បណ្ដាញប្រទាក់ក្រឡាគ្នានៃអំពើពុករលួយដែលជាប់នឹងសែស្រឡាយរបស់ថ្នាក់ដឹកនាំមួយចំនួន រួមនឹងការអនុវត្តច្បាប់ស្ដាប់តែបញ្ជា ត្រូវបានគេមើលឃើញថា ជាបញ្ហាចម្បងមួយធ្វើឱ្យកម្ពុជាក្លាយជាជម្រកសុវត្ថិភាពនៃឧក្រិដ្ឋជនជួញដូរមនុសុ្ស គ្រឿងញៀន និងលាងលុយខុសច្បាប់ នាសម័យបច្ចេកវិទ្យាទំនើបនេះ។
មន្ត្រីជាន់ខ្ពស់រដ្ឋាភិបាល កាលពីថ្ងៃចន្ទម្សិលមិញនេះ បានបើកកិច្ចប្រជុំស្ដីពីការជួញដូរមនុស្ស ខណៈអាជ្ញាធរខេត្តព្រះសីហនុបានបញ្ជាឱ្យម្ចាស់អគារទាំងអស់រាយការណ៍អំពីអ្នកស្នាក់នៅជាជនបរទេស និងបុគ្គលិកនៅក្នុងបរិវេណអគាររបស់ខ្លួន ត្រឹមថ្ងៃទី២៤ ខែកញ្ញា ឆ្នាំ២០២២។
អ្នកឃ្លាំមើលសង្គមមួយចំនួនបង្ហាញការយល់ឃើញថា វិធានការទប់ស្កាត់បទឧក្រិដ្ឋជួញដូរមនុស្ស រួមទាំងការប្រឆាំងនឹងការលាងលុយខុសច្បាប់នៅកម្ពុជា នឹងមិនជោគជ័យទេ បើរដ្ឋាភិបាលខ្វះឆន្ទៈពង្រឹងនីតិរដ្ឋ ដើម្បីវះកាត់មន្ត្រីពុករលួយជាលក្ខណៈប្រព័ន្ធនោះ។
រាជរដ្ឋាភិបាលដាក់បទបញ្ជាជាថ្មីទៀតទៅអាជ្ញាធរគ្រប់រាជធានី ខេត្ត និងស្ថាប័នពាក់ព័ន្ធទាំងអស់ ត្រូវបើកធ្វើយុទ្ធនាការប្រឆាំង និងបង្រ្កាបឧក្រិដ្ឋជនកម្មគ្រឿងញៀន ការជួញដូរមនុស្ស ពលកម្មបង្ខិតបង្ខំ និងអាជីវកម្មផ្លូវភេទ ដែលកំពុងកើតឡើងនៅកម្ពុជា។
រដ្ឋមន្ត្រីក្រសួងមហាផ្ទៃ លោក ស ខេង បានអះអាងនៅថ្ងៃព្រហស្បតិ៍ម្សិលមិញថា មេខ្លោងនិងឈ្មួញកណ្ដាលបច្ចុប្បន្ន គឺកំពុងតែធ្វើប្រតិបត្តិការឆបោកតាមប្រព័ន្ធអនឡាញចេញពីប្រទេសកម្ពុជា។ ទោះជាយ៉ាងណា លោកថា ប្រជាជនកម្ពុជាភាគច្រើន គឺមិនមានជាប់ពាក់ព័ន្ធក្នុងសកម្មភាពឧក្រិដ្ឋកម្មទាំងនោះឡើយ។
រដ្ឋអាជ្ញាតៃវ៉ាន់បានលើកឡើងថា ករណីទាមទារប្រាក់លោះមនុស្សចេញពីបរិវេណអាគារ និងការធ្វើទារុណកម្មដោយប្រើប្រាស់ខ្សែភ្លើងឆក់ គឺបានកើតឡើងនៅកម្ពុជា ស្របពេលដែលប្រព័ន្ធផ្សព្វផ្សាយម៉ាឡេស៊ីបានរាយការណ៍ពីករណីចាប់ជំរិត និងលក់មនុស្សម្នាក់ទៅក្នុងការងារឆបោក ខណៈកាសែតវៀតណាមក៏បានចុះផ្សាយថា ប្រទេសចំនួន១០ បច្ចុប្បន្នកំពុងតែជំរុញឱ្យកម្ពុជាសហការលើការជួញដូរមនុស្សដោយខុសច្បាប់ផងដែរ។
គណៈកម្មាធិការប្រយុទ្ធប្រឆាំងការជួញដូរមនុស្ស បានបង្ហាញការប្ដេជ្ញាចិត្តក្នុងការបង្ក្រាបករណីជួញដូរមនុស្សដែលកំពុងកើតមាននៅក្នុងប្រទេសកម្ពុជាឱ្យមានប្រសិទ្ធភាព បើទោះជនសង្ស័យណាមួយមានទំនាក់ទំនងជាមួយមន្ត្រីមានអំណាចមួយចំនួនក៏ដោយ។
លំហូរជនបរទេសចូលមកកម្ពុជា គឺជាសញ្ញាវិជ្ជមានមួយ បើអ្នកទាំងនោះជាអ្នកវិនិយោគសុចរិត តែជាគ្រោះថ្នាក់បើពួកគេមានបំណងយកកម្ពុជាធ្វើជាកន្លែងដើម្បីប្រព្រឹត្តបទឧក្រិដ្ឋ ក្រោមរូបភាពបោកបញ្ឆោត សន្យាផ្ដល់ការងារមានប្រាក់ឈ្នួលខ្ពស់។
VOD គឺជាស្ថាប័នព័ត៌មានឯករាជ្យដែលផ្តល់ព័ត៌មាន ផលិតកម្មវិធីទូរទស្សន៍អនឡាញ និងការផ្សព្វផ្សាយតាមរយៈគេហទំព័រអ៊ីនធើណេត។
© ២០២៥ រក្សាសិទ្ធិគ្រប់យ៉ាងដោយ វីអូឌី
