សំបុត្រចូលទស្សនាតំបន់អង្គរ ត្រូវគេរាយការណ៍ថា លក់បានជាង ១ម៉ឺនសន្លឹក ដោយរកបានប្រាក់ចំណូលជិត ៥០ម៉ឺនដុល្លារ នៅក្នុងរយៈពេល ៤ថ្ងៃក្រោយតម្លៃសំបុត្រថ្មី ត្រូវបានដាក់លក់ជាផ្លូវការ។
នៅលើទំព័រហ្វេសប៊ុករបស់ខ្លួន ក្រសួងទេសចរណ៍ បានរៀបរាប់ថា គិតត្រឹមថ្ងៃម្សិលមិញនេះ សំបុត្រសម្រាប់ចូលទស្សនាតំបន់អង្គរ ត្រូវគេលក់បាន ១ម៉ឺន ៩៣សន្លឹក ដោយរកចំណូលបានជាង ៤៩ម៉ឺនដុល្លារ។
ក្រសួងទេសចរណ៍បានសម្រេចដំឡើងតម្លៃសំបុត្រចូលទស្សនាតំបន់អង្គរ ចាប់ពីថ្ងៃទី១ ខែកុម្ភៈ ដោយក្នុងនោះ រដ្ឋាភិបាលបានសម្រេចកាត់ទឹកប្រាក់ ២ដុល្លារ ដែលបានមកពីការលក់សំបុត្រ សម្រាប់ជួយឧបត្ថម្ភដល់មន្ទីរពេទ្យគន្ធបុប្ផា៕