សាលាដំបូងរាជធានីភ្នំពេញ សម្រេចផ្តន្ទាទោសឈ្មោះ នី ណាក់ អតីតមន្ត្រីក្រសួងកសិកម្ម ដាក់ពន្ធនាគារ១ឆ្នាំ៦ខែ ពិន័យជាប្រាក់ចំនួន២លានរៀល ក្រោមចោទប្រកាន់ពីបទ «ជេរប្រមាថ និងញុះញង់ឱ្យមានការរើសអើង» តាមបណ្តាញសង្គមហ្វេសប៊ុកឈ្មោះ IMan KH។
កាលពីពេលថ្មីៗ កសិករមួយរូបដែលដាំបន្លែនៅស្រុកស្អាង ខេត្តកណ្តាល លោក ងៀប តៃសុង ត្រូវបានអាជ្ញាធរខេត្ត រួមមាន អនុប្រធានមន្ទីរពាណិជ្ជកម្ម និងមន្ទីរកសិកម្ម រុក្ខាប្រមាញ់ និងនេសាទ បានចុះទៅធ្វើកំណត់ហេតុ និងព្រមានឱ្យបញ្ឈប់ការបង្ហោះព័ត៌មានអវិជ្ជមានលើបណ្តាញសង្គមហ្វេសប៊ុក។
អតីតសកម្មជនគណបក្សសង្គ្រោះជាតិមួយចំនួនសម្រេចបញ្ឈប់ការបញ្ចេញមតិរិះគន់អំពីបញ្ហានយោបាយនិងបញ្ហាភាពអយុត្តិធម៌ក្នុងសង្គម ដោយសារបារម្ភពីសុវត្ថិភាព បន្ទាប់ពីរងការគំរាមកំហែង ការចាប់ដាក់ពន្ធនាគារ និងការលបវាយប្រហារលើអតីតសហការីក្នុងគណបក្សជាបន្តបន្ទាប់។
អង្គការគាំពារអ្នកកាសែតចំនួនពីរ បានអំពាវនាវឱ្យអាជ្ញាធរកម្ពុជាបញ្ឈប់ការគំរាមកំហែង និងធ្វើទុក្ខបុកម្នេញទៅលើអ្នកសារព័ត៌មានឯករាជ្យនៅពេលពួកគេចុះបំពេញការងារ។
ប្រជាពលរដ្ឋមួយចំនួនបង្ហាញការព្រួយបារម្ភពីសុវត្ថិភាពរបស់ខ្លួន នៅពេលដែលពួកគាត់បញ្ចេញមតិយោបល់ជុំវិញចំណាត់ការរបស់រដ្ឋាភិបាលក្នុងការដោះស្រាយវិបត្តិជំងឺកូវីដ-១៩ ក្រោយពីមានការចាប់ខ្លួនមនុស្សមួយចំនួនដែលហ៊ានបញ្ចេញមតិលើបណ្តាញសង្គមទាក់ទងនឹងជំងឺនេះ។
ប្រទេសស៊ុយអែត បានផ្តល់ថវិកាចំនួន២៣លានក្រោន ឬស្មើប្រមាណ២,៥លានដុល្លារអាមេរិក ដើម្បីពង្រឹងការអភិវឌ្ឍប្រព័ន្ធផ្សព្វផ្សាយនិងសេរីភាពនៃការបញ្ចេញមតិនៅកម្ពុជា។
ប្រធានសមាគមស្ត្រីដើម្បីសង្គម អះអាងថា គម្រោងនៃការដាក់ញត្តិស្នើសុំកិច្ចអន្តរាគមន៍ពីលោកនាយករដ្ឋមន្ត្រី ហ៊ុន សែន ពាក់ព័ន្ធនឹងការលើកលែងបង់ថ្លៃទឹកភ្លើង និងផ្អាកបង់ធនាគាររយៈពេល៣ខែនោះ ត្រូវបានផ្អាកទៅវិញ បន្ទាប់ពីយុវជន៥នាក់ រួមទាំងកញ្ញាផង ត្រូវបានអាជ្ញាធរឃាត់ខ្លួនកាលពីល្ងាចថ្ងៃទី២៤ ខែមីនា។
តំណាងកម្ពុជាប្រចាំនៅក្រុមប្រឹក្សាសិទ្ធិមនុស្សអង្គការសហប្រជាជាតិ បានច្រានចោលការលើកឡើងថា លំហសេរីភាពរបស់ពលរដ្ឋកម្ពុជាកំពុងធ្លាក់ចុះខ្លាំង ដោយសារតែអាជ្ញាធរប្រើវិធានការច្បាប់ ដើម្បីកម្រិតសិទ្ធិក្នុងការបញ្ចេញមតិដោយសន្តិវិធី។
យុវជនមួយចំនួនបានបង្ហាញក្តីបារម្ភក្រោយពីរដ្ឋាភិបាលបង្កើតអនុក្រឹត្យ ស្តីពី «ច្រកទ្វារអ៊ីនធឺណិតជាតិ» កាលពីពេលថ្មីៗនេះ ដែលពួកគេយល់ថា អាចធ្វើឱ្យប៉ះពាល់ដល់សិទ្ធិសេរីភាពរបស់ប្រជាពលរដ្ឋ ក៏ដូចជាយុវជនដែលនិយមបញ្ចេញមតិនៅលើបណ្តាញសង្គម។
សមាគមការពារសិទ្ធិមនុស្សអាដហុក ជំរុញឱ្យកែលម្អបទ«ញុះញង់» មាត្រា៤៩៤ និង៤៩៥ ដោយយកមាត្រា៥ នៃក្រមព្រហ្មទណ្ឌមកអនុវត្តឱ្យបានម៉ឺងមាត់ ដើម្បីទប់ស្កាត់ការចោទប្រកាន់ប្រជាពលរដ្ឋដែលគ្រាន់តែប្រើសិទ្ធិបញ្ចេញមតិដោយសន្តិវិធីក្នុងការទាមទារឱ្យមានការទទួលខុសត្រូវពីអង្គការរដ្ឋ។
VOD គឺជាស្ថាប័នព័ត៌មានឯករាជ្យដែលផ្តល់ព័ត៌មាន ផលិតកម្មវិធីទូរទស្សន៍អនឡាញ និងការផ្សព្វផ្សាយតាមរយៈគេហទំព័រអ៊ីនធើណេត។
© ២០២៥ រក្សាសិទ្ធិគ្រប់យ៉ាងដោយ វីអូឌី
