ធនាគារជាតិនៃកម្ពុជា បានប្រកាសនៅថ្ងៃទី៣ ខែធ្នូថា ពួកគេបានបិទមជ្ឈមណ្ឌលល្បីឈ្មោះមួយ ដែលត្រូវបានប្រើដើម្បីលាងលុយរាប់ពាន់លានដុល្លារពីឧក្រិដ្ឋជន អ្នកឆបោក និងអ្នកក្លែងបន្លំរួមទាំងពួកអ្នកហេកឃ័រ(hackers)នៅក្នុងប្រទេសកូរ៉េខាងត្បូង និងអាស៊ីអាគ្នេយ៍ផងដែរ។
សារព័ត៌មាន ដឹ ស្ត្រេត ថាមស៍(The Straits Times) ចេញផ្សាយនៅថ្ងៃទី០៥ ខែធ្នូ ឆ្នាំ២០២៥នេះថា ហួយវ័នគ្រុបជាក្រុមហ៊ុនផ្តល់សេវាកម្មទូទាត់ប្រាក់ បានបង្កើតឡើងជាមួយនឹងក្រុមហ៊ុនជាច្រើនដែលមានមូលដ្ឋាននៅក្នុងប្រទេសកម្ពុជា ដែលគេជឿជាក់ថា ទទួលខុសត្រូវលើការលាងលុយច្រើនជាង ៤ពាន់លានដុល្លារ ក្នុងប្រាក់ចំណេញខុសច្បាប់តាំងពីខែសីហា ឆ្នាំ២០២១ នេះបើយោងតាមក្រសួងរតនាគារសហរដ្ឋអាមេរិក។
ការស៊ើបអង្កេតរបស់ញូយ៉កថាមស៍(New York Times) បានចេញផ្សាយនៅក្នុងខែមីនា បានរកឃើញថា ក្រុម ក្រុមហ៊ុនហួយវ័នគ្រុប គឺជាបេះដូងនៃបណ្តាញលាងលុយនៅទូទាំងពិភពលោក។ អ្នកឆបោកតាមអ៊ីនធើណែតដែលបោកប្រាស់ជនរងគ្រោះ ជាមួយនឹងការវិនិយោគក្លែងក្លាយ ឬគម្រោងការផ្សេងដែលផ្អែកលើហួយវ័នគ្រុបនិងសាខារបស់ខ្លូន ដើម្បីផ្ទេរប្រាក់ទៅក្រៅប្រទេស ខណៈដែលគេចចេញពីអាជ្ញាធរអនុវត្តច្បាប់ និងនាយកដ្ឋានប្រឆាំងការលាងលុយរបស់ធនាគារ។
អង្គការនេះ ត្រូវបានចុះបញ្ជីរខ្មៅនៅខែវិច្ឆិកា ដោយក្រសួងរតនាគារ ដែលបានចាត់តាំងក្រុមនេះថា ជាក្រុមលាងលុយកខ្វក់ និងហាមឃាត់ស្ថាប័នហិរញ្ញវត្ថុពីការទាក់ទងជាមួយក្រុមហ៊ុនបុត្រសម្ព័ន្ធណាមួយរបស់ខ្លួន។
នៅក្នុងសេចក្តីថ្លែងការណ៍មួយ បង្ហោះនៅលើលីងអ៊ីន(LinkedIn) នៅថ្ងៃទី០៣ ខែធ្នូ ធនាគារជាតិកម្ពុជា បាននិយាយថា បានដកអាជ្ញាប័ណ្ណរបស់ហួយវ័ន និងទូទាត់សងប្រាក់របស់ខ្លួន។
ការលាតត្រដាងរបស់ហួយវ័ន ជាមជ្ឈមណ្ឌលលាងលុយអន្តរជាតិ ចេញជារូបរាង និងមានជំនាញខ្ពស់ដល់បណ្តាញងងឹតដែលលួចបន្លំប្រាក់រាប់ពាន់លានដុល្លារក្នុងមួយឆ្នាំ ពីជនរងគ្រោះនៅទូទាំងពិភពលោក។
ហួយវ័ន គឺជាគ្រឹះស្ថានហិរញ្ញវត្ថុមួយដែលមានភាពប៉ិនប្រសព្វ និងបានបង្កើតយ៉ាងល្អនៅក្នុងប្រទេសកម្ពុជានិងកន្លែងផ្សេងទៀតនៅអាស៊ីអាគ្នេយ៍។ ប៉ុន្តែអាជីវកម្មស្របច្បាប់របស់ខ្លួន បានការពារបណ្តាញសម្ងាត់នៃមជ្ឈមណ្ឌលឆបោក និងទីផ្សារអនឡាញ ដែលប្រភេទហាងតែមួយដើម្បីលាងសម្អាតលុយកខ្វក់។
ក្នុងចំណោមម៉ាស៊ីនលាងលុយដែលរកកំរៃបានច្រើនជាងគេបំផុតរបស់ហួយវ័នគ្រុប គឺទីផ្សារមួយដែលផ្សាភ្ជាប់ទៅនឹងប្រតិបត្តិការគ្រីបតូជាង ២៦ពាន់លានដុល្លារ តាំងពីឆ្នាំ២០២១។ ទោះបីជាវាពិបាកវែកញែកថាតើប្រតិបត្តិការណាស្របច្បាប់ ឬមិនស្របច្បាប់ក៏ដោយ អ៊ីលលីបធិច គឺជាក្រុមវិភាគបាននិយាយថា វេទិកានេះគឺជាទីផ្សារអ៊ីនធឺណែតខុសច្បាប់ដ៏ធំបំផុតរបស់ពិភពលោក៕
