ទោះបីជាការជំរុញចុងក្រោយរបស់ លោក ដូណាល់ ត្រាំ ក្នុងការបញ្ចប់សង្គ្រាមនៅអ៊ុយក្រែន កើតឡើងក៏ដោយ អឺរ៉ុបបារម្ភពីលទ្ធភាពនៃកិច្ចព្រមព្រៀង ដែលមិនយូរមិនឆាប់ នឹងមិនដាក់ទណ្ឌកម្ម ឬមិនធ្វើឱ្យរុស្ស៊ីចុះខ្សោយ ខណៈដែលមេដឹកនាំពួកគេរំពឹងទុកថា ធ្វើឱ្យឧបទ្វីបនេះស្ថិតក្នុងស្ថានភាពហានិភ័យកាន់តែខ្លាំង។
ទីភ្នាក់ងារសារព័ត៌មានរ៉យទ័រ(Reuters) បានរាយការណ៍នៅថ្ងៃទី០២ ខែធ្នូ ឆ្នាំ២០២៥នេះថា អឺរ៉ុបប្រហែលជាទទួលយកភាពជាដៃគូសេដ្ឋកិច្ច ដែលកំពុងកើនឡើងរវាងក្រុងវ៉ាស៊ីនតោន និងអ្នកការពារប្រពៃណីពួកគេនៅក្នុងសម្ព័ន្ធមិត្តណាតូ ហើយនឹងទីក្រុងមូស្គូដែលរដ្ឋាភិបាលអឺរ៉ុបភាគច្រើន និងណាតូផ្ទាល់ និយាយថា គឺជាការគម្រាមកំហែងដ៏ធំបំផុតចំពោះសន្តិសុខអឺរ៉ុប។
ទោះបីជាអ៊ុយក្រែននិងអឺរ៉ុបផ្សេងទៀត បានគ្រប់គ្រងដើម្បីរុញច្រានផ្នែកខ្លះនៃផែនការ ២៨ ចំណុច របស់សហរដ្ឋអាមេរិក ដើម្បីបញ្ចប់ការប្រយុទ្ធដែលមើលឃើញថា គាំទ្ររុស្ស៊ីក៏ដោយ ក៏កិច្ចព្រមព្រៀងមួយចំនួននៅតែទំនងជាហានិភ័យសម្រាប់ឧបទ្វីបនេះ។
ដោយសមត្ថភាពឥទ្ធិពលរបស់អឺរ៉ុបលើកិច្ចព្រមព្រៀងនេះ នៅមានកម្រិត ពិសេសព្រោះតែខ្វះអំណាចសេដ្ឋកិច្ចយោធាទើបពិបាកកំណត់លក្ខខណ្ឌ។
រដ្ឋមន្ត្រីការបរទេសអាមេរិក លោក ម៉ាកូរ៉ូប៊ីអូ (Marco Rubio) បាននិយាយថា អឺរ៉ុបជាច្រើននឹងចូលរួមក្នុងកិច្ចពិភាក្សាអំពីតួនាទីរបស់ណាតូ និងសហភាពអឺរ៉ុបនៅក្នុងកិច្ចព្រមព្រៀងណាមួយ។
ប៉ុន្តែអ្នកការទូតអឺរ៉ុប មិនបានធូស្បើយពីការធានាឡើងវិញ ដោយពួកគេនិយាយថា គ្រប់ផ្នែកនៃកិច្ចព្រមព្រៀងនឹងប៉ះពាល់ដល់អឺរ៉ុប ពីការសម្បទានដីដែលមានឥទ្ធិពលដល់កិច្ចសហប្រតិបត្តិការសេដ្ឋកិច្ចអាមេរិក និងរុស្ស៊ី។
ផែនការចុងក្រោយនេះ ក៏បង្កឱ្យមានការព្រួយបារម្ភថ្មីៗ ពីអឺរ៉ុប អំពីការប្តេជ្ញារបស់អាមេរិកចំពោះណាតូ ដែលមានពីការការពារនុយក្លេអ៊ែរ តាមរយៈប្រព័ន្ធអាវុធជាច្រើនរហូតទាហានរាប់ម៉ឺននាក់។
ទោះបីជាមានការិះគន់កាលពីមុនរបស់ លោក ត្រាំ ចំពោះណាតូ ក៏លោកបានអះអាងពីការប្តេជ្ញាចិត្តរបស់លោកចំពោះសម្ព័ន្ធភាព និងមាត្រាទី៥នៃការការពារទៅវិញទៅមក កាលពីខែមិថុនា ដើម្បីជាថ្នូរនៃការសន្យាដោយអឺរ៉ុប ក្នុងការបង្កើនការចំណាយវិស័យការពារជាតិរបស់ពួកគេ។
ដោយឡែក មន្ត្រីអឺរ៉ុប និយាយថា ពួកគេមើលមិនឃើញសញ្ញាណាមួយ ដែលថាលោក ពូទីន ចង់បញ្ចប់ការឈ្លានពានរបស់លោកលើអ៊ុយក្រែនទេ។ ប៉ុន្តែបើលោកពិតជាបញ្ចប់សង្រ្គាមមែន ពួកគេបារម្ភថា កិច្ចព្រមព្រៀងដែលមិនគោរពដែនអធិនតេយ្យភាពរបស់អ៊ុយក្រែន អាចជំរុញឱ្យរុស្ស៊ីវាយប្រហារអ៊ុយក្រែនហួសព្រំដែនម្តងទៀត។
ប៉ុន្តែឥឡូវនេះ វាហាក់បីដូចជាកិច្ចព្រមព្រៀងសន្តិភាពណាមួយ នឹងអនុញ្ញាតឱ្យទីក្រុងមូស្គូដែលយ៉ាងហោចណាស់ រក្សាការគ្រប់គ្រងនៃដែនដីអ៊ុយក្រែន ដែលបានកាន់កាប់ដោយកម្លាំង៕









