លោកនាយករដ្ឋមន្រ្តី ហ៊ុន សែន ក្រើនរំលឹកនិងដាស់តឿនដល់អាជ្ញាធរមូលដ្ឋានត្រូវសកម្មក្នុងការដោះស្រាយបញ្ហាក្នុងមូលដ្ឋានរបស់ខ្លួន ជាពិសេសត្រូវចុះពិនិត្យនិងជួលជុលផ្លូវដែលរងការខូចខាត ដោយលោកថា មិនមែនឱ្យកាន់តំណែងហើយអង្គុយលេងនោះទេ។
ក្រសួងមហាផ្ទៃ ក្រើនរំលឹកដល់ក្រសួង ស្ថាប័ន រដ្ឋបាលថ្នាក់ក្រោមជាតិ និងវិស័យឯកជនដែលពាក់ព័ន្ធ ឱ្យអនុវត្តនិងទទួលស្គាល់បណ្ណស្នាក់នៅអចិន្ត្រៃយ៍សម្រាប់ជនបរទេសអន្តោប្រវេសន្តនៅកម្ពុជា ស្របតាមច្បាប់ជាធរមាន។
ក្រសួងការងារ និងបណ្តុះបណ្តាលវិជ្ជាជីវៈ ព្រមទាំងស្ថានទូតខ្មែរប្រចាំប្រទេសកូរ៉េខាងត្បូង អំពាវនាវឱ្យពលករ ពិសេសពលករដែលធ្វើការងារនៅកូរ៉េ មិនត្រូវជឿអបិយជំនឿដែលបំផុសបំផុលមិនសមហេតុផលនាំឱ្យខាតប្រយោជន៍ និងបាត់បង់ការងារ ក្រោយមានការឃោសនារឿងទឹកលិចពិភពលោក។
មន្ត្រីជាន់ខ្ពស់រាជរដ្ឋាភិបាលបានឱ្យដឹងថា រយៈពេល ៨ខែ ឆ្នាំ២០២២នេះ សមត្ថកិច្ចបានសង្គ្រោះជនបរទេសដែលរងគ្រោះដោយអំពើជួញដូរ និងរត់ពន្ធមនុស្សជិត ១ ០០០នាក់ ខណៈរដ្ឋមន្រ្តីក្រសួងមហាផ្ទៃ អំពាវនាវឱ្យសាធារណជន និងភាគីពាក់ព័ន្ធបន្តសហការផ្តល់ព័ត៌មានទាក់ទងនឹងអំពើជួញដូរមនុស្សបន្ថែមទៀត។
រដ្ឋមន្ត្រីក្រសួងមហាផ្ទៃ លោក ស ខេង ឆ្លើយតបនឹងអ្នករាយការណ៍ពិសេសអង្គការសហប្រជាជាតិ ពាក់ព័ន្ធទៅនឹងការប្រឆាំងនឹងអំពើជួញដូរមនុស្ស ពលកម្មដោយបង្ខំ និងការកេងប្រវ័ញ្ចលើពលកម្មនោះ ថា កម្ពុជាក៏ជាប្រទេសដែលរងគ្រោះដោយសារអំពើទាំងនេះ ដោយពួកឧក្រិដ្ឋជនយកកម្ពុជា ជាកន្លែងដើម្បីធ្វើការឆបោកប្រព្រឹត្តអំពើជួញដូររត់ពន្ធមនុស្សនេះ។
អគ្គនាយកដ្ឋានការពារអ្នកប្រើប្រាស់ កិច្ចការប្រកួតប្រជែង និងបង្ក្រាបការក្លែងបន្លំ (ក.ប.ប) នៃក្រសួងពាណិជ្ជកម្ម បានផ្អាកជាបណ្ដោះអាសន្ន ការនាំចូល ចែកចាយ និងប្រមូលពីទីផ្សារ ចំពោះម្សៅលាបទារកនិងកុមារចំនួន១២ប្រភេទ ក្រោយរកឃើញផ្ទុកសារធាតុគីមី អាសបេស្តុស (Asbestos) ដែលអាចបង្កជំងឺមហារីកចំពោះអ្នកប្រើប្រាស់។
លោកនាយករដ្ឋមន្រ្ដី ហ៊ុន សែន បានបញ្ជាឱ្យរដ្ឋមន្រ្ដីក្រសួងព័ត៌មាន លោក ខៀវ កាញារីទ្ធ លុបចោលអាជ្ញាបណ្ណចំពោះស្ថាប័នសារព័ត៌មានទាំងឡាយណា ដែលជេរប្រមាថជាសាធារណៈក្នុងបណ្ដាញសង្គម។
រដ្ឋមន្រ្តីក្រសួងមហាផ្ទៃ លោក ស ខេង បានជំរុញជាថ្មីឱ្យគណៈកម្មាធិការជាតិសុវត្ថិភាពចរាចរណ៍ផ្លូវគោក និងស្ថាប័នពាក់ព័ន្ធ ពង្រឹងការអនុវត្តច្បាប់ និងពិនិត្យឡើងវិញនូវចំណុចអវិជ្ជមានទាំងឡាយ ដើម្បីដោះស្រាយបញ្ហាប្រឈម ខណអត្រាគ្រោះថ្នាក់ចរាចរណ៍ផ្លូវគោកក្នុងរយៈពេល៦ខែដើមឆ្នាំនេះ បានកើនឡើង បើធៀបនឹងរយៈពេលដូចគ្នាកាលពីឆ្នាំមុន។
ស្នងការនគរបាលរាជធានីភ្នំពេញ បង្កើតក្រុមប្រតិបត្តិការចំនួន៩ក្រុមនៅគ្រប់ខណ្ឌទាំងអស់ ដើម្បីចុះល្បាត ទប់ស្កាត់ និងបង្ក្រាបកម្លាំងអនាធិបតេយ្យ ដែលធ្វើសកម្មភាពចាប់ឃាត់ខ្លួនប្រជាពលរដ្ឋបែបអនាធិបតេយ្យ ដោយមិនមានកិច្ចសហការពីអាជ្ញាធរមូលដ្ឋាន។
មន្ត្រីជាន់ខ្ពស់ក្រសួងអប់រំ យុវជន និងកីឡា លើកឡើងថា កម្មវិធីសិក្សាភាសាវៀតណាមដែលគ្រោងនឹងបញ្ចូលនៅផ្នែកសិក្សាមួយនៃសាកលវិទ្យាល័យភូមិន្ទភ្នំពេញ គឺជាកិច្ចសហប្រតិបត្តិការរវាងប្រទេសជាមិត្តលើវិស័យអប់រំតែប៉ុណ្ណោះ។
VOD គឺជាស្ថាប័នព័ត៌មានឯករាជ្យដែលផ្តល់ព័ត៌មាន ផលិតកម្មវិធីវិទ្យុ និងការផ្សព្វផ្សាយតាមរយៈគេហទំព័រអ៊ីនធើណេត។
© ២០២២ រក្សាសិទ្ធិគ្រប់យ៉ាងដោយ ស៊ីស៊ីអាយអឹម
