រដ្ឋមន្ត្រីការពារជាតិ លោក ភីត ហេកសេត កាលពីថ្ងៃអង្គារ បាននិយាយការពារការបើកការវាយប្រហារជាលើកទី២ ទៅលើនាវាដែលសង្ស័យពាក់ព័ន្ធនឹងគ្រឿងញៀនរបស់វេណេស៊ុយអេឡា ខណៈមានការចោទសួរពីការរំលោភសិទ្ធិមនុស្សយ៉ាងធ្ងន់ធ្ងរ អំឡុងនៃការវាយប្រហារជាលើកទី២ បានសម្លាប់មនុស្សពីនាក់ទៀត ដែលនៅរស់ក្រោយការវាយប្រហារលើកទី១។
ទីភ្នាក់ងារសារព័ត៌មានរ៉យទ័រ(Reuters) បានរាយការណ៍នៅថ្ងៃទី០៣ ខែធ្នូ ឆ្នាំ២០២៥នេះថា លោក ហេកសេត(Hegseth) និយាយនៅក្នុងកិច្ចប្រជុំគណៈរដ្ឋមន្ត្រីជាមួយលោកប្រធានាធិបតី ដូណាល់ ត្រាំ (Donald Trump) ដែលបានការពារការវាយប្រហារជាបន្តបន្ទាប់ បានទាក់ទាញការត្រួតពិនិត្យពីសភាទ្វេភាគី និងការព្រួយបារម្ភអំពីភាពស្របច្បាប់នៃចំណាត់ការរបស់រដ្ឋបាល។
ការកត់សម្គាល់របស់ប្រធានមន្ទីរបញ្ចកោណ គឺជាការរពន្យល់ដ៏ពេញលេញរបស់លោក នៃព្រឹត្តិការណ៍នៅថ្ងៃទី២ខែកញ្ញា នៅពេលដែលកងកម្លាំងរបស់សហរដ្ឋអាមេរិក បានវាយប្រហារលើកដំបូងទៅលើនាវាដែលបានចោទថារត់ពន្ធគ្រឿងញៀន ដែលជាផ្នែកនៃការខំប្រឹងរបស់ លោក ត្រាំ ដើម្បីទប់ស្កាត់លំហូរនៃគ្រឿងញៀនពីអាមេរិកឡាទីន និងដាក់សម្ពាធលើប្រទេសវេណេស៊ុយអេឡា។
លោក ហេកសេត ប្រឈមមុខនឹងការត្រួតពិនិត្យអំពីការវាយប្រហារ បន្ទាប់ពីវ៉ាស៊ីនតោនផុស៍(Washington Post) បានរាយការណ៍ថា មេបញ្ជាការដែលពិនិត្យប្រតិបត្តិការ បានបញ្ជាឱ្យមានការវាយប្រហារជាលើកទី២ ដើម្បីយកអ្នកដែលរស់រានមានជីវិតចំនួន២នាក់ ដែលតោងឡើងតាមហេដ្ឋារចនាសម្ព័ន្ធក្នុងទឹក ដើម្បីអនុវត្តតាមការណែនាំរបស់ប្រធានមន្ទីរបញ្ចកោណ។
មន្ត្រីអាមេរិកពីរនាក់ បានប្រាប់រ៉យទ័រថា លោក ហេកសេត បានបញ្ជាឱ្យមានការវាយប្រហារដ៏សាហាវលើកប៉ាល់គ្រឿងញៀន រួមទាំងសំណួរមួយដែលជាផ្នែកនៃយុទ្ធនាការ រដ្ឋបាល លោក ត្រាំ ដ៏ទូលំទូលាយដែលស្មើនឹងអ្នកជួញដូរគ្រឿងញៀនដែលសង្ស័យជាមួយភេរវករ ទោះបីជាមានការជំទាស់ពីអ្នកជំនាញផ្នែកច្បាប់ជាច្រើន ក៏ដោយ។
ទោះជាយ៉ាងណាក៏ដោយ មន្ត្រីទាំងនោះ មិនបានបញ្ជាក់ពីការចូលរួមរបស់លោក ហេកសេត នៅក្នុងការធ្វើសេចក្តីសម្រេចលើប្រតិបត្តិការ ដែលនាំឱ្យមានការវាយប្រហារលើកទី២ នៅថ្ងៃដែលសាកសួរអំពីការបំពេញបេសកកម្មកំទេចកប៉ាល់គ្រឿងញៀននោះទេ ដោយពួកគេបាននិយាយថា ការសម្រេចលើប្រតិបត្តិការនោះ ត្រូវបានប្រគល់ទៅ លោក ប្រេដលី (Bradley) ដែលជាប្រធានបញ្ជាការប្រតិបត្តិការពិសេសរបស់សហរដ្ឋអាមេរិក ដែលធ្វើប្រតិបត្តិការនេះ៕
