តំណាងកូដករណាហ្គាវើលដ៍ ៦រូប ដាក់លិខិតស្នើសុំទៅកាន់សាលាដំបូងរាជធានីភ្នំពេញដើម្បីដឹងអំពីលក្ខខណ្ឌអនុវត្តតាម «ដីកាដាក់ឱ្យស្ថិតក្រោមការត្រួតពិនិត្យតាមផ្លូវតុលាការ» ដោយថា កន្លងមក តុលាការមិនបានប្រាប់ពួកគាត់ពីខ្លឹមសារនោះឡើយ ខណៈបារម្ភពីការចាប់ចងដោយមិនដឹងខ្លួន។
បុគ្គលិកកាស៊ីណូណាហ្គាវើលដ៍ដែលកំពុងធ្វើកូដកម្ម ទទូចរដ្ឋាភិបាលបំពេញតួនាទីរបស់ខ្លួនជាអ្នកបម្រើរាស្ត្រ ដោះស្រាយបញ្ចប់វិវាទការងាររវាងកម្មករនិងថៅកែ មុនការបោះឆ្នោតមកដល់ ដើម្បីបញ្ចៀសផលប៉ះពាល់ជីវភាពកម្មករ ព្រមទាំងមុខមាត់រដ្ឋាភិបាល ដោយថា បើពួកគាត់បានដំណោះស្រាយ នោះពួកគេនឹងសម្រេចចិត្តលើសន្លឹកឆ្នោតទៅតាមនោះដែរ។
មេធាវីការពារក្ដីឱ្យមេដឹកនាំសហជីពក្រុមហ៊ុនណាហ្គាវើលដ៍ កញ្ញា ឈឹម ស៊ីថរ ថាកូនក្ដីរបស់ខ្លួនមិនបានទទួលដីកាដែលបញ្ជាក់ថាមិនឱ្យចេញទៅក្រៅប្រទេសនោះទេ មុនពេលកញ្ញា ឈឹម ស៊ីថរ ត្រូវបានសមត្ថកិច្ចចាប់ឃុំខ្លួនជាថ្មី។
មន្ត្រីសង្គមស៊ីវិលដែលធ្វើការងារលើកកម្ពស់សិទ្ធិមនុស្ស និងការងារគ្រូបង្រៀន លើកឡើងស្រដៀងគ្នាថា ការព្រមានចាត់វិធានការច្បាប់លើអ្នកសម្ដែងមតិដោយសន្តិវិធីពីសំណាក់សាលារាជធានីភ្នំពេញនោះ បានធ្វើឡើងផ្ទុយពីរដ្ឋធម្មនុញ្ញដែលជាច្បាប់កំពូលរបស់ជាតិ និងផ្ទុយពីច្បាប់អន្តរជាតិ។
ស្របពេលដែលកម្ពុជាបានព្យាយាមបង្ហាញពីការងើបឡើងវិញនៃពាណិជ្ជកម្ម និងកំណើនផលិតផលក្នុងស្រុកសរុប ក្នុងនោះ មនុស្សរាប់ពាន់នាក់បានប្រមូលផ្ដុំគ្នាតវ៉ានៅតាមដងផ្លូវសាធារណៈក្នុងឆ្នាំនេះ ជុំវិញការគាបសង្កត់នៅកន្លែងធ្វើការ និងទីតាំងប្រកបអាជីវកម្មរបស់ពួកគេ។
តុលាការសម្រេចបន្តឃុំខ្លួនប្រធានសហជីព កញ្ញា ឈឹម ស៊ីថរ ក្រោមហេតុផលថា សំណុំរឿងរបស់កញ្ញាត្រូវបានបញ្ជូនទៅជំនុំជម្រះ ដោយចោទប្រកាន់ពីបទ «បំពានលើបម្រាមដាក់ឱ្យស្ថិតក្រោមការត្រួតពិនិត្យរបស់តុលាការ» ខណៈសង្គមស៊ីវិលថា ការសម្រេចនេះជារឿងមិនត្រឹមត្រូវ ព្រោះនេះមិនមែនជាកំហុសរបស់កញ្ញា ឈឹម ស៊ីថរ ទេ តែជាកំហុសនីតិវិធីរបស់តុលាការ ដែលមិនបានផ្តល់ដំណឹងពាក់ព័ន្ធដីកាដាក់ក្រោមការត្រួតពិនិត្យរបស់តុលាការទៅកញ្ញា និងមេធាវី។
កូដករណាហ្គាវើលដ៍ប្រមាណ១០០នាក់ បានបន្តប្រមូលផ្ដុំគ្នាតវ៉ានៅមុខក្រុមហ៊ុនជាថ្មីទៀត នៅថ្ងៃសុក្រនេះ ទាមទារឱ្យមានដំណោះស្រាយវិវាទការងារដែលអូសបន្លាយជាង១ឆ្នាំ ខណៈការចរចាជាមួយតំណាងក្រុមហ៊ុន ក្រោមការសម្របសម្រួលរបស់ក្រសួងការងារ មិនទទួលបានលទ្ធផល។
ទោះបីជាភ្ញៀវទេសចរកក់ជើងហោះហើរថ្មី និងសណ្ឋាគារនៅកម្ពុជា ក្រោយការរាតត្បាតនៃជំងឺកូវីដ-១៩ក៏ដោយ ក៏សហជីពផ្នែកបដិសណ្ឋារកិច្ច កំពុងតស៊ូដើម្បីបានចូលធ្វើការវិញ ឬទាមទារសិទ្ធិរបស់ពួកគេដែលមានចែងក្នុងអនុសញ្ញារួម ដោយមេដឹកនាំសហជីពជាច្រើនបានប្រៀបប្រដូចទៅនឹងករណីបញ្ឈប់បុគ្គលិកនៅក្រុមហ៊ុនណាហ្គាវើលដ៍ដែរ។
រយៈពេលមួយឆ្នាំមកហើយ សកម្មភាពតវ៉ានៅមុខក្រុមហ៊ុនណាហ្គាវើលដ៍ ស្ទើរតែក្លាយជារឿងដែលសាមញ្ញមួយទៅហើយ ខណៈក្រុមកូដករបានប្រមូលផ្ដុំគ្នាស្រែកតវ៉ាតាំងពីព្រឹកដល់ពេលរសៀល ដោយត្រូវប្រឈមមុខនឹងក្រុមមន្ត្រីប្រដាប់អាវុធ។
មន្ត្រីសាលាដំបូងរាជធានីភ្នំពេញ បានឱ្យដឹងថា តំណាងអយ្យការកំពុងសាកសួរជនសង្ស័យជាជនជាតិចិន និងខ្មែរ ចំនួន៥នាក់ ដែលជាប់ពាក់ព័ន្ធនឹងករណីបង្កៃគ្រាប់បែកដៃក្នុងនំខេក នៅក្បែរក្រុមហ៊ុនណាហ្គាវើលដ៍ កាលពីពាក់កណ្ដាលខែនេះ ស្ថិតនៅសង្កាត់ទន្លេបាសាក់ ខណ្ឌចំការមន រាជធានីភ្នំពេញ ។
VOD គឺជាស្ថាប័នព័ត៌មានឯករាជ្យដែលផ្តល់ព័ត៌មាន ផលិតកម្មវិធីវិទ្យុ និងការផ្សព្វផ្សាយតាមរយៈគេហទំព័រអ៊ីនធើណេត។
© ២០២២ រក្សាសិទ្ធិគ្រប់យ៉ាងដោយ ស៊ីស៊ីអាយអឹម
