អង្គការ-សមាគមចំនួន១៥ បង្ហាញការសោកស្តាយចំពោះការចេញប្រកាសថ្មីមួយរបស់ក្រសួងព័ត៌មាន ស្តីពី “លក្ខខណ្ឌគុណវុឌ្ឍិ និងវិជ្ជាជីវៈសារព័ត៌មាន សម្រាប់អ្នកអនុវត្តសកម្មភាពក្នុងវិស័យព័ត៌មាន និងសោតទស្សន៍” ដោយថាវិធានថ្មីនេះ នឹងបង្កើនការរឹតត្បិតលើសេរីភាពសារព័ត៌មានដែលកំពុងចុះទន់ខ្សោយស្រាប់។
អ្នកជំនាញសិទ្ធិមនុស្ស និងស្ថាប័នអន្តរជាតិមួយចំនួន លើកឡើងថា ស្ថានភាពសិទ្ធិមនុស្ស និងប្រជាធិបតេយ្យនៅកម្ពុជាក្នុងឆ្នាំ២០២៥នេះនៅតែអាក្រក់ ហើយក៏គ្មានតម្រុយណាមួយដែលថា នៅឆ្នាំ២០២៦ខាងមុខនឹងល្អប្រសើរនោះដែរ បើរដ្ឋាភិបាលគ្រួសារហ៊ុននៃគណបក្សប្រជាជនកម្ពុជា នៅតែបន្តធ្វើទុក្ខបុកម្នេញចាប់ឃុំខ្លួនអ្នកនយោបាយប្រឆាំង និងសកម្មជនសង្គមឥតឈប់ឈរ ខណៈបច្ចុប្បន្នមានសកម្មជននយោបាយ និងសកម្មជនសង្គមជិត ១០០នាក់ កំពុងជាប់ឃុំក្រោមការចោទប្រកាន់ពីបទញុះញង់។
សង្គមស៊ីវិល សហគមន៍ និងសហជីព ទាមទារទៅរដ្ឋាភិបាល ឱ្យដោះស្រាយបញ្ហាសុខមាលភាព និងកិច្ចគាំពារសង្គមដល់កម្មករនិយោជិត ពលករ អ្នកប្រកបរបរសេដ្ឋកិច្ចក្រៅប្រព័ន្ធ ព្រមទាំងពង្រឹងចំណាត់ការឱ្យបានតឹងរឹងការពារដល់ស្រ្តី និងកុមារពីការប្រើប្រាស់អំពើហិង្សាក្នុងគ្រួសារ និងការបៀតបៀនផ្សេងៗ ខណៈសំណើរទាំងនេះ ពួកគេបានទាមទារតាំងពីឆ្នាំ២០១៩មក ប៉ុន្តែមកដល់បច្ចុប្បន្ន រដ្ឋាភិបាលហាក់ដោះស្រាយបានតិចតួចបំផុត។
Cambodia newsletter បាននិយាយថា រដ្ឋាភិបាលប្រទេសកម្ពុជា បានចេញសេចក្តីប្រកាសថ្មីមួយ គឺវិធានការបង្កើតឡើងដើម្បីលុបបំបាត់សារព័ត៌មានសេរីដែលនៅសេសសល់នៅក្នុងប្រទេស តាមរយៈមានការទទួលស្គាល់ និងការវាយតម្លៃពីស្ថាប័នក្រសួងព័ត៌មាន និងមានលក្ខខណ្ឌតម្រូវផ្សេងៗទៀត។
អ្នកធ្វើការលើវិស័យសារព័ត៌មាន និងអ្នកនយោបាយ ដែលមិនចំណុះឱ្យរដ្ឋាភិបាល ហៅការដែលក្រសួងព័ត៌មាន ចេញប្រកាសកំណត់លក្ខខណ្ឌ លើអ្នកសារព័ត៌មាន ក្រោមហេតុផលថា ដើម្បីតម្រង់ទិសវិជ្ជាជីវៈសារព័ត៌មាន គ្រាន់តែជាលេស ដើម្បីបិទបាំងកំហុសអ្នកនយោបាយ ដែលមិនហ៊ានប្រកួតអំណាចតាមយន្តការប្រជាធិបតេយ្យប៉ុណ្ណោះ។
បទញុះញង់ត្រូវបានគេមើលឃើញថា នៅតែជាបទចោទពេញនិយមដែលត្រូវបានស្ថាប័នអនុវត្តច្បាប់ និងតុលាការរបស់គ្រួសារហ៊ុនយកមកប្រើ ដើម្បីបំបិទមាត់មិនឱ្យសកម្មជននយោបាយ និងប្រជាពលរដ្ឋបញ្ចេញមតិនិយាយពីបញ្ហាជាតិ ជាពិសេសបញ្ហាបូរណភាពទឹកដីដែលកំពុងកើតមានវិបត្តិចាក់ស្រែះ នៅក្រោមការដឹកនាំរបស់រដ្ឋាភិបាលឯកបក្ស។
អ្នកឃ្លាំមើល និងមជ្ឈមណ្ឌលសិទ្ធិមនុស្សកម្ពុជា បានវិភាគឃើញថា បទបញ្ញតិ្តច្បាប់ និងសេចក្តីព្រាងច្បាប់មួយចំនួន នៅមានកង្វះភាពជាក់លាក់ក្នុងមាត្រាខ្លះ ដែលធ្វើឱ្យច្បាប់ងាយនឹងត្រូវបានអនុវត្តដើម្បីបម្រើផលប្រយោជន៍ផ្ទាល់ខ្លួន ឬក្នុងគោលបំណងនយោបាយ និងប៉ះពាល់ដល់ការអនុវត្តសិទ្ធិសេរីភាពខាងការបញ្ចេញមតិ ក្នុងយុគ្គសម័យឌីជីថល។
អង្គការឃ្លាំមើលសិទិ្ធមនុស្ស (Human Rights Watch) ជំរុញឱ្យរដ្ឋាភិបាលថ្មីថៃដឹកនាំដោយលោក អនុធីន លើកកម្ពស់សិទ្ធិមនុស្សឡើងវិញ បញ្ឈប់ការបញ្ជូនអ្នកស្វែងរកសិទ្ធិជ្រកកោនទៅកាន់ប្រទេសដើម ដែលធ្វើឱ្យពួកគេប្រឈមការធ្វើទុក្ខបុកម្នេញ ទារុណកម្ម រួមទាំងការគំរាមកំហែងដល់អាយុជីវិត។
អង្គការសង្គមស៊ីវិលកម្ពុជាជិត ២០ស្ថាប័ន ជំរុញឱ្យមានការការពារជនស៊ីវិល និងសន្តិសុខរបស់ស្ត្រី ក្នុងអំឡុងពេលមានភាពតានតឹងនៅតាមបណ្តោយព្រំដែនកម្ពុជា-ថៃ ក្រោយពេលមានករណីអំពើហិង្សាផ្លូវភេទទៅលើស្ត្រីពលករទេសន្តប្រវេសន៍កម្ពុជាមួយរូប និងការបាញ់សម្លាប់ពលរដ្ឋគ្មានអាវុធប្រព្រឹត្តដោយកងទ័ពថៃ។
អង្គការ សមាគម សហជីព រួមទាំងក្រសួងស្ថាប័នរដ្ឋាភិបាល មិនតិចជាង ២០០ស្ថាប័ននោះឡើយ ដែលចេញលិខិតថ្កោលទោសព្រមៗគ្នា ទៅលើទង្វើឃោរឃៅ និងអមនុស្សធម៌ របស់ទាហានថៃឈុតខ្មៅ ដែលបានរួមគ្នាប្រព្រឹត្តអំពើអនាចារ្យផ្លូវភេទទៅលើពលការិនីខ្មែរម្នាក់។
VOD គឺជាស្ថាប័នព័ត៌មានឯករាជ្យដែលផ្តល់ព័ត៌មាន ផលិតកម្មវិធីទូរទស្សន៍អនឡាញ និងការផ្សព្វផ្សាយតាមរយៈគេហទំព័រអ៊ីនធើណេត។
© ២០២៥ រក្សាសិទ្ធិគ្រប់យ៉ាងដោយ វីអូឌី
