កូដករណាហ្គាវើលដ៍ បាននាំគ្នាយកចង្ក្រានចានឆ្នាំងទៅចម្អិនអាហារសម្រាប់បរិភោគនៅពីមុខក្រុមហ៊ុន ដោយពួកគេថា នេះជាសកម្មភាពតស៊ូមតិដោយសន្តិវិធី ដើម្បីជំរុញឱ្យថៅកែក្រុមហ៊ុន និងក្រសួងស្ថាប័នរដ្ឋ រកដំណោះស្រាយការងារដោយតម្លាភាព ឆ្លើយតបនឹងកូដកម្មអហិង្សាដែលអូសបន្លាយជិត៩ខែមកនេះ នៅថ្ងៃសុក្រ ទី០៩ ខែកញ្ញា ឆ្នាំ២០២២។
កូដករណាហ្គាវើលដ៍បន្តធ្វើកូដកម្មនៅមុខក្រុមហ៊ុន ដោយគ្មានការរារាំងពីសំណាក់អាជ្ញាធរមានសមត្ថកិច្ច ស្របពេលអ្នករាយការណ៍ពិសេសរបស់អង្គការសហប្រជាជាតិ (UN) ទទួលបន្ទុកស្ថានភាពសិទ្ធិមនុស្សប្រចាំកម្ពុជា លោក វិទិត មុនតាប៊ន (Vitit Muntarbhorn) មកតាមដានមើលស្ថានភាពតវ៉ាដោយផ្ទាល់ ថ្ងៃទី១៧ ខែសីហា ឆ្នាំ២០២២។
កូដករណាហ្គាវើលដ៍បន្តតវ៉ាទាមទារដំណោះស្រាយការងារ នៅក្បែរក្រុមហ៊ុនណាហ្គាវើលដ៍ រសៀលថ្ងៃទី១១ ខែសីហា ឆ្នាំ២០២២។
កូដករណាហ្គាវើលដ៍បន្តប្រមូលផ្ដុំគ្នាជាថ្មីទៀតនៅម្ដុំនាគបាញ់ទឹក ក្បែរក្រុមហ៊ុន ដើម្បីទាមទារឱ្យរដ្ឋាភិបាលជំរុញទៅក្រុមហ៊ុនពន្លឿនការដោះស្រាយបញ្ចប់វិវាទការងារជូនពួកគេ ថ្ងៃទី០៤ ខែសីហា ឆ្នាំ២០២២។
ក្រុមកូដករណាហ្គាវើលដ៍ បានធ្វើដំណើរដោយថ្មើរជើងចេញពីទីតាំងដងវិថីសុធារស មុខផ្សារទំនើបអ៊ីអន១ ដោយចងក្រណាត់ខៀវនៅលើក្បាល និងក្នុងដៃមានកាន់បដា ហើយដើរឆ្ពោះទៅកាន់នាគបាញ់ទឹក ក្បែរទីតាំងក្រុមហ៊ុនល្បែងមួយនេះ ដើម្បីទាមទារដំណោះស្រាយការងារ ថ្ងៃទី១២ ខែកក្កដា ឆ្នាំ២០២២។
កូដករណាហ្គាវើលដ៍ ប្រមូលផ្ដុំធ្វើកូដកម្មទាមទារដំណោះស្រាយពីក្រុមហ៊ុនកាស៊ីណូណាហ្គាវើលដ៍ ក្នុងខណ្ឌចំការមន រាជធានីភ្នំពេញ ថ្ងៃទី២៨ ខែមិថុនា ឆ្នាំ២០២២។
កូដករប្រមាណ១០០នាក់បានព្យាយាមទៅប្រមូលផ្ដុំធ្វើកូដកម្មជាថ្មីទៀត នៅក្បែរក្រុមហ៊ុនកាស៊ីណូណាហ្គាវើលដ៍ ក្នុងខណ្ឌចំការមន រាជធានីភ្នំពេញ ដើម្បីទាមទារការដោះស្រាយវិវាទការងារ ប៉ុន្តែត្រូវបានសមត្ថកិច្ចជាច្រើននាក់រារាំង ថ្ងៃទី២៧ ខែមិថុនា ឆ្នាំ២០២២។
VOD គឺជាស្ថាប័នព័ត៌មានឯករាជ្យដែលផ្តល់ព័ត៌មាន ផលិតកម្មវិធីវិទ្យុ និងការផ្សព្វផ្សាយតាមរយៈគេហទំព័រអ៊ីនធើណេត។
© ២០២២ រក្សាសិទ្ធិគ្រប់យ៉ាងដោយ ស៊ីស៊ីអាយអឹម
