អង្គជំនុំជម្រះវិសាមញ្ញក្នុងតុលាការកម្ពុជា នឹងបិទបញ្ចប់ដំណើរការនីតិវិធីច្បាប់ ក្រោយពីការប្រកាសសាលដីកាស្ថាពរលើអតីតប្រមុខរដ្ឋ (ប្រធានគណៈប្រធានរដ្ឋ) នៃរបបកម្ពុជាប្រជាធិបតេយ្យ លោក ខៀវ សំផន នៅក្នុងសប្ដាហ៍នេះ។
គណបក្សទាំង៤ រួមមាន គណបក្សភ្លើងទៀន គណបក្សប្រជាធិបតេយ្យមូលដ្ឋាន គណបក្សឆន្ទៈខ្មែរ និងគណបក្សកែទម្រង់កម្ពុជា បានដាក់សំណើសុំជួបពិភាក្សាជាមួយស្ថាប័នជាតិធំៗចំនួន ៣ រួមមាន រដ្ឋសភា ក្រសួងមហាផ្ទៃ និងគណៈកម្មាធិការជាតិរៀបចំការបោះឆ្នោត (គជប) ដើម្បីទាមទារឱ្យមានការកែលម្អប្រព័ន្ធបោះឆ្នោត និងសេរីភាពនយោបាយ មុនការបោះឆ្នោតជាតិឆ្នាំ២០២៣។
កាលពីថ្ងៃទី៧ ខែសីហា ឆ្នាំ២០២២ លោកនាយករដ្ឋមន្ត្រី ហ៊ុន សែន បាន សម្រេចលុបចោលគម្រោងអភិវឌ្ឍន៍នៅតំបន់ភ្នំតាម៉ៅ ពីក្រុមហ៊ុនឡេងណាវ៉ាត់ត្រា និងបានបង្គាប់ឱ្យមានការដាំដើមឈើឡើងវិញ។ ដូចគ្នានេះ យុវជនក៏ចង់ឃើញរាជរដ្ឋាភិបាលកម្ពុជាដកហូតយកព្រៃសហគមន៍ឧត្តមស្រែពស់ នៅស្រុកឱរ៉ាល់ ខេត្តកំពង់ស្ពឺ និងតំបន់ទន្លេបាទី ត្រលប់មកវិញ ដូចករណីនៅភ្នំតាម៉ៅផងដែរ។
លោកនាយករដ្ឋមន្ត្រី ហ៊ុន សែន និងភរិយា បានធ្វើដំណើរទៅដល់ការិយាល័យបោះឆ្នោតតាំងពីវេលាម៉ោង៧និង១៥នាទីព្រឹកថ្ងៃអាទិត្យនេះ នៅការិយាល័យលេខ១៦៩៧ ដែលមានទីតាំងស្ថិតនៅក្នុងសាលាគរុកោសល្យភូមិភាគ ក្រុងតាខ្មៅ ខេត្តកណ្ដាល។
ជំនួយការផ្ទាល់របស់លោក កឹម សុខា បានអះអាងប្រាប់វីអូឌីថា លោក កឹម សុខា មិនចេញទៅបោះឆ្នោតជ្រើសរើសក្រុមប្រឹក្សាឃុំសង្កាត់នៅថ្ងៃអាទិត្យនេះទេ ដោយសារមិនមានជម្រើសគណបក្សនយោបាយដែលលោកពេញចិត្ត។
មនុស្សស្និទ្ធនឹងលោក កឹម សុខា ប្រធានគណបក្សសង្គ្រោះជាតិដែលតុលាការបានរំលាយ បានអះអាងថា គិតមកដល់ម៉ោងប្រមាណ១០ព្រឹកនេះ មេបក្សរូបនេះនៅមិនទាន់ចេញទៅបោះឆ្នោតជ្រើសរើសក្រុមប្រឹក្សាឃុំសង្កាត់នៅឡើយ។
គណៈកម្មាធិការជាតិរៀបចំការបោះឆ្នោត គជប នឹងផ្សាយលទ្ធផលបឋមនៃការបោះឆ្នោតជ្រើសរើសក្រុមប្រឹក្សាឃុំសង្កាត់អាណត្តិទី៥ ឆ្នាំ២០២២ ចាប់ពីល្ងាចថ្ងៃទី៥ ខែមិថុនា ដល់ម៉ោង ១២យប់ ហើយនឹងបន្តការផ្សាយចាប់ពីម៉ោង៨ព្រឹកថ្ងៃទី៦ ខែមិថុនា ដល់ម៉ោង១២ថ្ងៃត្រង់។
គណបក្សនយោបាយធំៗពីរ គឺគណបក្សប្រជាជនកម្ពុជា និងគណបក្សភ្លើងទៀន ហែក្បួនឃោសនាបោះឆ្នោតជាទ្រង់ទ្រាយធំ នៅថ្ងៃចុងក្រោយនៃយុទ្ធនាការឃោសនាបោះឆ្នោត នាថ្ងៃសុក្រនេះ នៅក្នុងភូមិសាស្ត្ររាជធានីភ្នំពេញ។
មេធាវីការពារក្ដីឱ្យលោក អៀ ចាន់ណា បានចាត់ទុកការចាប់ខ្លួនកូនក្ដីរបស់ខ្លួន ថាជារឿងនយោបាយជាជាងការអនុវត្តច្បាប់ ដោយសារកូនក្ដីរបស់លោកគឺជាអនុប្រធានក្រុមការងារបណ្ដោះអាសន្នគណបក្សភ្លើងទៀននៅខេត្តតាកែវ។
ក្រុមប្រឹក្សាឃ្លាំមើលកម្ពុជា បានអំពាវនាវដល់តុលាការរាជធានីភ្នំពេញ និងរដ្ឋាភិបាលកម្ពុជា ដោះលែងសកម្មជនព្រំដែន លោក អៀ ចាន់ណា ដោយឥតលក្ខខណ្ឌ។
VOD គឺជាស្ថាប័នព័ត៌មានឯករាជ្យដែលផ្តល់ព័ត៌មាន ផលិតកម្មវិធីវិទ្យុ និងការផ្សព្វផ្សាយតាមរយៈគេហទំព័រអ៊ីនធើណេត។
© ២០២២ រក្សាសិទ្ធិគ្រប់យ៉ាងដោយ ស៊ីស៊ីអាយអឹម
