មន្ត្រីសហរដ្ឋអាមេរិកម្នាក់ បានថ្លែងប្រាប់​ទីភ្នាក់ងារសារព័ត៌មាន AP កាលពីថ្ងៃទី១៤ខែមករា ក្នុងលក្ខខណ្ឌមិនបញ្ចេញ​ឈ្មោះ ដើម្បីពិភាក្សាអំពីផែនការរសើប បានពណ៌នាថា ការចាត់វិធានការ​នៅមូលដ្ឋានទ័ពអាកាស Al Udeid ក្នុង​ប្រទេសកាតានេះ គឺជាវិធានការបង្ការទុកជាមុន។

ប្រធានាធិបតីសហរដ្ឋអាមេរិក លោក ដូណាល់ ត្រាំ បានមានប្រសាសន៍កាលពីថ្ងៃទី១៤ខែមករាថា ការទទួលបានលទ្ធផល​ណាមួយដែលតិចជាងការគ្រប់គ្រងរបស់សហរដ្ឋអាមេរិកលើកោះ Greenland គឺជាអ្វីដែល «មិនអាចទទួលយកបាន»។ លោកនិយាយបែបនេះ ប៉ុន្មានម៉ោងមុនពេលអនុប្រធានា​ធិបតី J.D. Vance ធ្វើជាម្ចាស់ផ្ទះទទួល​ជួប​មន្ត្រីដាណឺម៉ាក និង Greenland ក្នុងកិច្ចពិភាក្សា។

ចិនបានគំរាមសងសឹកប្រឆាំងនឹងលោក Donald Trump បន្ទាប់ពីប្រធានា​ធិបតី​សហរដ្ឋអាមេរិករូបនេះ បានថ្លែង​ថា ទីក្រុងវ៉ាស៊ីនតោននឹងដាក់ពន្ធគយ ២៥% លើបណ្តាប្រទេសដែលជួញដូរជាមួយ​​អ៊ីរ៉ង់ ដើម្បីជាមធ្យោ​បាយដាក់ទណ្ឌកម្មទីក្រុងតេអេរ៉ង់ ចំពោះការបង្រ្កាប​យ៉ាង​សាហាវ​ឃោរឃៅលើការតវ៉ាដ៏ធំបំផុត ប្រឆាំងរបបដឹកនាំក្នុងរយៈពេលជាច្រើនឆ្នាំមកនេះ។

កាណាដា និងចិន បង្ហាញសញ្ញារួចរាល់ក្នុងការចាប់ផ្តើមការចរចាពាណិជ្ជកម្មឡើងវិញ បន្ទាប់ពីទំនាក់ទំនងមានភាពតានតឹងអស់រយៈពេលជាច្រើនឆ្នាំ ខណៈដែលដំណើរទស្សនកិច្ចរបស់នាយករដ្ឋមន្ត្រីកាណាដា លោក Mark Carney ទៅកាន់ទីក្រុងប៉េកាំង ក្នុងសប្តាហ៍នេះ បាន​​កើតឡើងចំពេលដែលប្រទេសទាំងពីរ កំពុងចោទសួរអំពីទំនាក់ទំនងដែលធ្លាប់តែរឹងមាំជាមួយសហរដ្ឋអាមេរិក។

ប្រទេសអ៊ីរ៉ង់ បាននិយាយកាលពីថ្ងៃ​ទី​១២​ខែ​មករា​ថា ខ្លួនកំពុងរក្សាបណ្តាញទំនាក់ទំនងឱ្យនៅបើកចំហជាមួយសហរដ្ឋ​អាមេរិក ខណៈដែលប្រធានាធិបតី លោក Donald Trump កំពុងពិចារណាលើការឆ្លើយតបចំពោះការបង្ក្រាបទៅ​លើ​ការតវ៉ាដ៏សាហាវនៅទូទាំងប្រទេស ដែល​កំពុងក្លាយជាបញ្ហាប្រឈមដ៏ខ្លាំងក្លាបំផុតមួយ ចំពោះការដឹកនាំរបស់បព្វជិតកាន់សាសនាមូល្លីមនិយមជ្រុល ចាប់តាំងពីបដិវត្តន៍ឥស្លាមឆ្នាំ ១៩៧៩ មក។

មេដឹកនាំគុយបា បានទាត់ចោលការទាមទាររបស់លោក Donald Trump ដែល​ឱ្យប្រទេសក្នុងតំបន់ការីប៊ានមួយនេះ “ធ្វើការចរចាលើកិច្ចព្រមព្រៀង” ជាមួយទីក្រុងវ៉ាស៊ីនតោន ខណៈដែលប្រធានាធិបតីសហរដ្ឋអាមេរិកបានព្រមានថា ទីក្រុងហាវ៉ាណា (Havana) នឹង​ត្រូវកាត់ផ្តាច់ប្រេង និងប្រាក់កាក់របស់​វេណេស៊ុយអេឡា ដែលគុយបាបាន​ពឹង​ផ្អែកអស់រយៈពេលជាច្រើនទសវត្សរ៍​មកហើយ។

អស់រយៈពេលជាច្រើនខែ ប្រជាជនកាណាដា​ជាច្រើនបានសង្ឃឹមថា លោក Donald Trump លែងចាប់អារម្មណ៍នឹងការចង់ធ្វើឱ្យប្រទេសរបស់ពួកគេក្លាយជា “រដ្ឋទី៥១ របស់សហរដ្ឋអាមេរិក” ទៀត​​ហើយ ខណៈ លោក ត្រាំ កំពុងជាប់រវល់នឹងការធ្វើឱ្យទីក្រុងវ៉ាស៊ីនតោន និងប្រព័ន្ធពាណិជ្ជកម្មពិភពលោកមានភាពច្របូកច្របល់។ ប៉ុន្តែក្តីសង្ឃឹមទាំងនោះកំពុង​តែរលាយបាត់ទៅវិញ។

កាលពីថ្ងៃទី១១ខែមករា អ៊ីរ៉ង់បានគំរាមសងសឹកវិញប្រឆាំងនឹងមូលដ្ឋានយោធាសហរដ្ឋអាមេរិក និងសត្រូវសួពូជរបស់ខ្លួនគឺប្រទេសអ៊ីស្រាអែល ដែលកំពុងស្ថិតក្នុងស្ថានភាពប្រុងប្រយ័ត្នខ្ពស់បំផុត ក្នុងករណីដែលប្រធានាធិបតី Donald Trump អនុវត្តតាមការគំរាមកំហែងរបស់លោក ក្នុងការវាយប្រហារលើប្រទេសអ៊ីរ៉ង់ ដើម្បីការពារក្រុមបាតុករ។

បន្ទាប់ពីកម្ពុជាបានបញ្ជូនខ្លួនមហាសេដ្ឋី​បោកប្រាស់ Chen Zhi និងជន​ជាតិ​ចិន​២នាក់ផ្សេងទៀត ទៅកាន់ចិនដី​គោក​វិញ ទីក្រុងប៉េកាំងបានចោទប្រកាន់​មហាសេដ្ឋីមានឈ្មោះអាស្រូវរូបនេះ ពីបទ បានប្រតិបត្តិការបណ្តាញ​ឧក្រិដ្ឋ​កម្មឆ្លងដែន រួមទាំងការសង្ស័យ​ថាមានការពាក់ព័ន្ធនឹងល្បែងស៊ីសងតាម​កាស៊ីណូ និងការឆបោក។

សេចក្តីសម្រេចអំពីអំណាចសង្គ្រាម ដែលស្នើឡើងដោយសមាជិកព្រឹទ្ធសភាបក្សប្រជាធិបតេយ្យ លោក Tim Kaine នឹងតម្រូវឱ្យលោក ត្រាំ សុំការអនុញ្ញាត​ពី​សភា មុនពេលវាយប្រហារ ឬប្រើប្រាស់កម្លាំង​យោធាតាមរបៀបផ្សេងទៀត ប្រឆាំងនឹងវ៉េណេស៊ុយអេឡា។​