អ្នកច្បាប់ និងសិទ្ធិមនុស្ស លើកឡើងថា ការដកហូតសិទ្ធិធ្វើនយោបាយពីអ្នកនយោបាយដែលរួចទោស គឺប្រាសចាកពីរដ្ឋធម្មនុញ្ញ ខណៈអ្នកឃ្លាំមើលខ្លះថា វិធាននេះ ជាចេនាទុច្ចរិតរបស់មេដឹកនាំបក្សកាន់អំណាច ដើម្បីតែក្រាញអំណាចលើសង្វៀនខ្វះសុចរិតភាព បង្កគ្រោះថ្នាក់ដល់ជាតិសាសន៍ខ្មែរ។
ក្រុមអ្នកឃ្លាំមើល បន្តធ្វើការរិះគន់លោកហ៊ុន សែន ថា បានបន្តព្យាយាមប្រឌិតរឿងបំភ្លៃការពិតការដែលមេដឹកនាំគណបក្សប្រជាជនកម្ពុជារូបនេះ បានរត់ភៀសខ្លួនទៅវៀតណាម ដើម្បីគេចពីការតាមសម្លាប់របស់ខ្មែរក្រហម កាលពីអំឡុងខែមិថុនា ឆ្នាំ១៩៧៧ ថាជាការ«យកជីវិតធ្វើដើមទុនដើម្បីរំដោះជាតិ»ទាំងដែលការពិតជាការរត់ប្រាសអាយុដូចពលរដ្ឋខ្មែរដទៃទៀតដែរ ខណៈវៀតណាមបានត្រៀមកងទ័ពចំនួន ១សែន៨ម៉ឺននាក់ រួចជាស្រេច ដើម្បីចូលមកវាយផ្តួលរំលំរបបខ្មែរក្រហមដើម្បីឈ្លានពានកម្ពុជា។
លោក ហ៊ុន សែន ប៉ុន្មានថ្ងៃមកនេះ ត្រូវបានគេមើលឃើញថា បានខំប្រឹងប្រែងលើកមុខលោក ហ៊ុន ម៉ាណែត ដោយផ្ញើសារថា លោកប្តេជ្ញាជួយរដ្ឋាភិបាល លោកហ៊ុន ម៉ាណែត ក្នុងការធ្វើទំនើបកម្មយោធា និងគំរាមបក្សប្រឆាំង ទោះបីថៃបន្តឈ្លានពានទឹកដីខ្មែរតាមចិត្ត ក្រោយមានបទឈប់បាញ់ជាងកន្លះឆ្នាំមកនេះ។
ក្រោយពី លោក ហ៊ុន សែន ព្យាយាមទម្លាក់កំហុសដាក់បក្សប្រឆាំងថា ជាអ្នកញុះញង់ឱ្យធ្វើសង្គ្រាមប្រឆាំងការឈ្លានពានរបស់ថៃនោះ អ្នកនយោបាយប្រឆាំង និងអ្នកឃ្លាំមើល លើកឡើងថា មេបក្សកាន់អំណាចជាតួអង្គតែមួយគត់ ជាអ្នកធ្វើឱ្យថៃមានលេស លើកទ័ពមកឈ្លានពាន រហូតដណ្តើមទឹកដីខ្មែរជាង៧០ទីតាំងយកទៅគ្រប់គ្រងរហូតបច្ចុប្បន្ន។
អ្នកឃ្លាំមើល ជំរុញឱ្យលោកហ៊ុន សែន លាលែងពីតំណែង ហើយស្ថាប័នអនុវត្តច្បាប់គួរត្រូវបើកធ្វើការស៊ើបអង្កេតដើម្បីផ្តន្ទាទោស បន្ទាប់ពីប្រធានគណបក្សប្រជាជនកម្ពុជារូបនេះ បានទទួលស្គាល់កំហុស ដែលដឹកនាំប្រទេសមិនបានពង្រឹងវិស័យការពារជាតិ ធ្វើឱ្យថៃអាចវាយឈ្លានពានទឹកដីកម្ពុជាបាន ថែមទាំងនៅបន្តគំរាមតាមវាយអ្នករិះគន់លើការបាត់បង់ទឹកដី។
ក្រុមអ្នកតស៊ូមតិកម្ពុជា(CAT) ដែលមានមូលដ្ឋាននៅប្រទេសអូស្ត្រាលី នៅថ្ងៃទី៩ខែមិថុនានេះបានចេញអត្ថបទវិភាគមួយ ទៅលើការចុះទៅតាមបណ្តាខេត្តជាបន្តបន្ទាប់របស់ លោក ហ៊ុន សែន នាពេលនេះថា ជាការរំលោភអំណាចលើស្ថាប័ននីតិប្រតិបត្តិ និងថា វោហាសាស្ត្រ«ងើប១វាយ១» ជាការបំភិតបំភ័យជាសាធារណៈ រំលោភលើក្រមព្រហ្មទណ្ឌកម្ពុជា។
ផ្អែកលើរបាយការណ៍ស្រាវជ្រាវរបស់អង្គការលើកលែងទោសអន្តរជាតិ (Amnesty International) ស្តីពី «បរាជ័យនៃការបង្រ្កាបលើទីតាំងប្រព្រឹត្តអំពើឆបោក និងការជួយដល់ជនរងគ្រោះរបស់កម្ពុជា» បោះពុម្ពផ្សាយជាផ្លូវការនៅក្នុងខែមិថុនា ឆ្នាំ២០២៦ បង្ហាញឱ្យឃើញនូវទិដ្ឋភាពស៊ីជម្រៅ និងការវិភាគយ៉ាងម៉ត់ចត់អំពីលទ្ធផល និងផលប៉ះពាល់នៃយុទ្ធនាការបង្ក្រាបឧស្សាហកម្មឆបោកអនឡាញនៅកម្ពុជា។
អ្នកឃ្លាំមើលមួយចំនួន និងអ្នកនយោបាយប្រឆាំង លើកឡើងថា ខ្មែរមិនអាចរកការឯកភាពជាតិឃើញដើម្បីធ្វើឱ្យខ្មែរមានការរួបរួមសាមគ្គី ធ្វើឱ្យខ្មែរខ្លាំងបាននោះទេ និងនៅតែបន្តរស់នៅរងទុក្ខតជំនាន់ ថែមទាំងអាចបាត់បង់ប្រទេសទៀតផង បើនៅតែស្ថិតក្រោមការដឹកនាំងើបមួយវ៉ៃមួយ ដើម្បីបានកាន់អំណាចតពូជរបស់ លោក ហ៊ុន សែន ដូចបច្ចុប្បន្ន។
នៅគ្រាដែលប្រធានព្រឹទ្ធសភា លោក ហ៊ុន សែន ក្នុងនាមប្រមុខរដ្ឋស្ដីទី ចេញមុខរកដំណោះស្រាយឱ្យឧកញ៉ាម្នាក់រឿងឆបោក ហើយបន្សល់ទុកពលរដ្ឋរងគ្រោះរាប់ម៉ឺននាក់ ចាញ់បោកក្រុមឧកញ៉ា អ្នករងគ្រោះពីការបាត់បង់ទឹកដី និងប្រព័ន្ធតុលាការផងនោះ រងការរិះគន់ថា មេដឹកនាំរូបនេះ បានយកចិត្តទុកដាក់ជាមួយតែជនខិលខូច មិនឱ្យតម្លៃដល់ជនរងគ្រោះជាអ្នកស្លូតត្រង់។
ការបន្តកៀរគរក្រុមមន្ត្រីយ៉ាងច្រើន ចុះមូលដ្ឋានរបស់ លោកហ៊ុន សែន និងការចុះទៅសម្ពោធសមិទ្ធផលនានារបស់លោកហ៊ុន ម៉ាណែត ត្រូវបានអ្នកឃ្លាំមើលរិះគន់ថា ជាការបង្ហាញពីការមិនសូវយកចិត្តទុកដាក់លើបញ្ហាបូរណៈភាពទឹកដី ដែលកំពុងទទួលរងការឈ្លានពានពីថៃ និងក៏ជាការមិនផ្តល់អាទិភាពដល់សុខទុក្ខរបស់កងទ័ពជួរមុខដែលកំពុងជួបការលំបាកផងដែរ។
VOD គឺជាស្ថាប័នព័ត៌មានឯករាជ្យដែលផ្តល់ព័ត៌មាន ផលិតកម្មវិធីទូរទស្សន៍អនឡាញ និងការផ្សព្វផ្សាយតាមរយៈគេហទំព័រអ៊ីនធើណេត។
© ២០២៥ រក្សាសិទ្ធិគ្រប់យ៉ាងដោយ វីអូឌី
