លោកនាយករដ្ឋមន្ត្រី ហ៊ុន សែន បានលើកឡើងថា នឹងផ្តល់មេធាវីស្ម័គ្រចិត្តការពារក្តីជូនស្ត្រី ដែលបម្រើការងារផ្នែកសេវាកម្សាន្តនៅទូទាំងប្រទេស ដើម្បីការពារសិទ្ធិស្ត្រីទាំងនោះតាមផ្លូវច្បាប់ ក្នុងករណីមានការរំលោភសិទ្ធិណាមួយកើតឡើង។

ព្រះសង្ឃ និង​យុវជនស្ម័គ្រចិត្តមួយក្រុម បានរៃអង្គាសថវិកានៅលើបណ្តាញសង្គម ដើម្បីជួយ​ដល់​សិស្សា​នុសិស្សតាមជនបទ នៅតំបន់ដាច់ស្រយាលក្នុងខេត្តចំនួនពីរ គឺខេត្តមណ្ឌលគិរី និងខេត្តពោធិ៍សាត់ ស្របពេលដែលពួកគេកំពុងជួបការលំបាកក្នុងការសិក្សា។

អតីតព្រះគ្រូសូត្រឆ្វេងគង់នៅវត្ដ «ទ្រព្យគរ» ស្ថិតនៅក្នុងស្រុកបាទី ត្រូវបានព្រះរាជអាជ្ញា​សាលាដំបូង​​ខេត្ត​​តា​​​​កែ​​វ ចោទប្រកាន់ជាផ្លូវការ​ពីបទ «ហិង្សាដោយចេតនា» និងបន្ត​​ឃុំខ្លួនប​ណ្ណោះ​​អា​​​​សន្ននៅ​ពន្ធនាគារខេត្តនេះ ក្រោយពីរកឃើញថា បានប្រើប្រាស់ហិង្សាលើ​​សាមណេរមួយ​​ព្រះ​​អង្គ បណ្តាល​ឱ្យរងរបួស​ធ្ងន់ធ្ងរ​។

ទំហំចំណាយថវិការបស់ក្រសួងសេដ្ឋកិច្ច​ និង​ហិរញ្ញវត្ថុ ត្រូវ​បាន​បង្កើន​ក្នុង​ឆ្នាំ​២០២៣​​នេះ ខណៈអ្នកនាំពាក្យ បានអះអាងថា ការ​​​កើនឡើងនេះ បណ្តាលមកពីការដាក់បញ្ចូលថវិកាមិនទាន់បែង​ចែកមកស្ថិតក្រោមការចំណាយរបស់ក្រសួង ដែលករណី​នេះ​បាន​បង្កើន​​ការព្រួយ​បារម្ភ​ទាក់​ទង​នឹង​កង្វះតម្លាភាពក្នុងការចំណាយថវិកាជាតិ។

មន្ត្រីជាន់ខ្ពស់រាជរដ្ឋាភិបាលអះអាងថា គ្រាន់តែក្នុងកាស៊ីណូមួយនៅក្រុងបាវិត ខេត្តស្វាយរៀង ក្រុមអធិការកិច្ចហត្ថពលកម្មបរទេសរកឃើញថា មានជនបរទេស​ដែលធ្វើការងារស្របច្បាប់មានតែ​ ៤៧០នាក់ប៉ុណ្ណោះ ខណៈជនបរទេសជាង៣ ០០០នាក់ទៀតត្រូវបានរកឃើញថា ធ្វើការងារខុសច្បាប់។ ​

កម្លាំងកងរាជអាវុធហត្ថខេត្តឧត្តរមានជ័យ បានឃាត់ខ្លួនមនុស្សម្នាក់សួរនាំពាក់ព័ន្ធរឿងក្លែងឯកសណ្ឋានអាវុធហត្ថ និងឯកសារសាធារណៈ  រួមទាំងរឹបអូសបានវត្ថុតាងមួយចំនួន ដើម្បីបន្តតាមនីតិវិធីច្បាប់។

រដ្ឋ​បាលក្រុងប៉ោយប៉ែត បានបញ្ចប់សេចក្ដីសម្រេចរបស់អាជ្ញាធរមូលដ្ឋាន​​ដែលចេញបណ្ណ កម្មសិទ្ធិដីធ្លីដល់ពលរដ្ឋដែលរស់នៅទីលានសួរច្បារ និងដីអណ្ដូងស្នប់ នៅទីតាំងដីលំនៅឋានសម្រាប់ដោះស្រាយជូន​ពលរដ្ឋមកពីតំបន់ប៉ះពាល់ផ្លូវរថភ្លើង ដែលមានលក្ខណៈជាប្រព័ន្ធ។