិតជាសំខាន់ណាស់នៅក្នុងប្រទេសកម្ពុជាពីព្រោះវាផ្តល់ការការពារដែលសុវត្ថិភាពមួយ នៅតាមជនបទ នៅពេលដែលត្រូវបានប៉ូលីសហាមឃាត់ ឬមានការដេញដោលសួរពីមេឃុំ និងផ្តល់ឱកាសឱ្យចូលរួមក្នុងព្រឹត្តិការណ៍សាធារណៈផងដែរ។
សំខាន់ជាងនេះទៅទៀតនោះ រដ្ឋាភិបាលប្រើការខ្វះប័ណ្ណសារព័ត៌មាននេះ ជាលេសចាប់ខ្លួនពីបទក្លែងបន្លំ។ យ៉ាងណាក្តី នៅពេលដែលអ្នកសារព័ត៌មានស៊ើបអង្កេត លោក ម៉ិច តារា ជាប់ពន្ធនាគារ ពីបទញុះញង់កាលពីឆ្នាំមុន ក្រសួងព័ត៌មាន បានបញ្ជាក់ថា ប័ណ្ណសារព័ត៌មានរបស់លោកបានផុតកំណត់កាលពីឆ្នាំ២០២២។
វាមិនមែនជាបទបញ្ញតិឬក្រមសីលធម៌នោះទេ តែវាជាការបង្កើតមធ្យោបាយដែលអាចទៅរួចមួយ ដែលធ្វើឱ្យការវាយប្រហារអ្នកសារព័ត៌មានស្របច្បាប់ និងការបន្តប្រឆាំង និងអ្នកសារព័ត៌មានដែលកំពុងបន្តធ្វើការដោយភាពស្មោះត្រង់និងគួរជាទីទុកចិត្ត។
គួរឱ្យកត់សម្គាល់ផងដែរថា ប្រវត្តិដ៏គួរឱ្យសោកសៅនៃការបិទសេរីភាពសារព័ត៌មានក្នុងរយៈពេល ១០ឆ្នាំចុងក្រោយនេះ ដូចជា វីអូឌី ភ្នំពេញប៉ុស្តិ៍ និងខេមបូដៀដេលី វាបានកត់សម្គាល់នូវទិដ្ឋភាពដែលបានកើតឡើងនៅក្រោមដៃលោក នេត្រ ភក្រ្តា រដ្ឋមន្ត្រីក្រសួងព័ត៌មានដែលបានបំពេញបេសកកម្មផ្ទាល់ខ្លួន បំផ្លាញវិស័យសារព័ត៌មានដែលអាចធ្វើទៅបាន។
លោក នេត្រ ភក្រ្តា មានទំនោរប្រឆាំងនឹងក្រុមសង្គមស៊ីវិល និងអ្នកសារព័ត៌មាន តាំងតែពីលោកធ្វើជាអ្នកនាំពាក្យក្រសួងបរិស្ថាន ការឡើងតំណែងរបស់លោក គឺស្របទៅនឹងស្ថានភាពរបស់លោក។ លោកបានធ្វើឱ្យសារព័ត៌មាន«ប្រកបដោយវិជ្ជាជីវៈ»យ៉ាងឆាប់រហ័ស និងទប់ស្កាត់ព័ត៌មានមិនពិតតាមរដ្ឋធម្មនុញ្ញថ្មីមួយក្នុងឆ្នាំ២០២៤ ។
ស្រដៀងគ្នាទៅនឹងវិធានការធម្មនុញ្ញ សប្តាហ៍នេះ ដោយធម្មនុញ្ញបានកំណត់ថា អ្នកសារព័ត៌មានដែលមានវិជ្ជាជីវៈ គឺជាអ្នកណាដែលមានប័ណ្ណសារព័ត៌មាន ជាផ្នែកនៃលក្ខខណ្ឌសម្រាប់អ្នកសារព័ត៌មានវិជ្ជាជីវៈ។ ប្រភពថា លោក នេត្រ ភក្រ្តា ព្យាយាមបង្វែរព័ត៌មានដែលមានវិជ្ជាជីវៈនេះ តម្រូវឱ្យមានការយល់ព្រមពីរដ្ឋាភិបាលជាមុន។វាមិនមែនជារឿងដែលគួរឱ្យភ្ញាក់ផ្អើលនោះទេ ដែលអ្នកសារព័ត៌មានឯករាជ្យកម្ពុជា និងបរទេស មិនទទួលបានប័ណ្ណក្នុងឆ្នាំ២០២៥៕
