អ្នកច្បាប់បានលើកឡើងថា ប្រសិនបើធនាគារ ABA បិទប្រតិបត្តិការផ្ទេរប្រាក់ពីក្រៅប្រទេសមកគណនីរបស់សមាជិកសហជីពណាហ្គាវើលដ៍ ដោយគ្មានដីកាសម្រេចរបស់តុលាការ ឬពីរដ្ឋាភិបាល នោះវាជារឿងខុសច្បាប់ ដោយថាធនាគារគ្មានអំណាចក្នុងការវិនិច្ឆយថាគណនីបុគ្គលណាជាប់ពាក់ព័ន្ធនឹងរឿងចម្រូងចម្រាស ហើយត្រូវបង្កកថវិកាចូលគណនីនោះឡើយ។
អ្នកតាមដានសង្គមយល់ថា ការដែលអ្នកដឹកនាំក្នុងវិស័យកងកម្លាំងអនុញ្ញាតឱ្យបក្ខពួកខ្លួនប្រើប្រាស់ឯកសណ្ឋានកងកម្លាំងខុសច្បាប់ ហើយបែរជារិះគន់និងប្រើវិធានការច្បាប់តែលើអ្នកដទៃដែលប្រព្រឹត្តនូវទង្វើដូចគ្នា វាគឺជាការប្រាសចាកពីគំរូភាព និងប៉ះពាល់តម្លៃដល់ស្ថាប័ន ដោយសារអ្នកដឹកនាំខ្លួនឯងអនុវត្តច្បាប់តែទៅលើគេ តែមិនមើលនូវចំណុចខ្វះខាតរបស់ខ្លួន ដែលនេះមិនបានឆ្លុះបញ្ចាំងនូវប្រទេសនីតិរដ្ឋ។
អនុប្រធានគណបក្សភ្លើងទៀន លោក ថាច់ សេដ្ឋា បានអះអាងប្រាប់មេធាវីរបស់ខ្លួនថា លោកមិនបានចេញសែកណាមួយក្នុងអំឡុងឆ្នាំ២០១៩ ដូចការចោទប្រកាន់របស់តុលាការឡើយ ដោយថា សែកដែលគេចាត់ទុកជាសែកស្អុយនោះ អាចត្រូវគេថតចម្លង ដើម្បីដាក់បន្ទុក ចោទប្រកាន់លើរូបលោក។
ក្រសួងការពារជាតិ ប្រកាសប្រឆាំងដាច់ខាតចំពោះជនណាដែលធ្វើឱ្យប៉ះពាល់ដល់កិត្តិយស និងសេចក្តីថ្លៃថ្នូររបស់កងកម្លាំងប្រដាប់អាវុធ ខណៈបុរសម្នាក់បានរិះគន់អគ្គមេបញ្ជាការរង និងជាមេបញ្ជាការកងទ័ពជើងគោក លោក ហ៊ុន ម៉ាណែត ថាបានអំណាចដោយសារឪពុក មិនមែនបានដោយសមត្ថភាព។
ជនរងគ្រោះថ្នាក់ចរាចរណ៍ ដែលបណ្ដាលឱ្យរបួស និងមានកូនអាយុ២ខែម្នាក់ស្លាប់ ក្នុងករណីគ្រោះថ្នាក់ចរាចរណ៍នៅលើស្ពានជ្រោយចង្វា កាលពីខែធ្នូ ឆ្នាំមុន នៅមិនទាន់ពេញចិត្តចំពោះការសម្រេចរបស់តុលាការ ដែលចោទប្រកាន់ជនបង្កត្រឹមតែបទ «បើកបរបណ្ដាលឱ្យអ្នកដទៃស្លាប់ និងរបួសដោយអចេតនា» នោះឡើយ ដោយថា វាមិនសមដែលជនបង្កផឹកស្រាស្រវឹង និងបើកបរធ្វេសប្រហែស បង្កគ្រោះថ្នាក់ដល់អ្នកដទៃ ហើយបានរត់គេចពីកន្លែងកើតហេតុថែមទៀតផង។
សកម្មជនបក្សភ្លើងទៀនមួយចំនួនអះអាងថា ពួកគេនៅតែបន្តដំណើរនយោបាយទៅមុខដដែល បើទោះក្បាលម៉ាស៊ីនបក្សខ្លួនកំពុងមានបញ្ហាប្រឈម និងរងការព្រមានធ្ងន់ៗពីគណបក្សកាន់អំណាចក៏ដោយ។
ក្រសួងព័ត៌មានអះអាងថា សេចក្តីថ្លែងការណ៍ករណីលោក ថាច់ សេដ្ឋា ដែលខ្លួន «ផ្សាយរួចលុបវិញ» គឺមុនផ្សាយ ក្រសួងផ្អែកលើសញ្ញាសម្គាល់ ឬ Logo គណបក្សភ្លើងទៀន ដែលមានបោះត្រា ខណៈក្រសួងទទួលបានប្រភពនេះពីមន្ត្រីជាន់ខ្ពស់ម្នាក់នៅក្នុងបក្សភ្លើងទៀនផងដែរ។
សាលាដំបូងរាជធានីភ្នំពេញ មិនអនុញ្ញាតឱ្យមេដឹកនាំសហជីព កញ្ញា ឈឹម ស៊ីថរ នៅក្រៅឃុំបណ្ដោះអាសន្ន ទោះបីជាក្រុមមេធាវី លើកសំអាងថា ការចាប់និងឃុំខ្លួនកូនក្ដីរបស់ខ្លួនជាថ្មីនេះ ជាការបំពាន និងអនុវត្តលើសនីតិវិធីច្បាប់។
មេធាវីដែលការពារក្ដីឱ្យអនុប្រធានបក្សភ្លើងទៀន លោក ថាច់ សេដ្ឋា បញ្ជាក់ថា សេចក្តីថ្លែងការណ៍ដែលផ្សព្វផ្សាយថា «ការចាប់ខ្លួនលោក ថាច់ សេដ្ឋា គឺជារឿងត្រឹមត្រូវតាមនីតិវិធីច្បាប់នៅកម្ពុជា មិនពាក់ព័ន្ធរឿងនយោបាយ» នោះ គឺជាលិខិតក្លែងក្លាយ ដែលត្រូវគេបង្កើតដើម្បីបង្កការភ្ញាក់ផ្អើល និងចលាចលផ្ទៃក្នុងគណបក្សភ្លើងទៀន។
សមាគមគ្រូបង្រៀនកម្ពុជាឯករាជ្យ គ្រោងហែធម្មយាត្រាពីរាជធានីភ្នំពេញ ទៅកាន់ខេត្តចំនួន៤ នៅដើមខែកុម្ភៈ ដើម្បី «លើកកម្ពស់សីលធម៌សង្គម» ក្រោយកត់សម្គាល់ថា សីលធម៌សង្គមមានការធ្លាក់ចុះ ដោយមានការប្រើប្រាស់ពាក្យសម្ដីអសុរោះជាហូរហែ ខណៈអំពើហិង្សា ក្មេងទំនើង ការកាប់សម្លាប់ ជាដើម បានកើតឡើងច្រើនគួរឱ្យបារម្ភ។
VOD គឺជាស្ថាប័នព័ត៌មានឯករាជ្យដែលផ្តល់ព័ត៌មាន ផលិតកម្មវិធីវិទ្យុ និងការផ្សព្វផ្សាយតាមរយៈគេហទំព័រអ៊ីនធើណេត។
© ២០២២ រក្សាសិទ្ធិគ្រប់យ៉ាងដោយ ស៊ីស៊ីអាយអឹម
