គណបក្សកម្លាំងជាតិ ថាការចាប់ខ្លួនសមាជិកបក្សរបស់ខ្លួនមួយរូបទៀតនៅក្រុងដូនកែវ ខេត្តតាកែវ ជាការបន្តធ្វើទុក្ខបុកម្នេញផ្នែកនយោបាយ ដោយគណបក្សក្រៅរដ្ឋាភិបាលមួយនេះ អំពាវនាវដល់អាជ្ញាធរមានសមត្ថកិច្ច ដោះលែង លោក ផាន់ សារ៉ាត់ និងសកម្មជននយោបាយទាំងអស់ ឱ្យមានសេរីភាពវិញ ដើម្បីធានាបាននូវបរិយាកាសនយោបាយល្អនៅកម្ពុជា។
ការប្រឡងសិស្សពូកែដែលរៀបចំឡើងនៅក្នុងក្របខណ្ឌទូទាំងប្រទេស សម្រាប់ឆ្នាំសិក្សា២០២៤-២០២៥នេះ ក្រសួងអប់រំ យុវជន និងកីឡា បានទម្លាក់ការទទួលខុសត្រូវ ក្នុងការរៀបចំឱ្យទៅរាជធានី-ខេត្តជាអ្នកអនុវត្តដោយផ្ទាល់វិញ ដោយមិនប្រាប់ពីមូលហេតុ។
គិតមកដល់ពេលនេះ សំណុំរឿងនៃបទឧក្រិដ្ឋលើអតីតតំណាងរាស្រ្តគណបក្សសង្រ្គោះជាតិ បានបន្តអូសបន្លាយប្រមាណជា២០ថ្ងៃមកហើយ ហើយជនសង្ស័យដែលជាជនជាតិខ្មែរ២នាក់ ជាប់ពាក់ព័ន្ធនៅក្នុងរឿងក្តីព្រហ្មទណ្ឌនេះ នៅមិនទាន់បានបញ្ជូនទៅតាមការស្នើសុំពីភាគីថៃនៅឡើយទេ។
អង្គការសង្គមស៊ីវិលធ្វើការផ្នែកសិទ្ធិមនុស្ស ចំនួន៣ បង្ហាញការខកចិត្តចំពោះស្ថាប័នទទួលពាក្យបណ្តឹងថ្នាក់ជាតិរបស់ប្រទេសហូឡង់ ដែលបានបញ្ចប់ដំណើរការសម្រុះសម្រួល ដោយមិនមានការព្រមព្រៀងគ្នាណាមួយ រវាងអង្គការទាំង៣ដែលជាដើមបណ្តឹង និងភាគីក្រុមហ៊ុន អយកូក្រេឌីត (Oikocredit) ដែលវិនិយោគលើវិស័យមីក្រូហិរញ្ញវត្ថុនៅកម្ពុជា ដែលអង្គការទាំងនោះថា នាំឱ្យមានការរំលោភសិទ្ធិមនុស្សនៅក្នុងប្រទេសកម្ពុជា។
គណបក្សប្រជាជនកម្ពុជា នៅតែបន្តអះអាងផ្ទុយពីការវាយតម្លៃរបស់អង្គការសហប្រជាជាតិនិងសហគមន៍អន្តរជាតិ ទាក់ទងទៅនឹងការធ្លាក់ចុះនៃស្ថានភាពសិទ្ធិមនុស្ស និងដំណើរការប្រជាធិបតេយ្យនៅកម្ពុជា។
លើសពីនេះ គណបក្សកាន់អំណាច ក៏បានគូសបញ្ជាក់ជាថ្មីទៀតថា កម្ពុជានឹងមិនអនុញ្ញាតឱ្យមានការជ្រៀតជ្រែកចូលកិច្ចការផ្ទៃក្នុងរបស់កម្ពុជាជាដាច់ខាត និងមិនដោះដូរអធិបតេយ្យរបស់ជាតិជាមួយជំនួយ ឬភាពអនុគ្រោះណាឡើយ ជាការអះអាងដែលអ្នកឃ្លាំមើលសង្គមចាត់ទុកថា ជាលេសដើម្បីបានបន្តកាន់អំណាចតពូជដោយមិនខ្វល់ពីទុក្ខលំបាករបស់ប្រជាពលរដ្ឋ។
អង្គការអន្តរជាតិ យូនីសេហ្វ(UNICEF)ប្រចាំកម្ពុជា បានព្រមានថា កុមារគឺជាគោលដៅដែលងាយរងគ្រោះបំផុតពីការបំពុលខ្យល់នៅក្នុងបរិយាកាសនេះ ខណៈសន្ទស្សន៍ពិភពលោក ស្តីពីគុណភាពខ្យល់ បង្ហាញពីហានិភ័យខ្ពស់ដែលនាំឱ្យមានគ្រោះថ្នាក់ដល់សុខភាពមនុស្ស ស្របពេលដែលកម្ពុជាកំពុងទទួលរងសម្ពាធពីឥទ្ធិពល នៃការបំពុលខ្យល់នៅក្នុងស្រទាប់បរិយាកាស ស្ថិតក្នុងកម្រិតខ្ពស់ នៃផលប៉ះពាល់ទៅលើសុខភាព។
តុលាការកំពូល បានតម្កល់សេចក្តីសម្រេចរបស់សាលាឧទ្ធរណ៍បាត់ដំបង ទុកជាបានការ ពាក់ព័ន្ធនឹងសំណុំរឿងរបស់ លោក ចៅ វាសនា ប្រធានគណបក្សភ្លើងទៀនក្រុងប៉ោយប៉ែត ដែលមានន័យថា លោកត្រូវជាប់ពន្ធនាគារចំនួន៣ឆ្នាំ និងរងការពិន័យជាប្រាក់ ក្រោមការចោទពីបទ `«ញុះញង់ឲ្យប្រព្រឹត្តបទឧក្រិដ្ឋជាអាទិ៍ និងញុះញង់ឲ្យមានការរើសអើង»។
រឿងកសិផលរបស់កសិករធ្លាក់ថ្លៃ គ្មានទីផ្សារ នៅរដូវប្រមូលផលចូលមកដល់ វាមិនមែនជារឿងថ្មីនោះទេ ពីព្រោះរឿងនេះ វាបានកើតឡើងជារៀងរាល់ឆ្នាំរាប់សិបឆ្នាំមកហើយ ហើយរដ្ឋាភិបាលពីមួយអាណត្តិទៅមួយអាណត្តិ ក៏នៅតែមិនឃើញអាចដោះស្រាយបញ្ចប់បញ្ហានេះបានដែរ ដែលហេតុដូច្នេះហើយ ទើបធ្វើឱ្យប្រជាកសិករជាច្រើន នៅតែមិនអាចងើបមុខរួចពីភាពក្រីក្រ រហូតដល់កសិករខ្លះធ្លាក់ខ្លួនជំពាក់បំណុលគេវ័ណ្ឌក ហើយត្រូវបង្ខំចិត្តលក់ដីលក់ស្រែសងបំណុលគេក៏មាន។
ក្រុមមន្ត្រីអន្តរក្រសួង បានទទួលយកសំណើររបស់ប្រជាកសិករជាង ៣ពាន់គ្រួសារ នៅស្រុកបាទី ខេត្តតាកែវ ដោយក្រសួងធនធានទឹក និងឧតុនិយម នឹងបូមទឹកពីទន្លេបាទីដាក់ចូលក្នុងប្រឡាយដែលរីងស្ងួត ដើម្បីជួយសង្គ្រោះស្រូវប្រាំងដែលកំពុងខ្វះទឹកស្រោចស្រព។
សកម្មបរិស្ថាន កញ្ញា ភួន កែវរស្មី ដែលត្រូវបានតុលាការបង្គាប់ ឱ្យឃុំខ្លួនក្នុងពន្ធនាគារជាលើកទី២ ដោយសារតែភាពសកម្មការពារបរិស្ថាននោះ ត្រូវបានគេបញ្ចេញសារមកថា នាងសុខចិត្តជាប់ពន្ធនាគារ រហួត១០ឆ្នាំ មិនចុះចាញ់ចំពោះមនុស្សអាក្រក់នោះឡើយ។
VOD គឺជាស្ថាប័នព័ត៌មានឯករាជ្យដែលផ្តល់ព័ត៌មាន ផលិតកម្មវិធីទូរទស្សន៍អនឡាញ និងការផ្សព្វផ្សាយតាមរយៈគេហទំព័រអ៊ីនធើណេត។
© ២០២៥ រក្សាសិទ្ធិគ្រប់យ៉ាងដោយ វីអូឌី
