យុវជនម្នាក់កំពុងធ្វើយុទ្ធនាការ «សប្បុរសធម៌ ១៤កុម្ភៈ» ដើម្បីស្វែងរកជំនួយផ្សេងៗជួយអ្នកធាក់ស៊ីក្លូ និងចាស់ជរា ក្នុងគោលបំណងបង្ហាញថា ថ្ងៃបុណ្យនៃក្ដីស្រឡាញ់ ១៤កុម្ភៈ មិនមែនចែករំលែកក្ដីស្រឡាញ់ត្រឹមតែសមាជិកគ្រួសារ ឬមនុស្សជាទីស្រឡាញ់របស់ខ្លួនទេ ប៉ុន្តែជាថ្ងៃដែលចែករំលែកក្ដីស្រឡាញ់ចំពោះមនុស្សគ្រប់គ្នា ជាពិសេសមនុស្សដែលចាស់ជរាគ្មានទីពឹង។
គណៈកម្មាធិការជាតិរៀបចំការប្រកួតកីឡាអាស៊ីអាគ្នេយ៍លើកទី៣២(CAMSOC) បានដកកីឡាកាយវប្បកម្មចេញពីការប្រកួតកីឡាស៊ីហ្គេម ក្រោយរកឃើញកីឡាករជម្រើសជាតិកម្ពុជាមួយចំនួន ជាប់ពាក់ព័ន្ធនឹងការប្រើប្រាស់សារធាតុហាមឃាត់ប្រភេទSteroids ដែលខុសទៅនឹងច្បាប់អន្តរជាតិ។
ធ្លាប់តែជាបុគ្គលដែលមានកាយសម្បទាមាំមួន និងបង្ហាញក្បាច់គុននៅលើសង្វៀនប្រដាល់គុនខ្មែរយ៉ាងស្វាហាប់ ប៉ុន្តែជីវិតយុវជនម្នាក់បានផ្លាស់ប្តូរទាំងស្រុងពីអាជីពលើសង្វៀន មកជាអ្នកអង្គុយលើរទេះជនពិការ ក្បែរធុងក្លាសេទឹកនិងភេសជ្ជៈនៅតាមភ្លើងស្តុប និងទីប្រជុំជននានាជំនួសវិញ។
«ជញ្ជាំងអត់មាន! អីអត់មាន! មើលទៅក៏ស្រណោះសិស្សសាលាដែលគ្នារៀន»
នេះជាការរៀបរាប់ពីទិដ្ឋភាពចាស់ទ្រុឌទ្រោមនៃថ្នាក់រៀនរបស់សិស្សនៅសាលាបឋមសិក្សាចំការចេក ពីសំណាក់អ្នកស្រី ស្រិប រដ្ឋណី ជាម្តាយរបស់សិស្សម្នាក់ដែលកំពុងសិក្សាថ្នាក់ទី៣ នៅសាលាបឋមសិក្សាមួយនេះ ស្ថិតនៅភូមិចំការចេក ឃុំស្លែងស្ពាន ស្រុកស្រីស្នំ ខេត្តសៀមរាប ដែលដាច់ស្រយាលពីសាលាបឋមសិក្សាដទៃ។
«សូមឱ្យគាត់ជួយកូនចៅផង ជួយមើលកូនចៅដែលផ្ទះបាក់បែកហ្នឹងផង។ សុំតែដីដោតជើងសសរនៅបានមួយរស់នៅទៅអត់មានថារកដំណោះស្រាយអីទៀតទេ»។
នេះជាសំដីស្រ្តីម្នាក់ដែលរស់នៅក្នុងភូមិព្រែកថី ឃុំរកាខ្ពស់ ស្រុកស្អាង ខេត្តកណ្តាល ដែលបានលើកដៃទទូចស្នើសុំឱ្យអាជ្ញាធរពាក់ព័ន្ធ ជួយសម្រួលដល់បញ្ហាជីវភាព និងកន្លែងស្នាក់នៅសម្រាប់គ្រួសារគាត់ និងអ្នកជិតខាងផ្សេងទៀត ខណៈដីផ្ទះសម្បែងរបស់ពួកគាត់ជិត១០គ្រួសារ ត្រូវបានបាក់ស្រុតចូលព្រែកជាបន្តបន្ទាប់ចាប់តាំងពីចុងខែកក្កដាមក។
ប្រជាពលរដ្ឋមួយចំនួន រស់នៅរាជធានីភ្នំពេញ បានលើកឡើងថា បញ្ហាទំនិញគ្រប់មុខឡើងថ្លៃខ្ពស់ ខណៈចំណូលរបស់ពួកគាត់ថយខ្លាំង បានប៉ះពាល់ដល់ការសិក្សារបស់កូន និងការចំណាយនានា ជាពិសេសការចំណាយលើម្ហូបអាហារប្រចាំថ្ងៃ។ អ្នកទាំងនោះ អំពាវនាវឱ្យស្ថាប័នពាក់ព័ន្ធចុះសិក្សានិងស្វែងរកដំណោះស្រាយឱ្យបានឆាប់។
វិវាទការងារនៅក្រុមហ៊ុនល្បែងដ៏ធំនៅចំកណ្ដាលរាជធានីភ្នំពេញនេះ បានអូសបន្លាយរយៈពេលជិត១ឆ្នាំមកហើយ ក្រោយពេលដែលក្រុមហ៊ុននេះបានប្រកាសបញ្ឈប់បុគ្គលិកចំនួន១ ៣២៩នាក់ ក្នុងចំណោមបុគ្គលិកសរុបជាង៨ ០០០នាក់ ដោយលើកហេតុផលថា ជួបវិបត្តិហិរញ្ញវត្ថុដោយសារតែបញ្ហាជំងឺកូវីដ-១៩។
«ម្ដាយខ្ញុំចាស់ហើយ! ខ្ញុំចង់ឱ្យគាត់បាននៅផ្ទះក្រោមអ៊ីចឹងហា៎! សព្វថ្ងៃហ្នឹង ខ្ញុំខំប្រឹងដើម្បីមើលថែទាំម្ដាយខ្ញុំ មុនពេលដែលគាត់ឃ្លាតឆ្ងាយពីខ្ញុំទៅ»។ នេះជាការលើកឡើងរបស់ស្រ្តីម្នាក់ដែលជាអ្នកប្រកបរបររត់កង់បីឥណ្ឌាប្រចាំការពេលយប់ នៅម្ដុំផ្សារទំនើបអូឡាំព្យា និងទីតាំងក្បែរៗនោះ។
អ្នកជំនាញអក្សរសាស្ត្រខ្មែរលើកឡើងថា ការប្រើប្រាស់អក្សរឡាតាំងជាសំនៀងខ្មែរនៅតែបន្តកើតមានច្រើន បើទោះបីជាមានកម្មវិធីអប់រំណែនាំជាបន្តបន្ទាប់ពីសំណាក់ព្រះសង្ឃ និងសាស្ត្រាចារ្យផ្នែកអក្សរសាស្ត្រឱ្យសរសេរជាអក្សរខ្មែរក៏ដោយ។
មនុស្សចាស់មួយក្រុមនៅក្នុងឃុំព្រែកស្ដី ស្រុកកោះធំ ខេត្តកណ្ដាល បានចងក្រងជាក្រុមដើម្បីជួយគ្នាទៅវិញទៅមក ទាំងផ្នែកសេដ្ឋកិច្ច និងពិគ្រោះយោបល់លើបញ្ហាផ្សេងៗ ដើម្បីបន្ថយភាពឯកោ និងបង្កើនក្ដីសង្ឃឹមក្នុងជីវិត។
VOD គឺជាស្ថាប័នព័ត៌មានឯករាជ្យដែលផ្តល់ព័ត៌មាន ផលិតកម្មវិធីវិទ្យុ និងការផ្សព្វផ្សាយតាមរយៈគេហទំព័រអ៊ីនធើណេត។
© ២០២២ រក្សាសិទ្ធិគ្រប់យ៉ាងដោយ ស៊ីស៊ីអាយអឹម
