ក្រុមកូដករណាហ្គាវើលដ៍ បន្តធ្វើកូដកម្មនៅថ្ងៃសុក្រនេះ ដើម្បីទាមទារឱ្យមានការដោះលែងកញ្ញា ឈឹម ស៊ីថរ និងទម្លាក់ចោលការចោទប្រកាន់លើកូដករផ្សេងៗទៀតដែលកំពុងជាប់បណ្ដឹងនៅតុលាការ ព្រមទាំងទាមទារឱ្យមានដំណោះស្រាយវិវាទការងារ។
សមត្ថកិច្ចជំនាញបានចាប់ឃាត់ខ្លួន និងកំពុងសួរនាំជនសង្ស័យជាជនជាតិចិន ៤នាក់និងស្ត្រីខ្មែរម្នាក់ ពាក់ព័ន្ធនឹងករណីរកឃើញគ្រាប់បែកដៃមួយគ្រាប់នៅមុខក្រុមហ៊ុនណាហ្គាវើលដ៍២ ក្នុងខណ្ឌចំការមន រាជធានីភ្នំពេញ។
មន្ត្រីជាន់ខ្ពស់ក្រសួងមហាផ្ទៃ ឱ្យដឹងថា តាមការស៊ើបសង្កេតបឋម គ្រាប់បែកដៃដែលប្រទះឃើញនៅមុខក្រុមហ៊ុនណាហ្គាវើលដ៍២នោះ សមត្ថកិច្ចបានរកឃើញជនបង្កជាជនជាតិចិន ដោយគ្រាប់បែកដៃនោះត្រូវបានគេដឹកតាមរថយន្តទំនើបមួយគ្រឿង ហើយជ្រុះនៅតាមដងផ្លូវនៃកន្លែងកើតហេតុ។
គ្រាប់បែកដៃមួយគ្រាប់ត្រូវបានស្ត្រីអ្នកបោសសំរាមម្នាក់ប្រទះឃើញនៅលើសួនច្បារ មុខក្រុមហ៊ុនណាហ្គាវើលដ៍២ និងក្បែររដ្ឋសភា ក្នុងខណ្ឌចំការមន រាជធានីភ្នំពេញ។
ក្រុមស្រ្តីជួរមុខដែលសកម្មក្នុងការការពារសិទ្ធិកម្មករនិយោជិតនៅតាមស្ថាប័នរដ្ឋ និងឯកជននានា បានបង្ហាញឆន្ទៈបន្តបេសកកម្មរបស់ខ្លួនក្នុងការលើកកម្ពស់សិទ្ធិស្ត្រីក្នុងវិស័យការងារ ទោះប្រឈមការរើសអើងក្នុងកន្លែងធ្វើការ ការគំរាមកំហែង និងរងការបៀតបៀនលើរាងកាយក្ដី។
ក្រុមអង្គការសង្គមស៊ីវិល និងសហជីពជិត២០ស្ថាប័ន អំពាវនាវទៅរដ្ឋាភិបាលបណ្ដុះបណ្ដាលភ្នាក់ងារសន្តិសុខទាំងអស់ដែលគាំទ្រដោយរដ្ឋ ឬរដ្ឋបាលរាជធានីខេត្ត រួមទាំងអ្នកគ្រប់គ្រង ឱ្យមានទំនាក់ទំនងល្អជាមួយសាធារណជន ជាពិសេសក្រុមកូដករណាហ្គាវើលដ៍តាមបែបអហិង្សា និងមានសមភាពយេនឌ័រ ហើយបុគ្គលដែលប្រើអំពើហិង្សា និងបៀតបៀន ត្រូវទទួលខុសត្រូវចំពោះមុខច្បាប់។
បន្ទាប់ពីចូលរួមប្រារព្ធខួបលើកទី៧៤ នៃទិវាសិទ្ធិមនុស្សអន្តរជាតិ ១០ធ្នូ រួចមក ក្រុមកូដករណាហ្គាវើលដ៍ប្រមាណ ១០០នាក់បាននាំគ្នាទៅបង្ហោះប៉ោងៗ និងលើកបដាមួយចំនួននៅរសៀលថ្ងៃសិទ្ធិមនុស្សដដែលនេះ ក្នុងគោលបំណងទាមទារឱ្យដោះលែងប្រធានសហជីពរបស់ពួកគេ គឺកញ្ញា ឈឹម ស៊ីថរ ឱ្យមានសេរីភាពវិញ។
ខួបលើកទី៧៤ នៃទិវាសិទ្ធិមនុស្សអន្តរជាតិ ១០ធ្នូ ឆ្នាំ២០២២នេះ កូដករណាហ្គាវើលដ៍ យុវជនខ្មែរថាវរៈ យុជនមាតាធម្មជាតិ បាននាំគ្នាស្លៀកសម្លៀកបំពាក់ជាអ្នកទោស និងទម្រង់ផ្សេងទៀត ដើម្បីបង្ហាញទៅកាន់រាជរដ្ឋាភិបាលថា ការគោរពសិទ្ធិមនុស្សនៅកម្ពុជាមិនមានលក្ខណៈល្អប្រសើរទេ។
សហព័ន្ធសហជីពអឺរ៉ុបផ្នែកចំណីអាហារ កសិកម្ម និងទេសចរណ៍ (EFFAT) ទាមទាររដ្ឋាភិបាលដោះលែងកញ្ញា ឈឹម ស៊ីថរ និងថាការចាប់ខ្លួនកញ្ញា ឈឹម ស៊ីថរ ដែលជាមេដឹកនាំសហជីពបុគ្គលិកក្រុមហ៊ុនណាហ្គាវើលដ៍នេះ បំពានលើក្រមនីតិវិធីព្រហ្មទណ្ឌរបស់ប្រទេសកម្ពុជា។
ក្រុមសិទ្ធិមនុស្សបាននិយាយថា កញ្ញា ឈឹម ស៊ីថរ នឹងបន្តស្ថិតក្នុងការឃុំខ្លួនបណ្ដោះអាសន្នពីបទ «ញុះញង់» បន្ទាប់ពីតុលាការក្រុងភ្នំពេញបានបដិសេធបណ្ដឹងសុំនៅក្រៅឃុំរបស់ប្រធានសហជីពប្រចាំក្រុមហ៊ុនណាហ្គាវើលដ៍រូបនេះ។
VOD គឺជាស្ថាប័នព័ត៌មានឯករាជ្យដែលផ្តល់ព័ត៌មាន ផលិតកម្មវិធីវិទ្យុ និងការផ្សព្វផ្សាយតាមរយៈគេហទំព័រអ៊ីនធើណេត។
© ២០២២ រក្សាសិទ្ធិគ្រប់យ៉ាងដោយ ស៊ីស៊ីអាយអឹម
