អធិការបតីអាល្លឺម៉ង់ លោក អូឡាហ្វ ស្កូល (Olaf Scholz) បានបញ្ជាក់នៅថ្ងៃអាទិត្យម្សិលមិញថា ប្រទេសរបស់លោកនឹងមិនបញ្ជូនយន្តហោះចម្បាំងទៅអ៊ុយក្រែនទេ ខណៈទីក្រុងកៀវ (Kyiv) អំពាវនាវឱ្យលោកខាងលិច ផ្ដល់អាវុធឱ្យខ្លួនកាន់តែច្រើនបន្ថែមទៀត ដើម្បីទប់ទល់នឹងការឈ្លានពានរបស់រុស្ស៊ី។
ប្រធានាធិបតីតួកគី លោក តាយយីប អឺដូហ្គែន (Tayyip Erdogan) បានបង្ហាញជាសញ្ញានៅថ្ងៃអាទិត្យម្សិលមិញថា ប្រទេសរបស់លោកអាចនឹងផ្ដល់ការគាំទ្រឱ្យប្រទេសហ្វាំងឡង់ ចូលជាសមាជិកអង្គការសន្ធិសញ្ញាអាត្លង់ទិកខាងជើង (NATO) មុនប្រទេសស៊ុយអែត។
អគ្គលេខាធិការអង្គការណាតូ (NATO) លោក Jens Stoltenberg នៅថ្ងៃចន្ទនេះ បានជំរុញឱ្យប្រទេសកូរ៉េខាងត្បូង បង្កើនការគាំទ្រផ្នែកយោធាដល់អ៊ុយក្រែន ដោយលើកឡើងពីប្រទេសផ្សេងទៀតដែលបានផ្លាស់ប្តូរគោលនយោបាយរបស់ពួកគេ ក្នុងការមិនផ្តល់អាវុធដល់ប្រទេសដែលមានជម្លោះ។
រដ្ឋមន្ត្រីការបរទេសសហរដ្ឋអាមេរិក លោក អេនតូនី ប្លីនខេន (Antony Blinken) នៅថ្ងៃអាទិត្យម្សិលមិញនេះ បានទៅដល់ប្រទេសអេហ្ស៊ីប ជាការចាប់ផ្តើមនៃដំណើរទស្សនកិច្ចរយៈពេល ៣ថ្ងៃ ទៅកាន់តំបន់មជ្ឈិមបូព៌ា ស្របពេលដែលអំពើហិង្សាមានការផ្ទុះឡើងខ្លាំងនៅអ៊ីស្រាអែល និងប៉ាឡេស្ទីន។
អនុប្រធានរដ្ឋវៀតណាម លោកស្រី វ៉ូ ធី អាញ់ សួន (Vo Thi Anh Xuan) កាលពីថ្ងៃពុធកន្លងទៅ ត្រូវបានតែងតាំងជាប្រធានរដ្ឋស្តីទីវៀតណាម បន្ទាប់ពីប្រធានរដ្ឋ លោក ង្វៀន សួនហ៊្វុក (Nguyen Xuan Phuc) បានប្រកាសលាលែងចេញពីតំណែង។
សមាជិកសភាអឺរ៉ុប បានអនុម័តលើសេចក្ដីសម្រេចមួយនៅថ្ងៃព្រហស្បតិ៍ម្សិលមិញ ដោយអំពាវនាវឱ្យមានការដាក់ទណ្ឌកម្មបន្ថែមទៀត ប្រឆាំងនឹងបុគ្គល និងអង្គភាពទាំងឡាយរបស់អ៊ីរ៉ង់ ដែលមានការជាប់ពាក់ព័ន្ធនឹងការរំលោភសិទ្ធិមនុស្ស ខណៈខ្លួនក៏បានបោះឆ្នោតក្នុងការកំណត់ឆ្មាំបដិវត្តន៍អ៊ីរ៉ង់ជាក្រុមភេរវករមួយផងដែរ។
ប្រភពស្និទ្ធស្នាលនឹងប្រធានាធិបតីរុស្ស៊ី លោក វ្លាឌីមៀរ ពូទីន មួយរូប បានព្រមានអង្គការណាតូ (NATO) នៅថ្ងៃព្រហស្បតិ៍ម្សិលមិញថា ការបរាជ័យរបស់រុស្ស៊ីក្នុងសង្គ្រាមនៅអ៊ុយក្រែន អាចបង្កឱ្យមានជាសង្គ្រាមនុយក្លេអ៊ែរកើតឡើង។
រដ្ឋមន្ត្រីការបរទេសរុស្ស៊ី លោក ស៊ែហ្គេយ៍ ឡាវរ៉ូវ (Sergey Lavrov) បានឱ្យដឹងនៅថ្ងៃពុធម្សិលមិញថា សហរដ្ឋអាមេរិកកំពុងតែព្យាយាមគ្រប់គ្រងឥទ្ធិពលទាំងរុស្ស៊ី និងចិន ដោយមានការជួយជ្រោមជ្រែងពីប្រទេសដទៃទៀត ប៉ុន្តែប្រទេសទាំងពីរបានដឹងពីសកម្មភាពទាំងនេះមុនរួចទៅហើយ។
ប្រធានាធិបតីអ៊ុយក្រែន លោក វ៉ូឡូឌីមៀ ហ្សេលេនស្គី បានថ្លែងប្រាប់វេទិកាសេដ្ឋកិច្ចពិភពលោក (World Economic Forum) នៅថ្ងៃពុធម្សិលមិញថា ការផ្គត់ផ្គង់រថក្រោះ និងប្រព័ន្ធការពារដែនអាកាសរបស់បណ្ដាប្រទេសលោកខាងលិច គួរតែធ្វើឡើងឱ្យបានឆាប់រហ័ស និងបញ្ជូនទៅកាន់ប្រទេសអ៊ុយក្រែន ឱ្យបានមុនពេលដែលរុស្ស៊ីអាចរៀបចំការវាយប្រហារថ្មីណាមួយបាន។
នាយករដ្ឋមន្ត្រីនូវែលសេឡង់ លោកស្រី ចាស៊ីនដា អាឌើន (Jacinda Ardern) នៅថ្ងៃព្រហស្បតិ៍នេះ បានធ្វើសេចក្តីប្រកាសដ៏គួរឱ្យភ្ញាក់ផ្អើលមួយ ដោយថា ខ្លួនមិនអាចបន្តដឹកនាំប្រទេសទៀតទេ ហើយនឹងចុះចេញពីតំណែងនៅដើមខែកុម្ភៈខាងមុខនេះ ដោយនឹងមិនឈរឈ្មោះបោះឆ្នោតសាជាថ្មីផងដែរ។
VOD គឺជាស្ថាប័នព័ត៌មានឯករាជ្យដែលផ្តល់ព័ត៌មាន ផលិតកម្មវិធីវិទ្យុ និងការផ្សព្វផ្សាយតាមរយៈគេហទំព័រអ៊ីនធើណេត។
© ២០២២ រក្សាសិទ្ធិគ្រប់យ៉ាងដោយ ស៊ីស៊ីអាយអឹម
