អន្តរជាតិ

ជំនួបពិភាក្សាអំពីច្រកសមុទ្រហ័រមូសត្រូវលើកពេល ខណៈជម្លោះនៅយេម៉េនឡើងកំដៅ

កញ្ញា រតនៈ ម៉ូនីកា
| ១៥ កញ្ញា ២០២៦
ម៉ោង ១៥:០០

បណ្តារដ្ឋនៃតំបន់ឈូងសមុទ្របានលើកពេលកិច្ចប្រជុំដ៏សំខាន់មួយជាមួយមេដឹកនាំអ៊ីរ៉ង់ ស្តីពីអនាគតនៃច្រកសមុទ្រហ័រមូស (Hormuz) ដោយសារខ្វះកុងសង់ស៊ីសរវាងបណ្តាប្រជាជាតិអារ៉ាប់ និងការកើនឡើងកំហឹងរបស់ប្រទេសអារ៉ាប៊ីសាអ៊ូឌីត លើរាជធានីតេហេរ៉ង់ ចំពោះការជួយក្រុមប្រដាប់អាវុធហ៊ូធី នៅប្រទេសយេម៉េន។

ស្ថានភាពទាល់ច្រកនេះ បានកើតឡើងនៅពេលក្រុមបះបោរហ៊ូធីបានវាយប្រហារដោយមីស៊ីល និងដ្រូនជាថ្មីលើមូលដ្ឋានទ័ពអាកាសព្រះចៅខាលីដ (King Khalid) របស់អារ៉ាប៊ីសាអ៊ូឌីត។ កាលពីសប្តាហ៍មុន ក្រុមប្រដាប់អាវុធគាំទ្រដោយអ៊ីរ៉ង់នៅប្រទេសអ៊ីរ៉ាក់ ក៏បានបង្ខំឱ្យអារ៉ាប៊ីសាអ៊ូឌីត បិទបំពង់ប្រេងដ៏សំខាន់ទិសខាងកើត-ខាងលិចផងដែរ បន្ទាប់ពីអ៊ីរ៉ង់បានបិទច្រកសមុទ្រហ័រមូស។

ការបិទបំពង់ប្រេង ការលើកពេលកិច្ចប្រជុំ និងការវាយដណ្តើមយកច្រកសមុទ្របាប់អាល់ម៉ាន់ដាប់ (Bab al-Mandab) ព្រមទាំងកោះហាណិសធំ និងកោះហាណិសតូច (Greater and Lesser Hanish) ដោយក្រុមហ៊ូធី បានជំរុញឱ្យតម្លៃប្រេងកើនឡើងលើស ១០៨ ដុល្លារក្នុងមួយបារ៉ែល កាលពីថ្ងៃចន្ទ។

នៅថ្ងៃដដែល ព្រះអង្គម្ចាស់ មូហាម៉ាត់ ប៊ីន សាល់ម៉ាន់ (Mohammed bin Salman) បានពិភាក្សាបន្ទាន់ជាមួយមេទ័ពជើងទឹក ប្រែដ ឃូភើ (Adm Brad Cooper) ប្រមុខបញ្ជាការដ្ឋានកណ្តាលអាមេរិក ដើម្បីស្វែងរកជំនួយយោធាប្រយុទ្ធប្រឆាំងនឹងក្រុមហ៊ូធី ប៉ុន្តែអាមេរិកបានផ្តល់តែការគាំទ្រផ្នែកភស្តុភារ និងការសម្ងាត់ប៉ុណ្ណោះ។

កិច្ចប្រជុំរវាងក្រុមប្រឹក្សាប្រជាជាតិសហប្រតិបត្តិការឈូងសមុទ្រ (GCC) និងអ៊ីរ៉ង់ ត្រូវបានលើកពេលនៅនាទីចុងក្រោយ ដោយពន្យារពេលកិច្ចព្រមព្រៀងលើផ្លូវបណ្តោះអាសន្នសម្រាប់នាវាពាណិជ្ជកម្ម។ រដ្ឋមន្ត្រីការបរទេសអូម៉ង់ លោក សាយីដ បាដ្រ៍ អាល់ប៊ូសៃឌី (Sayyid Badr Albusaidi) បានថ្លែងថា ការពន្យារពេលនេះគឺដើម្បីផលប្រយោជន៍នៃកុងសង់ស៊ីស។ កិច្ចប្រជុំនេះ នឹងមិនបើកច្រកសមុទ្រភ្លាមៗទេ ដោយសារអ៊ីរ៉ង់បានទាមទារឱ្យអាមេរិកលើកលែងការឡោមព័ទ្ធកំពង់ផែប្រេង ប្រគល់ទ្រព្យសម្បត្តិកកស្ទះ និងបាញ់បោះនៅប្រទេសលីបង់ ប៉ុន្តែវានឹងធ្វើឱ្យការគ្រប់គ្រងរបស់អ៊ីរ៉ង់លើច្រកសមុទ្រមានលក្ខណៈផ្លូវការ។

បរិយាកាសជុំវិញកិច្ចប្រជុំបានប្រែជាអាក្រក់ ដោយសារការវាយលុករបស់ក្រុមហ៊ូធី និងការវាយប្រហារលើស្ថានីយបំពង់ប្រេងអារ៉ាប៊ីសាអ៊ូឌីត (ដែលរូបភាពផ្កាយរណបពីក្រុមហ៊ុនបច្ចេកវិទ្យាវ៉ានថ័រ Show ថាត្រូវបានបំផ្លាញស្ទើរទាំងស្រុង) ទោះបីអ៊ីរ៉ង់បដិសេធការពាក់ព័ន្ធក៏ដោយ។

បច្ចុប្បន្ន អារ៉ាប៊ីសាអ៊ូឌីតកំពុងទម្លាក់គ្រាប់បែកតាមអាកាស ដើម្បីដណ្តើមប្រៀបឡើងវិញនៅច្រកបាប់អាល់ម៉ាន់ដាប់។ ឯក្រុមហ៊ូធីបញ្ជាក់ថា ខ្លួនបិទតែនាវាដែលមានទំនាក់ទំនងនឹងអារ៉ាប៊ីសាអ៊ូឌីតប៉ុណ្ណោះ ក្នុងគោលបំណងដេញអារ៉ាប៊ីសាអ៊ូឌីតចេញ និងគ្រប់គ្រងទឹកដីទាំងស្រុង។

រដ្ឋាភិបាលយេម៉េន បានឱ្យដឹងថា ការវាយលុកថ្មីៗនេះ បានសម្លាប់ជនស៊ីវិល ១៥០ នាក់ រងរបួស ២០០ នាក់ និងជម្លៀសខ្លួនប្រហែល ៨៥ ០០០ នាក់៕

រក្សាសិទ្វិគ្រប់យ៉ាងដោយ ស៊ីស៊ីអាយអឹម

សូមបញ្ជាក់ថា គ្មានផ្នែកណាមួយនៃអត្ថបទ រូបភាព សំឡេង និងវីដេអូទាំងនេះ អាចត្រូវបានផលិតឡើងវិញក្នុងការបោះពុម្ពផ្សាយ ផ្សព្វផ្សាយ ការសរសេរឡើងវិញ ឬ ការចែកចាយឡើងវិញ ដោយគ្មានការអនុញ្ញាតជាលាយលក្ខណ៍អក្សរឡើយ។
ស៊ីស៊ីអាយអឹម មិនទទួលខុសត្រូវចំពោះការលួចចម្លងនិងចុះផ្សាយបន្តណាមួយ ដែលខុស នាំឲ្យយល់ខុស បន្លំ ក្លែងបន្លំ តាមគ្រប់ទម្រង់និងគ្រប់មធ្យោបាយ។ ជនប្រព្រឹត្តិ និងអ្នកផ្សំគំនិត ត្រូវទទួលខុសត្រូវចំពោះមុខច្បាប់កម្ពុជា និងច្បាប់នានាដែលពាក់ព័ន្ធ។