អ្នកឃ្លាំមើល ជំរុញឱ្យមានច្បាប់ការពារពិសេស ឬយន្តការគាំពារពិសេសសម្រាប់ស្រ្តីបន្ថែមលើច្បាប់ដែលមានបច្ចុប្បន្ន ខណៈគេសង្កេតឃើញស្ត្រីកាន់តែច្រើនបានរងគ្រោះក្នុងអំពើហិង្សា ករណីឃាតកម្ម និងការរំលោភសេពសន្ថវៈជាដើម ដោយសារការទប់ស្កាត់ហាក់គ្មានប្រសិទ្ធភាព។
ស្ត្រីខ្មែរម្នាក់ទៀត ដែលអះអាងថា ត្រូវបានគេបង្ខាំង នៅប្រទេសចិន មិនឱ្យមកជួបបងប្អូននៅកម្ពុជា រយៈពេល៦ឆ្នាំទៅនេះ បានអំពាវនាវរកកិច្ចអន្តរាគមន៍ពីរដ្ឋាភិបាល ឱ្យជួយសង្គ្រោះ ដើម្បីបានមកថែបងពិការ នៅកម្ពុជាដែលជាស្រុកកំណើតរបស់ខ្លួនវិញ។
ក្រុមអង្គការសមាគមជិត ៨០ស្ថាប័ន ជំរុញឱ្យរដ្ឋាភិបាលបង្កើនការយកចិត្តទុកដាក់លើស្ត្រី ជាពិសេសកម្មករក្នុងវិស័យការងារ ក្រោយពីរកឃើញថា ស្ត្រីច្រើនវិស័យរងការរំលោភបំពាន ក្នុងនោះមានទាំងវិស័យកាត់ដេរ ដែលថា ៩១ភាគរយ ជួបវិបត្តិបំណុល និងការកេងប្រវ័ញ្ចកម្លាំងពលកម្ម។
សង្គមស៊ីវិល ទាមទារឱ្យប្រមុខរដ្ឋាភិបាលបង្កើនឆន្ទៈនយោបាយ និងមានការប្តេជ្ញាចិត្តខ្ពស់ ក្នុងការជំរុញឱ្យស្ត្រីបានចូលរួមប្រឡូកក្នុងកិច្ចការដឹកនាំនយោបាយ ដើម្បីឱ្យស៊ីសង្វាក់ទៅនឹងការដែលតែងតែលើកឡើងថា ផ្តល់ឱកាសដល់ស្ត្រី ខណៈពួកគេអះអាងថា វត្តមានស្ត្រីចូលរួមក្នុងកិច្ចការនយោបាយនៅតែមានតិចតួចនៅឡើយ។
ប្រជាសហគមន៍នៅក្នុងស្រុកក្រគរ ខេត្តពោធិ៍សាត់ បង្ហាញការខកចិត្តដែលអាជ្ញាធរស្រុកមិនអនុញ្ញាតឱ្យពួកគាត់រៀបចំទិវាសិទ្ធិនារី ដើម្បីបង្កើនការយល់ដឹង ដោយអាជ្ញាធរសម្អាងហេតុផលថា បង្ការកុំឱ្យឆ្លងមេរោគកូវីដ-១៩ ខណៈគណបក្សនយោបាយបន្តជួបជុំបាន ហើយពិធីមង្គលការនិងបុណ្យនៅតែដំណើរការធម្មតា។
ក្រុមប្រឹក្សាជាតិដើម្បីស្ត្រីរបស់រដ្ឋាភិបាល បានលើកឡើងពីភាពចាំបាច់រួមគ្នាដោះស្រាយបញ្ហាស្ត្រី ដើម្បីបង្កើនភាពអង់អាចរបស់ពួកគេក្នុងកិច្ចការសង្គម ក្រោយពីរកឃើញថា ការប្រឈមថ្មីៗនៅបន្តកើតឡើង បើទោះបីមានការខំប្រឹងប្រែងពីស្ថាប័នពាក់ព័ន្ធ។
អង្គការក្រៅរដ្ឋាភិបាលមួយដែលធ្វើការងារលើបញ្ហាអំពើហិង្សាលើស្ត្រីនិងកុមារនៅកម្ពុជា បានរកឃើញថា ប្រជាជនកម្ពុជាប្រមាណតែ ៨% ប៉ុណ្ណោះដែលដឹងថាអំពើហិង្សាក្នុងគ្រួសារជាបទល្មើសឧក្រិដ្ឋ ខណៈបុរសខ្មែរម្នាក់ក្នុងចំណោម៣នាក់បានសារភាពថាធ្លាប់បានប្រើប្រាស់អំពើហិង្សាទៅលើដៃគូរបស់ខ្លួន។
អង្គការសហប្រជាជាតិ (UN) ប្រចាំនៅកម្ពុជាលើកឡើងថា អំពើហិង្សាលើស្ត្រីបានបង្កប៉ះពាល់ដល់គ្រប់ផ្នែកនៃជីវិតរបស់មនុស្ស ហើយជះឥទ្ធិពលអវិជ្ជមានដល់ស្ត្រី និងក្មេងស្រី ព្រមទាំងប៉ះពាល់អាក្រក់ទៅលើសុខភាពសាធារណៈ ការអភិវឌ្ឍសេដ្ឋកិច្ច និងសង្គមផងដែរ។
អង្គការសង្គមស៊ីវិលចំនួន៥ ស្នើទៅរដ្ឋសភាធ្វើវិសោធនកម្មមាត្រាមួយចំនួននៅក្នុងច្បាប់ស្ដីពី «ការបោះឆ្នោតជ្រើសតាំងតំណាងរាស្ត្រ» និងច្បាប់ស្ដីពី «ការបោះឆ្នោតជ្រើសរើសក្រុមប្រឹក្សាឃុំ-សង្កាត់» ដើម្បីឱ្យមានសមភាពយេនឌ័រក្នុងវិស័យនយោបាយនិងក្នុងគណបក្ស ស្របតាមរដ្ឋធម្មនុញ្ញ។
អ្នកស្រី សាត ផា ទាមទារឱ្យមានការផ្តល់យុត្តិធម៌ ដោយអះអាងថា នៅពេលចាប់និងឃុំខ្លួន អ្នកស្រីរងការធ្វើទារុណកម្ម និងប្រមាថមើលងាយដោយបង្ខំឱ្យស្រាតខោអាវ និងអង្គុយលត់ជង្គង់ ទាំងជើងរបស់អ្នកស្រីមានរបួសរងការឈឺចាប់។
VOD គឺជាស្ថាប័នព័ត៌មានឯករាជ្យដែលផ្តល់ព័ត៌មាន ផលិតកម្មវិធីទូរទស្សន៍អនឡាញ និងការផ្សព្វផ្សាយតាមរយៈគេហទំព័រអ៊ីនធើណេត។
© ២០២៥ រក្សាសិទ្ធិគ្រប់យ៉ាងដោយ វីអូឌី
