ក្រសួងអប់រំ​ណែនាំ​ឲ្យ​រៀបចំប្រឡងប្រណាំងអាន​សម្រាប់ទិវា​ជាតិអំណាន​១១មីនា

ក្រសួង​អប់រំ​ យុវជន និង​កីឡា ណែនាំ​ឲ្យ​ភាគីពាក់ព័ន្ធ​និង​អាជ្ញាធរ​ខេត្ត​រៀប​ចំ​ទិវា​ជាតិ​អំណាន​ដែល​នឹង​ប្រព្រឹត្ត​ទៅនៅថ្ងៃទី​១១ខែមីនា ខាងមុខនេះ ដោយ​រៀ​បចំ​ជាការប្រឡង​ប្រណាំងអាន។​

នៅ​ក្នុង​សេចក្តីណែនាំ​ស្តីពីការប្រារព្ធ​ទិវាជាតិអំណាន១១មីនា រដ្ឋមន្រ្តីក្រសួងអប់រំ លោក ហង់ ជួន ណារ៉ុន បានលើក​ឡើង​ថា​អភិបាល​នៃ​គណៈ​អភិបាល​រាជធានីភ្នំពេញ​ ខេត្ត​ អភិបាល​នៃ​គណៈ​អភិបាល​ក្រុង​ ស្រុក ខណ្ឌ​និង​អាជ្ញាធរ​ដែ​ន​ដី ត្រូវ​រៀប​ចំ​វេទិកា​ប្រឡង​ប្រណាំង​អានឬ​ជំរុញ​គ្រឹះស្ថាន​និង​អ្នកពាក់​ព័ន្ធ​ឲ្យ​រៀបចំ​វេទិកា​ប្រកួត​ប្រជែង​ក្នុង​ការ​អាន​ ស្មូតកំណាព្យ​និងនិពន្ធ​នៅតាម​ទីតាំង​សម​ស្រប ​ដើម្បី​ជ្រើសរើស​ជ័យ​លាភី​និង​ជូន​រង្វាន់​លើក​ទឹក​ចិត្ត​តាម​លទ្ធភាព​។ លោក​បន្ត​ថា​មន្ទីរអប់​រំ​ យុវជន​និងកីឡា​ រាជធានី​ខេត្ត​ ការិយាល័យ​អប់រំ គ្រឹះស្ថាន​សិក្សា​គ្រប់​កម្រិត​ទាំង​សាធារណៈ​និង​ឯក​ជន​ត្រូវ​រៀប​ចំ​ប្រារព្ធ​ទិវា​ជាតិ​អំណាននៅថ្ងៃសុក្រ ទី​១១ខែមីនា។

VODEnglish.news

VODEnglish.news

Everybody Well-Informed, Everybody Empowered

ព័ត៌មានវីអូឌីថ្មីៗ