ប្រជាពលរដ្ឋជិត១ ០០០គ្រួសារ នៅស្រុកចំនួន៣ ក្នុងខេត្តកោះកុង ដែលអះអាងថា កំពុងមានជម្លោះដីធ្លីជាមួយក្រុមហ៊ុនរបស់លោកឧកញ៉ា លី យ៉ុងផាត់ បានរកកិច្ចអន្តរាគមន៍ពីអាជ្ញាធរស្រុកឱ្យជួយដោះស្រាយវិវាទដីធ្លី ក្រោយជម្លោះអូសបន្លាយជាង១០ឆ្នាំគ្មានការដោះស្រាយ។
ប្រជាពលរដ្ឋប្រហែលជាង១០០នាក់ ដែលអះអាងថា កំពុងមានជម្លោះដីធ្លីជាមួយក្រុមហ៊ុន ហេង ហ៊ុយ អេគ្រីខាល់ឈ័រគ្រុប ក្នុងស្រុកស្រែអំបិល ខេត្តកោះកុង បានផ្ទុះការតវ៉ាជាថ្មី បន្ទាប់ពីក្រសួងរៀបចំដែនដីប្រកាសមិនទទួលសំណើ និងជំរុញទៅអាជ្ញាធរឲ្យចាត់វិធានការផ្លូវច្បាប់លើពួកគេ។
ក្រសួងរៀបចំដែនដី នគរូបនីយកម្ម និងសំណង់ បានស្នើទៅអាជ្ញាធរឲ្យចាត់វិធានផ្លូវច្បាប់លើប្រជាពលរដ្ឋមួយក្រុមដែលអះអាងថា កំពុងមានជម្លោះដីធ្លីជាមួយក្រុមហ៊ុន ហេង ហ៊ុយ នៅស្រុកស្រែអំបិល ខេត្តកោះកុង។
អាជ្ញាធរស្រុកស្រែអំបិលខេត្តកោះកុង នៅព្រឹកនេះ បានរារាំងប្រជាពលរដ្ឋ ៣០២គ្រួសារ ដែលមានជម្លោះដីធ្លីជាមួយក្រុមហ៊ុនពីរ មិនឲ្យឡើងមកតវ៉ានៅរាជធានីភ្នំពេញជាថ្មីទៀត ខណៈពួកគេនៅតែពុំទាន់ទទួលបានដំណោះស្រាយបញ្ហាដីធ្លី។
សកម្មជនបរិស្ថានខេត្តកោះកុង បានអំពាវនាវទៅរដ្ឋាភិបាលកម្ពុជា ឲ្យដកហូតបណ្ដាកោះទាំងអស់នៅក្នុងដែនសមុទ្រស្ថិតក្នុងខេត្តនេះពីក្រុមហ៊ុនឯកជន ដោយថា ក្រុមហ៊ុនឯកជន ពុំបានអភិវឌ្ឍអ្វីនោះឡើយ ចាប់តាំងពីពួកគេទទួលបានសម្បទាន។
តំណាងពលរដ្ឋ១៥នាក់ដែលមានជម្លោះដីធ្លីមកខេត្តកោះកុងនៅថ្ងៃនេះ បានដាក់ញ្ញត្តិនៅក្រសួងបរិស្ថាននិង ខុទ្ទកាល័យនាយករដ្ឋមន្រ្តី ដើម្បីស្នើសុំឲ្យអោយមានការដោះស្រាយទំនាស់ដីធ្លីរវាងពួកគាត់និងក្រុមហ៊ុនចិន។
ទារកអាយុ៣ខែម្នាក់បានសន្លប់នៅពេលដែលស្ត្រីជាម្តាយបានចូលរួមដើរក្បួនជាមួយអ្នកមានជម្លោះដីធ្លីមួយចំនួនទៀតមកពី ខេត្តកោះកុង ហើយបានប៉ះទង្គិចជាមួយសមត្ថកិច្ចនៅក្នុងខណ្ឌមានជ័យរាជធានីភ្នំពេញ។
ក្រុមអាជ្ញាធរបានរារាំងគ្រួសាររបស់សកម្មជនមាតាធម្មជាតិ៣នាក់ដែលកំពុងជាប់ឃុំនៅក្នុងពន្ធនាគារខេត្តកោះកុង មិនឲ្យពួកគេដើរទៅផ្ទះលោកនាយករដ្ឋមន្រ្តី ដើម្បីសុំអន្តរាគមន៍ឲ្យដោះលែងស្វាមី និងកូន។ នៅព្រឹកថ្ងៃព្រហស្បតិ៍នេះ សាច់ញាតិចំនួន៥នាក់របស់សកម្មជនមាតាធម្មជាតិដែលកំពុងជាប់ឃុំ បានធ្វើដំណើរដោយថ្មើរជើងពីវត្តភ្នំតម្រង់ទៅផ្ទះរបស់លោកនាយករដ្ឋមន្រ្តី ហ៊ុន សែន តែត្រូវបានអាជ្ញាធររារាំងពេលជិតទៅដល់។
សកម្មជនអារ៉ែងជនជាតិអេស្ប៉ាញលោក អាឡិច ហ្សង់ដ្រូ ហ្គន់សាឡេស ដេវិតសិន(Alejandro Gonzalez Davidson) អះអាងថាលោកនឹងចូលមកប្រទេសកម្ពុជា បើទោះជាលោកមិនទទួលបានទិដ្ឋាការក៏ដោយ ដើម្បីប្រឈមមុខនឹងតុលាការ ខណៈចៅក្រមស៊ើបសួរនៃសាលាដំបូងខេត្តកោះកុងបានចេញដីកាចាប់ខ្លួនរូបលោក។លោក អាឡិច ដែលត្រូវបានរដ្ឋាភិបាលបណ្តេញចេញពីកម្ពុជាកាលពីឆ្នាំ២០១៥ ប្រាប់វីអូឌី(VOD)ថាលោកបានទទួលដីកាមួយ ដោយចៅក្រមស៊ើបសួរ លោកស្រី ឈុន ដាវី ចោទប្រាន់លោកពីបទសមគំនិតក្នុងអំពើគំរាមកំហែងនិងធ្វើឲ្យខូចខាតដោយភ្ជាប់នូវបញ្ហាអ្វីមួយ ប្រព្រឹត្តទៅនៅស្រុកបទុមសាគរ ខេត្តកោះកុង កាលពីថ្ងៃទី២៦ដល់ថ្ងៃទី២៨ខែកក្កដា ឆ្នាំ២០១៥និងនៅថ្ងៃទី១២ខែសីហា ឆ្នាំ២០១៥។
ប្រជាពលរដ្ឋជាង៣០០នាក់ដែលមានទំនាស់ដីធ្លីជាមួយក្រុមហ៊ុន២នៅក្នុងខេត្តកោះកុងលើកគ្នាទៅតវ៉ាដាក់ញត្តិសុំឲ្យអភិបាលស្រុកស្រែអំបិល និងស្រុកបុទុមសាគរជួយរកដំណោះស្រាយ ដោយពួកគេអះអាងថាជម្លោះនេះបានអូសបន្លាយជាង១០ឆ្នាំមកហើយ។
VOD គឺជាស្ថាប័នព័ត៌មានឯករាជ្យដែលផ្តល់ព័ត៌មាន ផលិតកម្មវិធីវិទ្យុ និងការផ្សព្វផ្សាយតាមរយៈគេហទំព័រអ៊ីនធើណេត។
© ២០២២ រក្សាសិទ្ធិគ្រប់យ៉ាងដោយ ស៊ីស៊ីអាយអឹម
