ក្រសួងការបរទេសថាមន្រ្តីរាជការមួយចំនួនប្រើលិខិតឆ្លងដែនផ្លូវការធ្វើជាពលករ
ក្រសួងការបរទេសកម្ពុជាបានឲ្យដឹងថាមន្រ្តីរបស់ស្ថាប័នមួយចំនួនបានប្រើប្រាស់លិខិតឆ្លងដែនផ្លូវការដែលក្រសួងបានចេញឲ្យ ទៅធ្វើជាពលករនៅក្រៅប្រទេស។ កាលពីថ្ងៃទី៤ ខែមិនា ក្រសួងការបរទេសកម្ពុជាបានចេញលិខិតមួយទៅកាន់រដ្ឋមន្រ្តីក្រសួងមហាផ្ទៃ លោក ស ខេង ដោយស្នើដកលិខិតឆ្លងដែនផ្លូវការមន្រ្តីរដ្ឋាភិបាល ពេលបញ្ចប់បេសកកម្មនៅក្រៅប្រទេស។ លិខិតបញ្ជាក់ថាក្រសួងនឹងប្រគល់លិខិតឆ្លងដែនផ្លូវការទាំងនោះទៅវិញនៅពេលមន្រ្តីនោះត្រូវមានបេសកកម្មនៅបរទេសជាថ្មី។ ក្រសួងការបរទេសមិនបានបញ្ជាក់ពីមូលហេតុនៃចំណាត់ការនេះនោះទេ។