កសិកម្ម | វីអូឌី

ដំឡូងមីធ្លាក់ថ្លៃធ្វើឱ្យកសិករកាន់តែជួបវិបត្តិ ឆ្លុះបញ្ចាំងពីអសមត្ថភាពរបស់រដ្ឋាភិបាលក្នុងការរកទីផ្សារ

កសិករដាំដំឡូងមី នៅតាមបណ្តាខេត្តមួយចំនួន បានសម្តែងការអស់សង្ឃឹម ខណៈឆ្នាំនេះដំឡូងមីបានធ្លាក់ថ្លៃយ៉ាងគំហុក ដែលការណ៍នេះ ជំរុញឱ្យមានការលើកឡើងថា បញ្ហាទាំងអស់នេះ មកពីកម្សោយនៃការប្តេជ្ញាចិត្ត របស់រដ្ឋាភិបាល ធ្វើឱ្យក្រុមឈ្មួញកំណត់វាសនាកសិករខ្មែរ។

Content Officer ៨ មករា ២០២៥ ២២:២៥

រដ្ឋាភិបាលប្រាប់ពីរដូវប្រមូលផលនេសាទឆ្នាំនេះ

រដ្ឋាភិបាល អំពាវនាវឱ្យប្រជាពលរដ្ឋ ដែលមានបំណងចង់ធ្វើប្រហុក ផ្អក និងធ្វើត្រីឆ្អើជាដើម រួសរាន់ទៅកាន់ទីតាំងប្រមូលផលនេសាទ ដោយថា ចាប់ផ្តើមខែនេះទៅ ត្រីចាប់ផ្តើមបន្លាស់ទី ចូលទៅបឹងទន្លេសាប ទន្លេមេគង្គ និងទន្លេបាសាក់ វិញ ដែលជាអំណោយផល នៃការប្រមូលផលនេសាទ។

Content Officer ២ មករា ២០២៥ ២០:២៧

លោក យ៉ង សាំកុមារ ប្រាប់ប្រភេទស្រូវមានទីផ្សារក្រោយកសិករថាស្រូវលក់បានថោក

ខណៈកសិករតាមបណ្តាខេត្តមួយចំនួននិយាយថា ស្រូវលក់បានថោកប្រឈមនឹងវិបត្តិបំណុលនោះ រដ្ឋលេខាធិការក្រសួងកសិកម្ម លោក បណ្ឌិត យ៉ង សំាងកុមារ ប្រាប់ពីប្រភេទស្រូវមានទីផ្សារ ដែលកសិករអាចលក់បានក្នុងតម្លៃសមរម្យលើ ១ពាន់រៀល ក្នុងមួយគីឡូក្រាម។

Content Officer ២៧ ធ្នូ ២០២៤ ១០:៤៤

ខេត្តមួយជាប់បឹងទន្លេសាបប្រាប់ឱ្យកសិករផ្អាកធ្វើស្រែប្រាំងដោយសារខ្វះទឹក

សាលាខេត្តពោធិ៍សាត់ ដែលជាខេត្តជាប់បឹងទន្លេសាប បានជូនដំណឹងឱ្យកសិករផ្អាកធ្វើស្រែប្រាំងលើកទី២ ដើម្បីបញ្ចៀសការខាតបង់ទាំងសម្ភារ ថវិកា ដោយសំអាង ពីមូលហេតុខ្វះទឹក។

Content Officer ២៥ ធ្នូ ២០២៤ ២១:៤០

កសិករត្អូញត្អែរពីតម្លៃស្រូវចុះថោកក្រោមសារនយោបាយលើកកម្ពស់ជីវភាពពលរដ្ឋ

ប្រជាកសិករមួយចំនួន បានស្នើឱ្យរដ្ឋាភិបាលបន្តរក្សាតម្លៃស្រូវជាង១ពាន់រៀលក្នុងមួយគីឡូ ដូចឆ្នាំមុន ក្រោមហេតុផលថា តម្លៃនេះ ទើបអាចទូទាត់ថ្លៃចំណាយលើជី ការភ្ជួររាស់ និងកម្លាំងពលកម្មបាន។

Content Officer ២៤ ធ្នូ ២០២៤ ២០:១៦

វិបត្តិទីផ្សារលក់កសិផលបន្តគំរាមកំហែងជីវិតកសិករដល់អាណត្តិរដ្ឋាភិបាលថ្មី

កសិករដាំដំឡូងមីមួយចំនួន ត្អូញត្អែរជុំវិញតម្លៃដំឡូងមីធ្លាក់ថ្លៃ ដែលថាពិបាកក្នុងការទូទាត់លើការចំណាយថ្លៃដើម និងពេលវេលាក្នុងការដាំដុះ ប្រឈមនឹងបញ្ហាជីវភាព ដែលទាមទារឱ្យរដ្ឋាភិបាលជួយរកទីផ្សារលក់ផលិតផលក្នុងតម្លៃសមរម្យ ដើម្បីកុំឱ្យពួកគេរួមរឹតដោយវិបត្តិបំណុល។ ការបន្សល់ទុកវិបត្តិទីផ្សារសម្រាប់លក់កសិកផល ក្នុងវិស័យកសិកម្មច្រើនឆ្នាំទៅនេះ វាបានឆ្លុះបញ្ចាំងថា រដ្ឋាភិបាលគ្រួសារហ៊ុន បានបរាជ័យការអនុវត្តគោលនយោបាយគាំពារកសិករ មិនបានបំពេញកាតព្វកិច្ច ដើម្បីបម្រើប្រជាពលរដ្ឋ តបតាមស្មារតីរដ្ឋធម្មនុញ្ញទៀតផង។ កសិករជាជនជាតិដើមភាគតិចព្នង រស់នៅក្នុងភូមិឡៅកា សង្កាត់សុខដុម ក្រុងសែនមនោរម្យ ខេត្តមណ្ឌលគិរី ដែលជាខេត្តជាប់ព្រំដែនវៀតណាម អ្នកស្រី ភ្លឹក ភារម្យ មានប្រសាសន៍ថា នៅខេត្តមណ្ឌលគិរី តម្លៃទីផ្សារដំឡូងមីស្រស់បានធ្លាក់ថ្លៃពី ៥៣០រៀលក្នុងមួយគីឡូ កាលពីឆ្នាំមុន មកត្រឹម ៣១០រៀលប៉ុណ្ណោះនៅក្នុងឆ្នាំនេះ។ កសិករមានផ្ទៃដីដាំដំឡូងមី ទំហំ៣ហិកតារូបនេះ បានអះអាងថា តម្លៃត្រឹមជាង ៣០០រៀលក្នុងមួយគីឡូនេះ ពុំអាចទូទាត់លើការចំណាយថ្លៃដើម ថ្លៃដកដំឡូង ៧ម៉ឺនរៀលក្នុងមួយតោន និងថ្លៃដឹកជញ្ជូន ៧ម៉ឺនរៀលក្នុងមួយតោន នោះទេ។ អ្នកស្រី បន្តថា នៅក្នុងតំបន់របស់អ្នកស្រី លុះត្រាតែដំឡូងមីស្រស់ មានតម្លៃ ៦០០រៀល ទើបជាតម្លៃសមរម្យ និងអាចទប់ទល់នឹងការចំណាយបាន។

Content Officer ១៨ ធ្នូ ២០២៤ ២៣:៥៨