សាលាដំបូងរាជធានីភ្នំពេញ ផ្ដន្ទាទោសអ្នកវិភាគនយោបាយ លោក គឹម សុខ ឱ្យជាប់ពន្ធនាគារ ១៨ខែ ក្រោមបទចោទប្រកាន់ «ញុះញង់ និងបរិហារកេរ្តិ៍» និងសងសំណងជំងឺចិត្តទៅដើមបណ្ដឹងចំនួន៥០លានរៀល ខណៈសំណុំរឿងលោក គឹម សុខ និងមនុស្ស២នាក់ទៀតត្រូវបានចៅក្រមបង្វិលឱ្យស៊ើបអង្កេតឡើងវិញ។
សាលាដំបូងរាជធានីភ្នំពេញ បានផ្ដន្ទាទោសអ្នកវិភាគនយោបាយ លោក គឹម សុខ ឱ្យជាប់ពន្ធនាគារ ១៨ខែ និងសងជំងឺចិត្តជាង ១ម៉ឺនដុល្លារ ទៅគណបក្សប្រជាជនកម្ពុជា ក្រោមបទចោទប្រកាន់ «ញុះញង់ និងបរិហារកេរ្តិ៍» ពាក់ព័ន្ធការធ្វើអត្ថាធិប្បាយរឿងសម្លាប់លោកបណ្ឌិត កែម ឡី។
ចៅក្រមប្រឹក្សាជំនុំជម្រះ បានកំណត់យកថ្ងៃទី១៨ ខែមករា ដើម្បីប្រកាសសាលក្រម ក្នុងសំណុំរឿងព្រហ្មទណ្ឌប្រឆាំងអតីតអ្នកគាំទ្រនយោបាយរបស់គណបក្សសង្រ្គោះជាតិដែលត្រូវបានតុលាការរំលាយ និងអ្នកវិភាគនយោបាយ ដោយចាត់ទុកថា ការចោទប្រកាន់នេះមានធាតុផ្សំនៃបទល្មើសគ្រប់គ្រាន់ ដែលអាចឈានទៅកំណត់ជនជាប់ចោទពិតជាបានប្រព្រឹត្តបទល្មើសដូចការចោទប្រកាន់មែន។
សំណុំរឿងទីពីរ ក្នុងចំណោមសំណុំរឿងចំនួនពីរដែលចោទពីបទ «បរិហារកេរ្តិ៍ និងញុះញង់» ទៅលើអ្នកវិភាគនយោបាយ លោក គឹម សុខ ត្រូវបានបើកសវនាការជំនុំជម្រះកាលពីថ្ងៃទី៥ ខែធ្នូ ឆ្នាំ២០២២។
VOD គឺជាស្ថាប័នព័ត៌មានឯករាជ្យដែលផ្តល់ព័ត៌មាន ផលិតកម្មវិធីវិទ្យុ និងការផ្សព្វផ្សាយតាមរយៈគេហទំព័រអ៊ីនធើណេត។
© ២០២២ រក្សាសិទ្ធិគ្រប់យ៉ាងដោយ ស៊ីស៊ីអាយអឹម
