អន្តរជាតិ

តៃវ៉ាន់និយាយថាជួនកាលចិនចំអកដោយការវាយប្រហារលើនាវាជើងទឹកបរទេសនៅច្រកសមុទ្រ

កញ្ញា ឃុន ចន្ទដារ៉ារ័ត្ន
| ០៣ ធ្នូ ២០២៥
ម៉ោង ២១:១៩

មន្ត្រីសន្តិសុខជាន់ខ្ពស់តៃវ៉ាន់ និយាយនៅថ្ងៃទី០៣ខែធ្នូនេះថា យោធារបស់ប្រទេសចិន ជួលកាលធ្វើសមយុទ្ធវាយប្រហារលើនាវាកងទ័ពជើងទឹកអន្តរជាតិ ក្នុងច្រកសមុទ្រតៃវ៉ាន់ ហើយតៃវ៉ាន់ចែករំលែកព័ត៌មានសំងាត់ជាមួយដៃគូរអន្តរជាតិ នៅពេលដែលពួកគេធ្វើប្រតិបត្តិការនៅក្នុងដែនទឹកនោះ។

សារព័ត៌មានឆានណែល ញូ អេស៊ា(channel News Asia) បានរាយការណ៍នៅថ្ងៃទី០៣ ខែធ្នូ ឆ្នាំ២០២៥នេះថា ប្រទេសចិនដែលអះអាងថា តៃវ៉ាន់ដែលមាននិន្នាការប្រជាធិបតេយ្យជារបស់ខ្លួនបាននិយាយថា ខ្លួនអនុវត្តអំណាចអធិបតេយ្យភាព និងយុត្តាធិការតែឯង នៅលើចក្រសមុទ្រតៃវ៉ាន់ដែលជាផ្លូវពាណិជ្ជកម្មយ៉ាងសំខាន់ សម្រាប់កប៉ាល់កុងតឺន័រប្រហែលពាក់កណ្តាលនៃពិភពលោកឆ្លងកាត់។

យ៉ាងណាក៏ដោយ ទាំងសហរដ្ឋអាមេរិក និងតៃវ៉ាន់ និយាយថា ច្រកសមុទ្រ គឺជាផ្លូវទឹកអន្តរជាតិ។

នាវាចម្បាំងអាមេរិក បានឆ្លងកាត់ច្រកសមុទ្រជារៀងរាល់បីខែម្តង ដែលធ្វើឱ្យប្រទេសចិនមិនសូវសប្បាយចិត្តហើយក៏មានសម្ព័ន្ធមិត្តអាមេរិក ដូចជា អង់គ្លេស និងកាណាដា បានធ្វើដំណើរឆ្លងកាត់ម្តងម្កាលផងដែរ ថែមទាំងមានកប៉ាល់នាវាជើងទឹកញូហ្សេលែនឆ្លងកាត់កាលពីខែមុន។

លោក សៃមីងយិន (Tsai Ming-yen) អគ្គនាយកសន្តិសុខជាតិតៃវ៉ាន់ បាននិយាយថា កងនាវាចរណ៍របស់ប្រទេសចំនួន ៨ រួមទាំងអង់គ្លេស បារាំង ញូហ្សេលែន និងសហរដ្ឋអាមេរិក បានធ្វើដំណើរចំនួន ១២ដង ឆ្លងកាត់តាមច្រកសមុទ្ររហូតមកដល់ឆ្នាំនេះ។

លោក សៃ (Tsai) បាននិយាយនៅសភាដោយឆ្លើយតបទៅនឹងសំណួរពីសមាជិកសភាថា គោលការណ៍មូលដ្ឋានរបស់ចិន គឺ‘‘តាមដានគ្រប់នាវា’’ ដូចជាអំឡុងពេលបេសកកម្មដោយបញ្ជូនកងកម្លាំងនាវារបស់ខ្លួនទៅទីនោះ។

តៃវ៉ាន់ មានរ៉ាដាទូលំទូលាយយ៉ាងទំនើប ហើយនឹងបណ្តាញឃ្លាំមើលច្រកសមុទ្រដ៏តូចនេះ។

លោក សៃ បាននិយាយថា តៃវ៉ាន់ និងដៃគូរអន្តរជាតិរបស់ខ្លួន ចែករំលែកការសំងាត់រួមទាំងព័ត៌មានអំពីសកម្មភាពយោធាចិន ខណៈដែលនាវាជើងទឹកបរទេសស្ថិតនៅក្នុងច្រកសមុទ្រ។

លោកបានបន្ថែមទៀតថា កងនាវាបរទេសមួយដែលនៅក្នុងចក្រសមុទ្រនេះ គឺរបស់វៀតណាមដែលជាប្រទេសអាស៊ីអាគ្នេយ៍មួយ មានទំនាក់ទំនងជិតស្និទ្ធិជាមួយទីក្រុងប៉េកាំង។

ក្រសួងការពារជាតិរបស់ប្រទេសវៀតណាម មិនបានឆ្លើយតបភ្លាមៗតាមសំណើរសុំការអត្ថាធិប្បាយទេ ប៉ុន្តែប្រព័ន្ធផ្សព្វផ្សាយរដ្ឋ និយាយនៅថ្ងៃចន្ទថា នាវាចម្បាំងមួយបានធ្វើដំណើរទៅកាន់កំពង់ផែឈីងតាវ(Qingdao) ភាគខាងជើងនៃប្រទេសចិន។

យោធារបស់ប្រទេសចិន ប្រតិបត្តិការជុំវិញតៃវ៉ាន់ស្ទើរតែរាល់ថ្ងៃក្នុងយុទ្ធនាការមួយ ដែលតៃប៉ិមើលឃើញថា ជាការយាយីដែលបង្កើតឡើង ដើម្បីដាក់សម្ពាធលើរដ្ឋាភិបាល និងកងប្រដាប់អាវុធរបស់តៃវ៉ាន់ ដោយធ្វើការយាយីដោយយន្តហោះម្តងហើយម្តងទៀត៕

រក្សាសិទ្វិគ្រប់យ៉ាងដោយ ស៊ីស៊ីអាយអឹម

សូមបញ្ជាក់ថា គ្មានផ្នែកណាមួយនៃអត្ថបទ រូបភាព សំឡេង និងវីដេអូទាំងនេះ អាចត្រូវបានផលិតឡើងវិញក្នុងការបោះពុម្ពផ្សាយ ផ្សព្វផ្សាយ ការសរសេរឡើងវិញ ឬ ការចែកចាយឡើងវិញ ដោយគ្មានការអនុញ្ញាតជាលាយលក្ខណ៍អក្សរឡើយ។
ស៊ីស៊ីអាយអឹម មិនទទួលខុសត្រូវចំពោះការលួចចម្លងនិងចុះផ្សាយបន្តណាមួយ ដែលខុស នាំឲ្យយល់ខុស បន្លំ ក្លែងបន្លំ តាមគ្រប់ទម្រង់និងគ្រប់មធ្យោបាយ។ ជនប្រព្រឹត្តិ និងអ្នកផ្សំគំនិត ត្រូវទទួលខុសត្រូវចំពោះមុខច្បាប់កម្ពុជា និងច្បាប់នានាដែលពាក់ព័ន្ធ។