ការសិក្សាស្រាវជាវថ្មីមួយរបស់VOD រកឃើញថា ការដែលក្រសួងព័ត៌មានដែលជាសេនាធិការរបស់រដ្ឋាភិបាលកម្ពុជាបានវាយតម្លៃថា សេរីភាពសារព័ត៌មានក្នុងប្រទេសកម្ពុជាឆ្នាំ២០២៥នេះ ប្រសើរជាងឆ្នាំមុន មិនអាចប្រើប្រាស់ជាមូលដ្ឋាន ដើម្បីឆ្លុះបញ្ចាំងការពិតបានទេ បើធៀបនឹងការរកឃើញពីស្ថានប័ននានា ដែលមិនចំណុះឱ្យរដ្ឋាភិបាល ដែលការណ៍នេះ ទាមទារឱ្យមានការត្រួតពិនិត្យពីឯករាជ្យឡើងវិញ។
ក្រុមអ្នកតាមដានការអនុវត្តច្បាប់ បានលើកឡើងថា ជាការដល់ពេលដែលរដ្ឋាភិបាលត្រូវបញ្ចប់និទណ្ឌភាពនៃឧក្រិដ្ឋកម្មលើអ្នកសារព័ត៌មាន ដោយសំអាងថា ឆ្នាំ២០២៥នេះ និទណ្ឌភាពលើអ្នកសារព័ត៌មាន បានវិវឌ្ឍន៍ទៅរកស្ថានភាពកាន់តែធ្ងន់ធ្ងរ តាមរយៈប្រព័ន្ធតុលាការ វិធានដកអាជ្ញាបណ្ណ និងការយាយីលើរាងកាយ ដែលអ្នកប្រព្រឹត្តមិនត្រូវបានយកមកផ្តន្ទាទោសតាមច្បាប់ឡើយ។
អ្នកឃ្លាំមើល ជំរុញឱ្យរដ្ឋាភិបាលលុបបំបាត់និទណ្ឌភាពចំពោះឧក្រិដ្ឋកម្មលើអ្នកសារព័ត៌មាននៅកម្ពុជាដោយថាប្រមាណជា៣០ឆ្នាំមកនេះ អ្នកសារព័ត៌មានយ៉ាងហោចណាស់១៥នាក់ ត្រូវបានសម្លាប់ រីឯការស៊ើបអង្កេតប្រកបដោយការជឿជាក់ ដើម្បីនាំជនដៃដល់មកកាត់ទោសមិនត្រូវបានធ្វើឡើងនោះទេ។
លោកឧបនាយករដ្ឋមន្ត្រី សុខ ចិន្តាសោភា បានទៅបំពេញទស្សនៈកិច្ចនៅទីក្រុងប៊្រុចសែល សម្រាប់វេទិកាច្រកទ្វារសកលបានជួបជាមួយតំណាងអឺរ៉ុបជាន់ខ្ពស់ និងអនុប្រធានសហភាពអឺរ៉ុប លោកស្រី កាចា កាឡាស (Kaja Kallas) និងស្នងការអឺរ៉ុបសម្រាប់ភាពដៃគូរអន្តរជាតិ លោក ចូហ្សេហ្វ ស៊ីកេឡា (Jozef Síkela)។
ក្នុងឱកាសអបអរសាទរទិវាសិទ្ធិទទួលព័ត៌មានជាសកលឆ្នាំ២០២៥ ក្រោមប្រធានបទ «ធានាការទទួលបានព័ត៌មានបរិស្ថាន និងការគ្រប់គ្រងហិរញ្ញវត្ថុសាធារណៈក្នុងយុគសម័យឌីជីថល» កាលពីថ្ងៃទី៨ ខែតុលា សមាជិកនៃក្រុមការងារសិទ្ធិទទួលព័ត៌មាន និងអង្គការដៃគូចំនួន១៩ស្ថាប័ន បានចេញផ្សាយសេចក្តីថ្លែងការណ៍រួមមួយ ជុំវិញសេចក្ដីព្រាងច្បាប់ស្ដីពីសិទ្ធិទទួលបានទទួលព័ត៌មាន ដែលត្រូវបានបង្កកទុកជិត១០ឆ្នាំមកនេះ។
អ្នកច្បាប់ និងអ្នកតាមដានគោលនយោបាយ យល់ឃើញថា រដ្ឋាភិបាលត្រូវបង្ហាញពីតម្លាភាពឱ្យបានត្រឹមត្រូវ ទាក់ទងការរក្សាភាពស្ងប់ស្ងាត់របស់ខ្លួនក្នុងជម្លោះព្រំដែនកម្ពុជា-ថៃ ដើម្បីប្រាកដថាការនៅស្ងៀមមិនតបតប្រឆាំងការឈ្លានពានរបស់ថៃ វាក៏ជាយុទ្ធសាស្រ្តមួយដែរ ឬមានហេតុផលផ្សេងក្រៅពីនេះ ដែលនាំឱ្យវិបត្តិព្រំដែនរវាងប្រទេសទាំងពីរចេះតែបន្តអូសបន្លាយ នាំទៅដល់ការខាតប្រយោជន៍ជាតិ និងប្រជាជន។
ស្ថាប័នសារព័ត៌មាន និងអង្គការសង្គមស៊ីវិលជាតិនិងអន្តរជាតិចំនួន៩ អំពាវនាវដល់រដ្ឋាភិបាលកម្ពុជា ដោះលែងអ្នកសារព័ត៌មានអនឡាញ ២រូប ដែលតុលាការខេត្តសៀមរាប បានចោទប្រកាន់ពាក់ព័ន្ធនឹងបទ «ក្បត់ជាតិ» និងត្រូវចេញសេចក្តីណែនាំឱ្យបានច្បាស់ពីតំបន់ដែលហាមឃាត់ការរាយការណ៍ព័ត៌មាននៅតំបន់ព្រំដែន ឬតំបន់មានជម្លោះ ដើម្បីឱ្យសារព័ត៌មានអាចអនុវត្តភារកិច្ចដោយគ្មានការភ័យខ្លាចចំពោះការដាក់ទោសទណ្ឌ។
ការដែលតុលាការខេត្តសៀមរាប ចោទអ្នកសារព័ត៌មានពីររូបពីបទក្បត់ជាតិ ដោយសារតែការបង្ហោះសារពីការបង្ហាញសកម្មភាពថៃឈ្លានពាននោះ រងការរិះគន់ថា វិធាននេះរដ្ឋាភិបាលគ្រួសារហ៊ុន កំពុងព្យាយាមបង្ក្រាបចរន្តជាតិនិយម ដើម្បីការពារអំណាច ដោយខ្លាចមានចរន្តងើបតវ៉ា ប្រឆាំងនឹងការបាត់បង់ទឹកដី ក្រោមការដឹកនាំរបស់ខ្លួន។
អ្នកសារព័ត៌មានអនឡាញចំនួន ២រូប ត្រូវបានតុលាការខេត្តសៀមរាប សម្រេចចោទប្រកាន់ពីបទ “ប្រគល់ឱ្យរដ្ឋបរទេសនូវព័ត៌មានជាអាទិ៍ អាចធ្វើឱ្យអន្តរាយការការពារ” ដែលជាបទចោទពាក់ព័ន្ធនឹងអំពើក្បត់ជាតិ ក្រោយបង្ហោះព័ត៌មានលើបណ្តាញសង្គមពីបញ្ហាជម្លោះព្រំដែនកម្ពុជា-ថៃ។
អ្នកឃ្លាំមើល និយាយថា គំរាមកំហែង និងចាប់ខ្លួនអ្នកចុះធ្វើសេចក្តីរាយការណ៍ផ្ទាល់ ពីសកម្មភាពយោធាថៃឈ្លានពានទឹកដីខ្មែរតាមបន្ទាត់ព្រំដែន ដែលអាជ្ញាធរខ្មែរបានធ្វើឡើងកាលពីថ្ងៃអង្គារ រងការរិះគន់ថា ជាវិធានបិទបាំងទង្វើបរទេសឈ្លានពាន បង្កហានិភ័យបូរណភាពទឹកខ្មែរ មិនកែលម្អទាន់ពេល ។
VOD គឺជាស្ថាប័នព័ត៌មានឯករាជ្យដែលផ្តល់ព័ត៌មាន ផលិតកម្មវិធីទូរទស្សន៍អនឡាញ និងការផ្សព្វផ្សាយតាមរយៈគេហទំព័រអ៊ីនធើណេត។
© ២០២៥ រក្សាសិទ្ធិគ្រប់យ៉ាងដោយ វីអូឌី
