តុលាការរាជធានីភ្នំពេញ សម្រេចផ្តន្ទាទោសសកម្មជនគណបក្សកម្លាំងជាតិ លោក ខឿន វីរ៉ាត់ ឱ្យជាប់ពន្ធនាគាររយៈពេល ២ ឆ្នាំ និងពិន័យជាប្រាក់ចំនួន ៤ លានរៀល ពាក់ព័ន្ធនឹងបទ ញុះញង់ និងជេរប្រមាថ ជុំវិញការបញ្ចេញមតិ និងចែករំលែកព័ត៌មានលើបណ្តាញសង្គម រិះគន់រដ្ឋាភិបាលរឿងបញ្ហាព្រំដែនកម្ពុជា-ថៃ។
វិបត្តិសិទ្ធិមនុស្ស នយោបាយ ឧក្រិដ្ឋកម្មអនឡាញ ការឈ្លានពានទឹកដីពីប្រទេសជិតខាង និងវិបត្តិបំណុលពលរដ្ឋ ក្រោមការរីករាលដាលនៃអំពើពុករលួយជាដើម បានជំរុញឱ្យមានការលើកឡើងពីក្តីបារម្ភនៃហានិភ័យរបស់មេដឹកនាំបក្សកាន់អំណាច ប្រសិនបើបន្ទាត់នយោបាយនៅតែបន្តដើរបញ្ច្រាសទិសពីបំណងពលរដ្ឋ និងអន្តរជាតិ។
ស្របពេលដែលសេរីភាពខាងសារព័ត៌មាន និងការផ្សព្វផ្សាយនៅកម្ពុជា កំពុងរងការរិះគន់ថាមានភាពតូចចង្អៀតស្រាប់នៅថ្នាក់ជាតិ ពេលនេះរដ្ឋបាលថ្នាក់ក្រោមជាតិ កំពុងអនុវត្តប្រព័ន្ធរឹតបន្តឹងការចូលយកព័ត៌មានក្នុងដែនសមត្ថកិច្ចរបស់ខ្លួនកាន់តែខ្លាំងឡើង។
ការសិក្សាស្រាវជ្រាវមួយរបស់អង្គការដែលធ្វើការលើវិស័យសារព័ត៌មាន បង្ហាញថា ពលរដ្ឋអ្នកសារព័ត៌មាន កំពុងបំពេញការងារក្នុងបរិយាកាសរឹតត្បិត និងការយាយីមួយចំនួន ពីសំណាក់អាជ្ញាធរ រួមទាំងការចោទប្រកាន់តាមផ្លូវតុលាការ នៅពេលពួកគេធ្វើសេចក្តីរាយការណ៍ និងចែករំលែកព័ត៌មានពីបញ្ហាក្នុងមូលដ្ឋាន និងសហគមន៍។
ក្រោយមានការរិះគន់ជុំវិញការថ្លែងរបស់នាយករដ្ឋមន្ត្រី លោក ហ៊ុន ម៉ាណែត ដែលឱ្យពលរដ្ឋរងគ្រោះបាត់បង់ផ្ទះសម្បែងភូមិករ ឱ្យទៅទារសំណងពីថៃដែលជាអ្នកឈ្លានពាននោះ នៅថ្ងៃពុធនេះ លោក ហ៊ុន ម៉ាណែត បានចេញមកបកស្រាយថា អ្វីដែលលោកបាននិយាយនោះ គឺជាការឆ្លើយតបទៅកាន់ពលរដ្ឋនៅក្រៅប្រទេសមួយចំនួនដែលឈឺឆ្អាលក្នុងន័យវាយប្រហាររដ្ឋាភិបាលប៉ុណ្ណោះ។
មិនខុសពីរាល់ឆ្នាំ សហជីពភាគច្រើនលើសលប់ តែងនាំគ្នាបោះឆ្នោតមិនឱ្យមានការដំឡើងប្រាក់ឈ្នួលដល់កម្មករ ខណៈការដំឡើង ២ ដុល្លារ បែរជាធ្វើឡើងដោយសារការអន្តរាគមន៍របស់នាយករដ្ឋមន្ត្រី។
គណបក្សកម្លាំងជាតិ និងក្រុមអង្គការសង្គមស៊ីវិល បង្ហាញការខកចិត្តដូចគ្នា ចំពោះរដ្ឋាភិបាលដែលបានដំឡើងប្រាក់ឈ្នួលអប្បបរមាដល់កម្មករក្នុងវិស័យកាត់ដេរ បានត្រឹម ២ដុល្លារបន្ថែមសម្រាប់ឆ្នាំ២០២៧ ខណៈតម្លៃទំនិញនៅលើទីផ្សារមានគម្លាតខ្ពស់ខ្លាំង មិនស៊ីសង្វាក់គ្នាទៅនឹងការចំណាយប្រចាំថ្ងៃបាន ដែលការណ៍នេះ ពួកគេបង្ហាញការព្រួយបាម្ភពីវិបត្តិកាន់តែធ្ងន់ធ្ងរ ក្រោមសម្ពាធបំណុល បើគ្មានអ្វីប្រែប្រួល។
រដ្ឋាភិបាលលោក ហ៊ុន ម៉ាណែត និងក្រុមប្រឆាំងនៅក្រៅប្រទេស នៅតែបន្តចោទប្រកាន់គ្នាទៅវិញទៅមកពីបទក្បត់ជាតិ ខណៈថៃនៅតែបន្តរុលចូលឈ្លានពានទឹកដីកម្ពុជាកាន់តែជ្រៅរហូតដល់ជាង ៨០ទីតាំង និងកំពុងបន្តសម្រុកសាងសង់សំណង់ផ្សេងៗ ប៉ុន្តែរដ្ឋាភិបាលលោក ហ៊ុន ម៉ាណែត នៅតែមិនទាន់ប្តឹងថៃទៅកាន់តុលាការអន្តរជាតិនៅឡើយទេ។
អ្នករាយការណ៍ពិសេសផ្នែកសិទ្ធិមនុស្សរបស់អង្គការសហប្រជាជាតិ លោក ថម អេនឌ្រូ (Tom Andrews) បន្តលើកឡើងពីក្តីបារម្ភជុំវិញការរឹតត្បិតសេរីភាពបញ្ចេញមតិ លំហពលរដ្ឋ និងសិទ្ធិនយោបាយ ព្រមទាំងការឃុំខ្លួនអ្នកការពារសិទ្ធិមនុស្ស សកម្មជន និងអ្នកនយោបាយជាដើម។
អស់រយៈពេលជាង ២០ឆ្នាំមកហើយ ដែលសេចក្តីព្រាងច្បាប់ ស្តីពី «សិទ្ធិទទួលព័ត៌មាន» នៅជាប់គាំងក្នុងកណ្តាប់ដៃរបស់រដ្ឋាភិបាល ទាំងរដ្ឋាភិបាលដឹកនាំដោយអតីតនាយករដ្ឋមន្ត្រី លោក ហ៊ុន សែន និងរដ្ឋាភិបាលបច្ចុប្បន្ន លោក ហ៊ុន ម៉ាណែត បើទោះបីជាសេចក្តីព្រាងច្បាប់នេះ ត្រូវបានគេមើលឃើញជាទូទៅថា គឺជាសិទ្ធិមូលដ្ឋានគ្រឹះយ៉ាងសំខាន់ក្នុងការធានានូវតម្លាភាព គណនេយ្យភាព សុច្ចរិតភាព និងការចូលរួមរបស់ប្រជាពលរដ្ឋក្នុងការអភិវឌ្ឍសង្គម-សេដ្ឋកិច្ច ជាពិសេសក្នុងការគ្រប់គ្រងហិរញ្ញវត្ថុសាធារណៈ និងការប្រឆាំងអំពើពុករលួយក៏ដោយ។
VOD ជាអង្គភាពសារព័ត៌មានដែលប្រតិបត្តិការដោយមូលនិធិដើម្បីសេរីភាពដែលបានចុះបញ្ជីនៅរដ្ឋវ៉ាស៊ីនតោន សហរដ្ឋអាមេរិក។
VOD ផ្តល់ព័ត៌មាន ផលិតកម្មវិធីទូរទស្សន៍អនឡាញ និងការផ្សព្វផ្សាយតាមរយៈគេហទំព័រអ៊ីនធើណេត។
© 2026 Copyright By Foundation for Freedom (FFF)
