ព្រឹត្តិការណ៍សហគមន៍២០កុម្ភៈ ដែលជាការឆ្លងជំងឺកូវីដ-១៩ ចូលទៅកាន់សហគមន៍ជាលើកទី៣ ​ស្ថិតក្នុងភាពធ្ងន់ធ្ងរ​ ត្បិតការរកឃើញអ្នកឆ្លងជំងឺនេះមានចំនួនច្រើន​នៅឡើយ និងបន្តរីករាលដាលចូលទៅក្នុងសហគមន៍សំខាន់ៗមួយចំនួន ពិសេសទីផ្សារ និងរោងចក្រកាត់ដេរផងដែរ។

សហរដ្ឋអាមេរិក និងសហភាពអឺរ៉ុប បានសម្រេចក្នុងថ្ងៃតែមួយ​ដាក់ទណ្ឌកម្មប្រឆាំងនឹងមេដឹកនាំយោធា និងអ្នកដែលពាក់ព័ន្ធរដ្ឋប្រហារ រួមទាំងអ្នកប្រើប្រាស់​អំពើហិង្សាសម្លាប់បាតុករភូមាដែលតវ៉ាដោយសន្តិវិធី។

សមាជិកក្រុមប្រឹក្សាសន្តិសុខអង្គការសហប្រជាជាតិ កាលពីថ្ងៃពុធសប្តាហ៍មុន​ បានស្រុះស្រួលចេញមុខជាលើកដំបូងថ្កោលទោសការប្រើហិង្សារបស់​ក្រុមប៉ូលិសនិងទាហានភូមាលើពលរដ្ឋខ្លួន។

គិតចាប់តាំងពីការផ្ទុះឡើងនូវព្រឹត្តិការណ៍សហគមន៍២០កុម្ភៈ មកទល់នឹងថ្ងៃទី១៥ ខែមីនានេះ គឺមានរយៈពេល២៤ថ្ងៃមកហើយ។ លោកនាយករដ្ឋមន្ត្រី ហ៊ុន សែន រំពឹងថា ព្រឹត្តិការណ៍សហគមន៍​លើកនេះនឹងត្រូវបិទបញ្ចប់នៅក្នុងរយៈពេល១ខែ។

ការប្រើប្រាស់ហិង្សាពីសំណាក់ក្រុមប៉ូលិសនិងយោធាភូមាទៅលើក្រុមបាតុករដែលប្រឆាំងនឹងការធ្វើរដ្ឋប្រហារ កាន់តែមានភាព​សាហាវទៅៗពីមួយថ្ងៃទៅមួយថ្ងៃ។ របាយការណ៍របស់សមាគមអ្នកទោសនយោបាយភូមា​ ដែលមានមូលដ្ឋាននៅប្រទេសថៃ បង្ហាញថា​ គិតត្រឹមថ្ងៃទី៩ ខែមីនា បាតុករជាង៦០នាក់បានបាត់បង់ជីវិត ហើយជិត២ ០០០នាក់​ទៀតត្រូវ​បាន​ឃុំខ្លួន​ពាក់ព័ន្ធនឹងការចូលរួមតវ៉ា។

បន្ទាប់ពីមេទ័ពកំពូលមីយ៉ាន់ម៉ា ឧត្តមសេនីយ៍ មិន អ៊ុងឡាំង (Min Aung Hlaing) បានដឹកនាំក្រុមទាហានធ្វើរដ្ឋប្រហារ មិនឱ្យមានការរៀបចំរដ្ឋាភិបាលស៊ីវិល កាលពីដើមខែកុម្ភៈកន្លងមក ពលរដ្ឋ​មីយ៉ាន់ម៉ាជាច្រើនម៉ឺននាក់បាននាំគ្នា​ចេញមកធ្វើបាតុកម្មប្រឆាំង និង​ទាមទារឱ្យក្រុមយោធា​ប្រគល់អំណាចឱ្យបក្សសម្ព័ន្ធជាតិដើម្បីប្រជាធិបតេយ្យវិញ។ បើទោះបីជាក្រុមយោធាដាក់ចេញនូវបម្រាមគោចរ និងការ​កំណត់ចំនួនមនុស្ស​ក្នុងការជួបជុំយ៉ាងណាក្តី ក៏ពលរដ្ឋមកពីគ្រប់វិស័យនៅតែចេញមកតវ៉ាតាមដងផ្លូវ។