Social Issues, ព័ត៌មានជាតិ, សង្គម

ក្រសួងថា របាយទឹកភ្លៀងឆ្នាំនេះល្អដូចឆ្នាំមុនតែខ្យល់កន្ត្រាក់កើតឡើងច្រើន

លោក ញឹម សុខន
| ២៣ មេសា ២០២៦
ម៉ោង ១៣:៣៧

ក្រសួងធនធានទឹកនិងឧតុនិយម ឱ្យដឹងថា របាយទឹកភ្លៀងនៅឆ្នាំនេះ នឹងធ្លាក់រាយប៉ាយ បានល្អដូចឆ្នាំមុន រីឯបាតុភូតផ្គរ រន្ទះ និងខ្យល់កន្ទ្រាក់ អាចនឹងកើតឡើងច្រើន ហើយរដូវវស្សានឹងចូលមកដល់នៅសប្តាហ៍ទី១ នៅខែក្រោយ។

នេះបើតាមសេចក្តីជូនដំណឹងកម្រាសពីទំព័រ របស់ក្រសួងធនធានទឹកនិងឧតុនិយម ចុះថ្ងៃទី២២ ខែមេសា ឆ្នាំ២០២៦នេះ។ ក្រសួងថា តាមការព្យាករណ៍ បាតុភូត អែនសូ អព្យាក្រឹត (ENSO-Neutral) នៅបន្តកើតឡើងក្នុងកម្រិត ៨០% រហូតដល់ខែមិថុនា និងថយមកនៅត្រឹម ៤០% នៅក្នុងខែកក្កដា។ ដោយឡែក ចាប់ពីខែសីហា រហូតដល់ខែធ្នូ បាតុភូត អែលនីញ៉ូ (El Niño) នឹងកើនដល់កម្រិត ៩០%។

បាតុភូតបែបនេះ រដូវវស្សាអាចនឹងចាប់ផ្តើមនៅក្នុងសប្តាហ៍ទី១ នៃខែឧសភា ឆ្នាំ២០២៦ លឿនជាងឆ្នាំ ២០២៥។ ចំណែកសីតុណ្ហភាព អប្បបរមា ២៥°C និងអតិបរមា ៣៦°C មានលក្ខណៈដូចឆ្នាំមុនដែរ ដោយឡែករបាយទឹកភ្លៀងធ្លាក់រាយប៉ាយបានល្អដូចឆ្នាំ២០២៥។

រីឯបាតុភូតផ្គរ រន្ទះ និងខ្យល់កន្ត្រាក់ អាចកើតឡើងច្រើន។ កូនរដូវប្រាំងអាចនឹងកើតមាននៅក្នុងសប្តាហ៍ទី២ នៃខែសីហា និងចប់ទៅវិញ នៅពាក់កណ្តាលសប្តាហ៍ទី៣ នៃខែសីហា៕

រក្សាសិទ្វិគ្រប់យ៉ាងដោយ ស៊ីស៊ីអាយអឹម

សូមបញ្ជាក់ថា គ្មានផ្នែកណាមួយនៃអត្ថបទ រូបភាព សំឡេង និងវីដេអូទាំងនេះ អាចត្រូវបានផលិតឡើងវិញក្នុងការបោះពុម្ពផ្សាយ ផ្សព្វផ្សាយ ការសរសេរឡើងវិញ ឬ ការចែកចាយឡើងវិញ ដោយគ្មានការអនុញ្ញាតជាលាយលក្ខណ៍អក្សរឡើយ។
ស៊ីស៊ីអាយអឹម មិនទទួលខុសត្រូវចំពោះការលួចចម្លងនិងចុះផ្សាយបន្តណាមួយ ដែលខុស នាំឲ្យយល់ខុស បន្លំ ក្លែងបន្លំ តាមគ្រប់ទម្រង់និងគ្រប់មធ្យោបាយ។ ជនប្រព្រឹត្តិ និងអ្នកផ្សំគំនិត ត្រូវទទួលខុសត្រូវចំពោះមុខច្បាប់កម្ពុជា និងច្បាប់នានាដែលពាក់ព័ន្ធ។