រដ្ឋាភិបាល អំពាវនាវដល់ប្រជាពលរដ្ឋ និងស្ថាប័នពាក់ព័ន្ធទាំងអស់ បន្តបង្កើនការប្រុងប្រយ័ត្នចំពោះការឆ្លងជំងឺកូវីដ-១៩ ក្នុងអំឡុងពិធីបុណ្យចូលឆ្នាំប្រពៃណីជាតិ ដោយត្រូវប្រកាន់ខ្ជាប់នូវវិធានសុខាភិបាល។
ក្រសួងការងារ និងបណ្តុះបណ្តាលវិជ្ជាជីវៈ ជូនដំណឹងដល់ម្ចាស់ឬនាយករោងចក្រសហគម្រាស ត្រូវអនុញ្ញាតឱ្យកម្មករនិយោជិតរបស់ខ្លួន ឈប់សម្រាកដោយមានប្រាក់ឈ្នួល ក្នុងពិធីបុណ្យចូលឆ្នាំប្រពៃណីជាតិ ចាប់ពីថ្ងៃទី១៤ ដល់ថ្ងៃទី១៦ ខែមេសា ឆ្នាំ២០២២ ខាងមុខនេះ។
លោកនាយករដ្ឋមន្ត្រី ហ៊ុន សែន ប្ដេជ្ញាចិត្តប្រារព្ធពិធីបុណ្យចូលឆ្នាំខ្មែរឱ្យបាន និងស្នើសុំឱ្យពលរដ្ឋទាំងអស់បន្តគោរពនិងអនុវត្តវិធានសុខាភិបាលឱ្យបានគ្រប់ៗគ្នា ដើម្បីរួមគ្នាទប់ស្កាត់ការឆ្លងរាលដាលនៃជំងឺកូវីដ-១៩។
ក្រសួងសុខាភិបាលបានបញ្ជាឲ្យប្រធានមន្ទីរសុខាភិបាលរាជធានីខេត្តទាំងអស់ធានាការយាមប្រចាំការនិងសង្រ្គោះជំងឺធ្ងន់ធ្ងរដោយគ្រោះថ្នាក់ចរាចរណ៍នៅក្នុងអំឡុងបុណ្យចូលឆ្នាំខាងមុខនេះ។នៅក្នុងលិខិតមួយច្បាប់ចុះថ្ងៃទី២៣ខែមីនាហើយវីអូឌីទើបតែទទួលបាន រដ្ឋមន្រ្តីសុខាភិបាលបានលើកឡើងថាពេលមុនបុណ្យ អំឡុងពេលបុណ្យនិងក្រោយពេលបុណ្យចូលឆ្នាំខ្មែរ ស្ថានភាពចរាចរណ៍តាមផ្លូវជាតិ នឹងមានភាពមមាញឹកហើយអាចនឹងមានគ្រោះថ្នាក់ចរាចរណ៍ដោយយថាហេតុ។ លោកបញ្ជាឲ្យត្រៀមរថយន្តសង្រ្គោះហើយមន្ទីរពេទ្យ មណ្ឌលសុខភាពនៅតាមដងផ្លូវជាតិ ត្រូវរៀបចំពេទ្យយាមប្រចាំការ ២៤ម៉ោងលើ២៤ម៉ោង ដោយសហការជាមួយអាជ្ញាធរមូលដ្ឋាននិងមន្ត្រីពាក់ព័ន្ធ។
VOD គឺជាស្ថាប័នព័ត៌មានឯករាជ្យដែលផ្តល់ព័ត៌មាន ផលិតកម្មវិធីវិទ្យុ និងការផ្សព្វផ្សាយតាមរយៈគេហទំព័រអ៊ីនធើណេត។
© ២០២២ រក្សាសិទ្ធិគ្រប់យ៉ាងដោយ ស៊ីស៊ីអាយអឹម
