និស្សិតមួយចំនួនតាមសាកលវិទ្យាល័យក្នុងក្រុងភ្នំពេញ បាននាំគ្នាប្រមូលថវិកាដើម្បីជួយសិស្សានុសិស្សក្រីក្រនៅទីដាច់ស្រយាល ក្នុងស្រុកវ៉ារិន ខេត្ដសៀមរាប ក្នុងគោលបំណងជាការចែករំលែកក្នុងនាមជាតិសាសន៍តែមួយ និងចង់បង្ហាញថាពលរដ្ឋកម្ពុជាត្រូវទទួលបានការរៀនសូត្រស្មើៗគ្នា ខណៈក្រសួងអប់រំថាជាសកម្មភាពមួយដែលយុវជនគួរធ្វើ។
យុវជនលើកឡើងថា បញ្ហាអំពើពុករលួយនៅក្នុងសង្គមកម្ពុជា គឺជាបញ្ហាត្រូវតែចូលរួម និងទប់ស្កាត់ ប៉ុន្ដែពួកគេថានៅតែមានបញ្ហាប្រឈមខ្លះៗអំពីការរឹតត្បិតរបស់អាជ្ញាធរ ទើបមានយុវជនមួយចំនួនហាក់មិនហ៊ានបញ្ចេញសកម្មភាពរបស់ខ្លួន ខណៈអង្គភាពប្រឆាំងអំពើពុករលួយ អះអាងថា គាំទ្ររាល់សកម្មភាពរបស់យុវជនក្នុងការទប់ស្កាត់អំពើពុករលួយ។
យុវជន និងព្រះសង្ឃ បានចូលរួមសកម្មភាពបរិច្ចាគឈាម ដែលយុទ្ធនាការនេះធ្វើឡើងក្នុងគោលបំណងដើម្បីផ្ដល់ឱ្យអ្នកកំពុងមានតម្រូវការចាំបាច់ និងខ្វះខាតឈាម ក្នុងន័យដើម្បីជួយសង្រ្គោះជីវិតមនុស្ស ដែលកំពុងជួបការលំបាក និងករណីសង្រ្គោះបន្ទាន់ដែលពិបាកស្វែងរកឈាម សម្រាប់ផ្តល់លទ្ធភាពដល់ពួកគេឱ្យទាន់ពេលវេលា។
ថ្នាក់ដឹកនាំសហគមន៍ដែលមានឈ្មោះ«ស្រ្តីក្លាហានគីឡូលេខ៦» ក្នុងរាជធានីភ្នំពេញ លើកឡើងថាយុវជន និងកុមារនៅក្នុងសហគមន៍ប្រមាណ ៨០ភាគរយហើយ ត្រូវបង្ខំចិត្តបោះបង់ការសិក្សារបស់ពួក ដោយសារកត្តាជីវភាពក្រីក្រ ខណៈដែលមន្ត្រីរាជរដ្ឋាភិបាលធ្លាប់ចាត់ទុកការបោះបង់ការសិក្សានេះថា គឺជារឿងគួរឱ្យព្រួយបារម្ភ។
អ្នកស្រលាញ់ភេទដូចគ្នា ស្នើឱ្យអ្នកស្រលាញ់ភេទផ្ទុយគ្នា និងពលរដ្ឋទូទៅកុំឱ្យមានការរើសអើងនិងជួយបន្ដគាំទ្រលើពួកគាត់ ជាពិសេសស្នើឱ្យមានច្បាប់គាំពារសម្រាប់អ្នកដែលស្រលាញ់ភេទដូចគ្នា ខណៈអាជ្ញាធរមូលដ្ឋានចាត់ទុកការស្រលាញ់ភេទដូចគ្នានេះ ជាវប្បធម៌មិនគួរត្រូវបានគេរើសអើងនោះឡើយ។
ក្រោយពីមានការចុះផ្សាយពីការដាក់ញត្ដិទៅក្រសួងអប់រំ យុវជន និងកីឡា របស់គ្រូបង្រៀននៅវិទ្យាល័យទួលប្រាសាទសែនសុខ សង្កាត់ឃ្មួញ រួចមក មន្ទីរអប់រំ យុវជន និងកីឡា រាជធានីភ្នំពេញ បានចុះទៅស៊ើបអង្កេតស្វែងរកការពិត កាលពីថ្ងៃទី៧ ខែតុលា ប៉ុន្តែគ្រូបង្រៀនមួយចំនួននៅសាលានោះ យល់ថា ការពិតនឹងមិនអាចរកឃើញឡើយ បើគ្មានការចូលរួមបំភ្លឺឱ្យបានទូលំទូលាយពីលោកគ្រូ-អ្នកគ្រូ និងសិស្សានុសិស្ស។
គ្រូបង្រៀន និងសិស្សានុសិស្សនៃវិទ្យាល័យទួលប្រាសាទសែនសុខ រាជធានីភ្នំពេញ បាននាំគ្នាដាក់ញត្ដិប្តឹងទៅក្រសួងអប់រំយុវជននិងកីឡា កាលពីពេលថ្មីៗនេះ ដើម្បីស្នើសុំឱ្យផ្លាស់ប្តូរនាយកសាលា លោក អ៊ុំ សុកំ ក្រោយរកឃើញភាពមិនប្រក្រតីក្នុងការចាត់ចែង ដឹកនាំបុគ្គលិកសិក្សា និងការចាយវាយថវិកាគ្មានតម្លាភាព។
ប្រជាពលរដ្ឋមួយចំនួននៅស្រុកកណ្តាលស្ទឹង ខេត្តកណ្តាល នៅតែយល់ឃើញថា ការសេពគ្រឿងស្រវឹងមិនត្រឹមតែបង្កើតភាពស្និតស្នាលឬក៍បង្កើតមិត្តភាពរវាងគ្នានិងគ្នានោះទេ តែវាអាចការពារជំងឺកូវីដ-១៩ បានទៀតផងដោយសារតែវាមានជាតិអាល់កុល
អាណាព្យាបាលមួយចំនួននៅឃុំបឹងខ្យាង ស្រុកកណ្ដាលស្ទឹង ខេត្តកណ្ដាល មិនហ៊ាននាំយកកូនតូចទៅចាក់វ៉ាក់សាំងការពារជំងឺកូវីដ-១៩ តាមការណែនាំរបស់ក្រសួងសុខាភិបាលនោះទេ ព្រោះពួកគាត់នៅតែបារម្ភថា នឹងមានផលប៉ះពាល់ទៅដល់សុខភាព។
ប្រជាពលរដ្ឋមួយចំនួនបានលើកឡើងថា អ្នកណាដែលធ្លាប់ឆ្លងជំងឺកូវីដ-១៩ម្ដងហើយ នឹងមិនអាចឆ្លងម្ដងទៀតបាននោះទេ ប៉ុន្តែការលើកឡើងនេះត្រូវបានមន្ត្រីរដ្ឋាភិបាលបដិសេធ។
VOD គឺជាស្ថាប័នព័ត៌មានឯករាជ្យដែលផ្តល់ព័ត៌មាន ផលិតកម្មវិធីវិទ្យុ និងការផ្សព្វផ្សាយតាមរយៈគេហទំព័រអ៊ីនធើណេត។
© ២០២២ រក្សាសិទ្ធិគ្រប់យ៉ាងដោយ ស៊ីស៊ីអាយអឹម
