តុលាការក្រុងភ្នំពេញ នឹងដោះលែងសកម្មជនសង្គម និងសមាជិកអតីតបក្សប្រឆាំង សរុប១០នាក់ ចាប់ពីខែក្រោយនេះ ខណៈមន្ត្រីសិទ្ធិមនុស្សបានចាត់ទុកការកាត់ទោសពួកគេឱ្យជាប់ពន្ធនាគារកន្លងមកថា ជាសារនៃការគំរាមកំហែងដល់សិទ្ធិសេរីភាពនៃការជួបជុំដោយសន្តិវិធី។
ក្រុមប្រជាពលរដ្ឋដែលមានវិវាទដីធ្លីជាមួយក្រុមហ៊ុន បុរី ប៉េងហួត បានឱ្យដឹងថា តុលាការ បានសម្រេចឃុំខ្លួនតំណាងពលរដ្ឋម្នាក់នៅពន្ធនាគារព្រៃស ក្រោមបទចោទ «ទន្ទ្រានកាន់កាប់ដីកម្មសិទ្ធិ និងបំផ្លិចបំផ្លាញទ្រព្យសម្បត្តិអ្នកដទៃដោយខុសច្បាប់»។
និស្សិតមួយក្រុមរៀនជំនាញផ្នែកបរិស្ថាន អំពាវនាវដល់អាជ្ញាធរពាក់ព័ន្ធបើកទូលាយសម្រាប់ការចុះកម្មសិក្សានៅតាមព្រៃសហគមន៍នានា បន្ទាប់ពីអាជ្ញាធរខេត្តកំពង់ធំរារាំងមិនឱ្យពួកគេចុះកម្មសិក្សា ក្រោមហេតុផលបង្ការការឆ្លងរាលដាលមេរោគកូវីដ-១៩ និងទាមទារលក្ខខណ្ឌផ្សេងៗទៀត។
រដ្ឋមន្ត្រីក្រសួងមហាផ្ទៃ បានឱ្យដឹងថា រយៈពេល៩ខែដើមឆ្នាំ២០២១ បទល្មើសព្រហ្មទណ្ឌគ្រប់ប្រភេទ មានការថយចុះ៩ភាគរយ ខណៈការជួញដូរមនុស្ស និងបទល្មើសពាក់ព័ន្ធនឹងបច្ចេកវិទ្យា កើនឡើងគួរឱ្យកត់សម្គាល់អំឡុងវិបត្តិកូវីដ-១៩។
ប្រជាពលរដ្ឋ អង្គការសង្គមស៊ីវិល រដ្ឋាភិបាល និងអតីតគណបក្សប្រឆាំងនៅក្រៅប្រទេស បានអបអរសាទរយ៉ាងផុសផុលខួប៣០ឆ្នាំនៃកិច្ចព្រមព្រៀងសន្តិភាពទីក្រុងប៉ារីសដែលខុសពីបណ្តាឆ្នាំមុនៗ។
ក្រុមស្ត្រីថ្ងៃសុក្រ បាននាំគ្នាយកញត្តិទៅដាក់នៅស្ថានទូតបារាំង ស្នើឱ្យបារាំងកោះហៅប្រទេសជាហត្ថលេខីកិច្ចព្រមព្រៀងទីក្រុងប៉ារីសប្រជុំគ្នាឡើងវិញ ដើម្បីពិនិត្យមើលប្រទេសកម្ពុជា ដែលពួកគេថាបាននិងកំពុងអនុវត្តផ្ទុយពីកិច្ចព្រមព្រៀងនេះ។
គ្រូបង្រៀនម្នាក់នៅខេត្តប៉ៃលិន ដែលរងការចោទប្រកាន់ពីតុលាការពាក់ព័ន្ធការរិះគន់លើស្តូបមិត្តភាពកម្ពុជា-វៀតណាមនោះ បានបង្ហាញឆន្ទៈក្នុងការបន្តនិយាយពីភាពខ្វះចន្លោះរបស់រដ្ឋាភិបាលនិងបញ្ហាសង្គម ដោយលោកថា នេះជាសិទ្ធិរបស់ពលរដ្ឋនៅក្នុងសង្គមប្រជាធិបតេយ្យ។
តុលាការខេត្តព្រះវិហារ បានសម្រេចផ្តន្ទាទោសអ្នកសារព័ត៌មានចំនួន៧នាក់ដាក់ពន្ធនាគារចំនួន២ឆ្នាំ និងម្នាក់ទៀតដាក់ពន្ធនាគារចំនួន២ឆ្នាំ៦ខែ ក្រោមការចោទប្រកាន់ពីបទ «កំហែងយក» ប៉ុន្តែទោសជាប់ពន្ធនាគារត្រូវបានព្យួរ ដោយតុលាការសម្រេចឱ្យឃុំខ្លួនត្រឹមជាង៤ខែប៉ុណ្ណោះ។
របាយការណ៍សម្ព័ន្ធអ្នកសារព័ត៌មានកម្ពុជា (ខេមបូចា) បានរកឃើញថា មានអ្នកសារព័ត៌មានជិត១០នាក់បានរងនូវការយាយីនិងជាប់ពន្ធនាគារ ដោយសារតែរាយការណ៍ពាក់ព័ន្ធរឿងជម្លោះដីធ្លី ក្នុងរយៈពេល៣ខែចុងក្រោយនេះ ក្រោយពីក្រសួងព័ត៌មានបានចេញសេចក្ដីជូនដំណឹងមួយដោយបើកផ្លូវឱ្យអាជ្ញាធរអាចចោទប្រកាន់ទៅលើអ្នកសារព័ត៌មាន ដែលអាជ្ញាធរថាបានរំខានដល់ការងាររបស់ពួកគេ។
សកម្មជនបរិស្ថាន៣រូប ទាមទារទៅសាលាឧទ្ធរណ៍ទម្លាក់បទចោទប្រកាន់ ដោយថា អ្វីដែលពួកគេបានធ្វើកន្លងទៅ ជាការចូលរួមការពារបរិស្ថាន និងមិនបានធ្វើអ្វីខុសដូចដែលសាលាដំបូងរាជធានីភ្នំពេញចោទប្រកាន់នោះទេ។
VOD គឺជាស្ថាប័នព័ត៌មានឯករាជ្យដែលផ្តល់ព័ត៌មាន ផលិតកម្មវិធីទូរទស្សន៍អនឡាញ និងការផ្សព្វផ្សាយតាមរយៈគេហទំព័រអ៊ីនធើណេត។
© ២០២៥ រក្សាសិទ្ធិគ្រប់យ៉ាងដោយ វីអូឌី
