តំណាងជនជាតិដើមភាគតិចព្នង ១៥៦​គ្រួសារ រស់នៅក្នុ្ងងភូមិពូលុ និងភូមិ​ពូទឺត ឃុំប៊ូស្រា ស្រុកពេជ្រាដា បានចួបប្រជុំ​គ្នាជាមួយអាជ្ញាធរខេត្តមណ្ឌលគិរី និង​តំណាងក្រុមហ៊ុន អ៊ីសាន លីហួរ (Isan Li Hor Co., Ltd) ដែលជារបស់ឧកញ៉ា អ៊ឹង ស៊ីតានវីរៈ ហៅឧកញ៉ា លក្ខណ៍ នៅព្រឹក​ថ្ងៃទី១៨ ខែមីនា។

ប្រជាពលរដ្ឋនៅសហគមន៍កោះមាស នៅ​ព្រឹកថ្ងៃពុធនេះ បានទៅប្រមូលផ្តុំតវ៉ា​នៅមុខរដ្ឋបាលខេត្តកណ្តាល ដោយ​ទាម​​ទារឱ្យមានដំណោះស្រាយរឿងធ្លីរវាងពួកគាត់ជាមួយក្រុមហ៊ុនរបស់ឧកញ៉ា ឃុន សៀ ដោយថា ពួកគាត់ស៊ូស្លាប់លើដីធ្លាប់អាស្រ័យផល បើគ្មានសំណងសមរម្យ។

តំណាងសហគមន៍នេសាទបឹងរាំង មានទីតាំងក្នុងឃុំសាមគ្គី ស្រុកព្រៃនប់ ខេត្តព្រះសីហនុ បានអះអាងថា បច្ចុប្បន្ន ដីព្រៃលិចទឹក ឬព្រៃកោងកាងដែលជាជីវៈចម្រុះសមុទ្រ កំពុងរងការកាប់ទន្ទ្រាន​យក​ដី​ធ្វើកម្មសិទ្ធិឯកជនយ៉ាងធ្ងន់ធ្ងរ គ្មាន​ការ​ទប់​ស្កាត់ ពីមន្ត្រីជំនាញពាក់ព័ន្ធ។

សហគមន៍ ១២ភូមិ រស់នៅស្រុកអូរជុំ និង​ស្រុកអណ្ដូងមាស ជាប់ព្រំប្រទល់ប្រទេស​វៀតណាម ខឹងសម្បារនឹងក្រុមហ៊ុនរបស់វៀតណាមមួយនេះថា ប្រើល្បិចកុហកពួកគាត់ដដែលៗជាច្រើនឆ្នាំមកហើយ ធ្វើឱ្យពលរដ្ឋរង់ចាំដំណោះស្រាយ ដើម្បីអភិវឌ្ឍន៍សហគមន៍ និងស្តារធន​ធាន​ធម្មជាតិឡើងវិញ បន្ទាប់ពីក្រុមហ៊ុន​នេះ​បានបំផ្លាញទំហំព្រៃឈើ ឈូស​ឆាយ​ភ្នំ និងលុបអូរធម្មជាតិជាង​១០​កន្លែង ដោយពុំបានកាត់ឆ្វៀលចេញ​ពី​តំបន់​វិនិយោគស្របតាមកិច្ចសន្យាជាមួយ​រដ្ឋាភិបាល។

ប្រជាពលរដ្ឋចំនួន ១៦៨គ្រួសារ រស់នៅលើកោះមាស ក្នុងភូមិកោះប្រាក់ ឃុំភូមិធំ ស្រុកកៀនស្វាយ ខេត្តកណ្តាល អះ​អាង​​មក​ថា ពួកគេកំពុងព្រួយបារម្ភ​ពី​វិបត្តិ​គ្រួសារ ក្រោយដឹងថាកោះនេះត្រូវបាន​ជួលឱ្យទៅក្រុមហ៊ុនឧកញ៉ាឃុន សៀ ។

ប្រជានេសាទរស់នៅភូមិកែវផុស ឃុំកែវ​ផុស ស្រុកស្ទឹងហាវ ខេត្តព្រះសីហនុ ចំនួន​២៦២នាក់ ទាមទារឱ្យអាជ្ញាធរមូលដ្ឋាន ទប់ស្កាត់ឈ្មួញមកបោះបង្គោលហ៊ុំព័ទ្ធដីឆ្នេរសមុទ្រធ្វើអាជីវកម្មចិញ្ចឹមខ្យង លើ​ផ្ទៃទឹកជាង៣០ហិកតា ដែលថា បង្ក​ផល​ប៉ះ​ពាល់ដល់ការរកចំណូលប្រចាំថ្ងៃរបស់ពួកគេ។

រដូវរំហើយធ្លាក់ភ្លៀងកក់ខែមួយមេនៅដើមខែមិនាឆ្នាំនេះ ជាសញ្ញាបង្ហាញថា រដូវវស្សានឹងកាន់តែកៀកមកដល់ ដែលជាការពញ្ញាក់អារម្មណ៍ឱ្យពលរដ្ឋត្រៀមខ្លួន ធ្វើស្រែចម្ការដាំដុះចិញ្ចឹមជីវិត ក៏ប៉ុន្តែពលរដ្ឋរស់នៅក្នុងភូមិទន្លាប់ និងភូមិឈ្នួន ឃុំរួសរាន់ ស្រុករវៀង ខេត្តព្រះ​វិហារ បែរ​ជាដេកភ័យ ព្រោះបាត់​បង់​ដី​បង្ក​បង្កើនផលចិញ្ចឹមជីវិត គ្មានកន្លែង​ដាំដុះដូចមុន។

ពលរដ្ឋយ៉ាងហោចណាស់ ១៤ភូមិ ក្នុងឃុំជាំតាម៉ៅ ស្រុកមេមត់ ខេត្តត្បូងឃ្មុំ ស្នើ​ឱ្យ​រដ្ឋាភិបាលផ្តល់ព័ត៌មានជាក់លាក់ និង​ផ្តល់លទ្ធភាពឱ្យពលរដ្ឋមូលដ្ឋានមានសិទ្ធិសម្រេចចិត្តលើគម្រោងវិនិយោគរ៉ែមាស ប្រកបដោយតម្លាភាព និងសុច្ចរិតភាព ក្នុងតំបន់សហគមន៍ដែលពួកគាត់កំពុងរស់នៅ។