ក្រុមនិស្សិតដែលកំពុងសិក្សានៅតាមសាកលវិទ្យាល័យមួយចំនួនក្នុងរាជធានីភ្នំពេញ បានប្រមូលផ្ដុំចងក្រងគ្នាជាក្រុម ដើម្បីសម្អាតបរិស្ថាននៅតាមទីសាធារណៈ និងបណ្ដុះស្មារតីប្រជាពលរដ្ឋឱ្យស្រឡាញ់បរិស្ថាន ដោយចេះបែងចែកទុកដាក់សំរាមឱ្យបានត្រឹមត្រូវ។
អង្គភាពអង្គរក្សរបស់លោកនាយករដ្ឋមន្ត្រី ហ៊ុន សែន បានចាកចេញពីតំបន់ឈូសឆាយព្រៃតំបន់ភ្នំតាម៉ៅ បន្ទាប់ពីបានកាន់កាប់អស់រយៈពេលប្រហែល១ខែ ចាប់ពីខែសីហាមក ហើយតំបន់នោះហាក់ដូចជាប្រែក្លាយទៅជាឧទ្យាន ក្រោយពីមានភាពចម្រូងចម្រាសអំពីការធ្វើសម្បទានតំបន់នេះ កាលពី៣ខែកន្លងទៅ។
បណ្ដាញសហគមន៍ព្រៃឡង់ អះអាងពីករណីបទល្មើសចាប់យកស្វាចេញពីតំបន់ការពារមួយនេះកំពុងកើតឡើងរាល់ពេលពួកគេចុះល្បាត ហើយជនល្មើសទាំងនោះមិនទាន់ត្រូវបានអាជ្ញាធរចាត់វិធានការច្បាប់នៅឡើយទេ។
ខេត្តពោធិ៍សាត់៖ ទំហំការងារនៅក្នុងកសិដ្ឋានចិញ្ចឹមស្វា វ៉ាន់នី បាយអូ រីស៊ើច (ខេមបូឌា) កើនឡើង ខណៈសត្វស្វាក្ដាមត្រូវបានរៀបចំដាក់ក្នុងទ្រុង និងដឹកជញ្ជូនតាមយន្តហោះទៅកាន់មន្ទីរពិសោធនៅក្រៅប្រទេស។
ស្ថិតនៅក្នុងតំបន់ដែលពោរពេញទៅដោយជ្រលងភ្នំ ក្រុមពលរដ្ឋលើកឡើងថា ភោជនីយដ្ឋានមួយចំនួនក្នុងតំបន់ ក៏មានដាក់លក់សាច់ស្វាផងដែរ ខណៈពួកគេក៏បានចង្អុលបង្ហាញប្រាប់អ្នកយកព័ត៌មានអំពីទីតាំងដែលសម្បូរទៅដោយសកម្មភាពបរបាញ់ ហើយថែមទាំងបានសួរអ្នកយកព័ត៌មានថាចង់ទិញសត្វស្វាឬអត់ទៀតផង។
អាជ្ញាធរខេត្តកោះកុង អះអាងថា ករណីចាក់ដីលុបព្រៃកោងកាង និងការសាងសង់សំណង់រឹងចូលសមុទ្ទ ស្ថិតនៅភូមិខ្សាច់ក្រហម ឃុំជីខក្រោម ស្រុកស្រែអំបិល គឺមានច្បាប់អនុញ្ញាតត្រឹមត្រូវ។
ក្រុមយុវជនស្រលាញ់បរិស្ថានវ័យក្មេងប្ដេជ្ញាការពារបរិស្ថានតាមរយៈការរៀបចំជាយុទ្ធនាការតស៊ូមតិរបស់ខ្លួន ទោះកន្លងមកធ្លាប់មានសកម្មជនបរិស្ថានមួយចំនួន ត្រូវប្រឈមមុខតាមផ្លូវតុលាការ រហូតមានការចាប់ខ្លួនក៏ដោយ ខណៈដែលពួកគេមើលឃើញថា ការអភិវឌ្ឍន៍ក្នុងពេលកន្លងទៅ តែងបង្កើតការឈឺចាប់ និងមិនបានចូលរួមការពារបរិស្ថាន និងធនធានធម្មជាតិទេ។
ក្រុមយុវជនខ្មែរថាវរៈ បានបង្ហាញក្ដីបារម្ភថា តំបន់ភ្នំតាម៉ៅអាចនឹងយកទៅប្រើប្រាស់ក្នុងទិសដៅអ្វីផ្សេង ដោយសារតែទីតាំងនោះត្រូវបានរឹតត្បិតមិនឱ្យចូលទៅពិនិត្យ និងអង្កេតពីការដាំដើមឈើឡើងវិញ ក្រោយពីគម្របព្រៃឈើប្រមាណ៥០០ហិកតា ត្រូវបានក្រុមហ៊ុនឯកជនឈូសឆាយ ក្រោមរូបភាពនៃការអភិវឌ្ឍកាលពីពេលកន្លងទៅ ប៉ុន្តែក៏ត្រូវបានលោកនាយករដ្ឋមន្ត្រីប្រកាសលុបចោលគម្រោងអភិវឌ្ឍន៍នោះវិញ និងបញ្ជាឱ្យដាំកូនឈើលើតំបន់ដែលឈូសឆាយឡើងវិញ។
អង្គការយូនីសេហ្វ រកឃើញថា កុមារកម្ពុជាប្រមាណ២,២លាននាក់កំពុងប្រឈមនឹងហានិភ័យផ្នែកសុខភាព ដោយសាររលកកម្ដៅខ្ពស់ជាញឹកញាប់នៃការបម្រែបម្រួលអាកាសធាតុ ដែលករណីនេះទាមទារឱ្យមានការចាត់វិធានការជាបន្ទាន់ ក្នុងការបង្កើនមូលនិធិសម្រាប់ធ្វើការបន្សាំ ដើម្បីការពារកុមារ និងសហគមន៍ដែលងាយរងគ្រោះ ពីរលកកម្ដៅកាន់តែអាក្រក់ឡើងៗ និងគ្រោះមហន្តរាយអាកាសធាតុផ្សេងៗទៀត។
បណ្តាញសហគមន៍ព្រៃឡង់ ស្នើដល់រដ្ឋាភិបាលដកហូតសិទ្ធិសម្បទានសេដ្ឋកិច្ចក្រុមហ៊ុនក្នុងដែនជម្រកសត្វព្រៃព្រៃឡង់ និងតួនាទីមន្ត្រីរាជការរូបណាដែលពាក់ព័ន្ធនឹងបទល្មើស ព្រមទាំងអនុវត្តច្បាប់ឱ្យបានតឹងរ៉ឹងក្នុងការទប់ស្កាត់បទល្មើសនានានៅតំបន់ការពារមួយនេះ ក្រោយពួកគេសង្កេតឃើញសកម្មភាពល្មើសច្បាប់នៅជុំវិញតំបន់ព្រៃឡង់ នៅបន្តកើតមានយ៉ាងអនាធិបតេយ្យ។
VOD គឺជាស្ថាប័នព័ត៌មានឯករាជ្យដែលផ្តល់ព័ត៌មាន ផលិតកម្មវិធីវិទ្យុ និងការផ្សព្វផ្សាយតាមរយៈគេហទំព័រអ៊ីនធើណេត។
© ២០២២ រក្សាសិទ្ធិគ្រប់យ៉ាងដោយ ស៊ីស៊ីអាយអឹម
