លោក ​ព្រាប​ កុល៖ ភាព​ទៀង​ត្រង់​​ធ្លាក់​ចុះ​ធ្វើ​ឲ្យ​មនុស្ស​ហ៊ាន​ប្រព្រឹត្តិ​អំពើ​ពុក​រលួយ

នាយក​ប្រតិបត្តិ​នៃ​អង្គការ​តម្លាភាព​កម្ពុជា​ បាន​លើក​ឡើង​ថា ភាព​លោភលន់ និងអាត្មា​និយម ជា​អ្វី​ដែល​ធ្វើ​ឲ្យ​​តម្លៃ​នៃ​ភាព​ទៀងត្រង់​​ធ្លាក់​ចុះ ​និង​ធ្វើ​ឲ្យមនុស្ស​ហ៊ាន​ប្រព្រឹត្តិ​អំពើ​ពុក​រលួយមិន​ខ្មាស់​ខ្លួន​​ឯង។​ ថ្លែង​ក្នុង​ពិធី​ជិះ​កង់​ដើម្បី​ជំរុញ​ប្រជាជន​ចូល​រួម​ប្រឆាំង​អំពើ​ពុក​រលួយ​នៅ​ថ្ងៃ​នេះ នាយក​ប្រតិបត្តិ​អង្គការ​តម្លាភាព​កម្ពុជា លោក ព្រាប កុល​ មាន​ប្រសាសន៍​ប្រាប់អ្នក​យក​ព័ត៌មាន​វី​អូ​ឌី​ថា មូល​ហេតុ​ដែល​អង្គការ​របស់​លោក​រៀប​ចំឲ្យ​មាន​ពិធីនេះ​ឡើង​ ក៏​ព្រោះ​តែ​​ចង់​ជម្រុញ​ឲ្យ​ប្រជាជន​ងាក​​មក​ចាប់​អារម្មណ៍​ទៅ​លើ​តម្លៃ​នៃ​ភាពទៀងត្រង់របស់​ខ្លួន ដែលលោក​ថា​ ជា​ចំណុច​ចាប់​ផ្តើម​នៃ​ការ​កាត់​បន្ថយ​អំពើ​ពុក​រលួយ​។

ឌូទើតេ​បណ្ដេញ​មន្ត្រី​អន្តោ​ប្រវេសន៍​ពីរ​រូប​​ពី​តំណែង​ជុំ​វិញ​អំពើ​ពុក​រលួយ

ប្រធានាធិបតី​ហ្វីលីពីន លោក រ៉ូទ្រីហ្កូ ឌូទើតេ កាល​ពី​ថ្ងៃ​ម្សិលមិញ​នេះ បាន​បណ្ដេញ​មន្ត្រី​អន្តោ​ប្រវេសន៍ ២​រូប ចេញ​ពី​តំណែង ដោយសារ​ប្រឈមមុខ​នឹង​ការ​ចោទប្រកាន់​ពី​រឿង​ពុក​រលួយ ខណៈ​លោក​បញ្ជាក់​ឡើង​វិញ​ពី​ការ​ប្ដេជ្ញា​ចិត្ត​របស់​លោក ចំពោះ​ការ​កម្ចាត់​អំពើ​ពុក​រលួយ​ក្នុង​រដ្ឋាភិបាល

ចិន​សម្រេច​ដាក់​ទោស​ប្រហារ​ជីវិត​មន្ត្រី​ជាន់​ខ្ពស់​ម្នាក់​ទៀត​រឿង​ពុក​រលួយ

ទីភ្នាក់ងារ​ព័ត៌មាន Reuters បាន​ផ្សាយ​ថា ប្រទេស​នេះ បាន​សម្រេច​ដាក់​​ទោស​ប្រហារ​ជីវិត​អតីត​ប្រធាន​បក្ស​កុំម្មុយនីស្ត​ចិន​ប្រចាំ​ខេត្ត​យុនណាន់ ពី​បទ​ស៊ី​សំណូក ដែល​ Reuters ថា នេះ​គឺ​ជា​មន្ត្រី​ចិន​ថ្មី​មួយ​ទៀត ដែល​ស្ថិត​នៅ​ក្នុង​សង្គ្រាម​បោស​សម្អាត​អំពើ​ពុក​រលួយ​របស់​ប្រធានាធិបតី​ចិន លោក ស៊ី ជិនពីង។

ដីយោធាមណ្ឌល៤ (ដោយ បូ សាវី)

ភរិយាយោធាជាន់ខ្ពស់ម្នាក់ច្រានចោលការចោទថាប្ដីរបស់គាត់យកដីយោធាមណ្ឌល៤ចែកឲ្យសាច់ញាតិ

ភរិយាអតីតមន្ដ្រីយោធាជាន់ខ្ពស់ម្នាក់នៅកងទ័ពជើងគោកច្រានចោលការចោទប្រកាន់ដែលថាប្ដីរបស់គាត់យកដីកងទ័ពនៅមណ្ឌល៤ក្នុងខេត្ដសៀមរាបចែកឲ្យសាច់ញាតិ ដោយស្ដ្រីរូបនោះអះអាងថាដីមណ្ឌលនោះប្ដីគាត់កាន់កាប់ដោយស្របច្បាប់។

យោធាជាង៨០នាក់ស្នើឲ្យលោក ទៀ បាញ់ ដកហូតដីពីអតីតមេទ័ពម្នាក់

មន្ដ្រីយោធាប្រចាំការនៅមណ្ឌល៤ក្នុងខេត្ដសៀមរាបបានផ្ដិតមេដៃស្នើសុំរដ្ឋមន្ដ្រីការពារជាតិ ដកហូតដីពីមេទា​ហានម្នាក់ទុកជាសម្បត្ដិរដ្ឋ ដោយអះអាងថាអតីតមេបញ្ជាការរងមួយរូបនៅកងទ័ពជើងគោកបានយកដីនោះទៅចែកបក្សពួកធ្វើជាកម្មសិទ្ធិ។

លោកនាយករដ្ឋមន្ត្រី ហ៊ុន សែន ថ្លែងនៅក្នុងពិធីសួរសុខទុក្ខ និងសំណេះសំណាល​ជាមួយកម្មករនៅក្រុងព្រះសីហនុ

នាយករដ្ឋមន្ត្រី​ថា ការ​ចំណាយជិត​៥០ភាគរយ​ក្នុងវិស័យ​ដឹក​ជញ្ជូន​​ជា​អំពើពុករលួយ​

លោកនាយករដ្ឋមន្ត្រី ហ៊ុន សែន នៅ​ព្រឹក​ថ្ងៃ​អាទិត្យ​នេះ​បាន​ថ្លែង​ថា យោង​តាម​របាយការណ៍​​សម្ងាត់​មួយ​ដែល​លោក​ទទួល​បាន​បាន​បង្ហាញ​ថា ការ​ចំណាយ៤៨​ភាគរយក្នុង​​វិស័យ​ដឹកជញ្ជូន​នៅ​កម្ពុជា​​​​ជា​ការ​ចំណាយ​ក្រៅផ្លូវ​ការ​ដែល​គ្មាន​វិក្កយបត្រ​ ឬ​ដែល​លោកហៅ​ថាជាការ​​ “​សូកប៉ាន់​” និង​ជា​អំពើ​អុករលួយ។

ក្រសួង​បញ្ជូនកូន​ប្រសារលោក សុខ អាន ទៅ​បំពេញ​ការងារ​ជំនួស​លោក ស៊ុត ឌីណា

ក្រសួង​ការបរទេស​បញ្ជូន​មន្ត្រី​មួយ​រូប​របស់​ខ្លួនគឺ​​លោក ហុង បញ្ញារិទ្ធ ដែលត្រូវ​​ជា​កូន​ប្រសារ​លោក សុខ អាន រដ្ឋមន្ត្រី​ទទួឡ​បន្ទុក​ទីស្ដីការ​គណៈរដ្ឋមន្ត្រី ឲ្យ​ទៅ​កាន់​ការងារ​ការទូត​នៅ​ប្រទេស​កូរ៉េ​ខាង​ត្បូងបណ្ដោះ​អាសន្ន ជំនួស​អតីត​​ឯកអគ្គរាជទូត​លោក ស៊ុត ឌីណា ដែល​ត្រូវ​បាន​ឃុំ​ខ្លួន​កាល​ពី​ដើម​សប្ដាហ៍​នេះ​ ដោយ​ត្រូវ​ចោទប្រកាន់​ពី​បទ​​ពុករលួយ​។

ឪពុកម្តាយ​ឯក​អគ្គរាជទូត​ខ្មែរ​ប្រចាំ​កូរ៉េខាងត្បូង អំពាវនាវ​ឲ្យ​នាយករដ្ឋមន្រ្តីជួយកូនប្រុស​

ឪពុកម្តាយ​របស់​ឯកអគ្គរាជទូតខ្មែរប្រចាំប្រ​ទេស​កូរ៉េខាងត្បូងដែលកំពុង​ជាប់ពាក់​ព័ន្ធ​នឹង​ការ​ចោទប្រកាន់​អំពើ​​ពុក​រលួយ​ ​​បាន​ចេញ​មុខសុំ​ឲ្យ​លោក​នាយក​រដ្ឋមន្ត្រី​ហ៊ុន សែន ជួយ​ឲ្យ​កូនប្រុស​​បាន​រួចខ្លួនពីការ​ចោទប្រ​​កាន់និង​អះអាងថា​កូន​របស់​គាត់មិន​បាន​ប្រ​ព្រឹត្តដូច​ការចោទប្រ​កាន់​នោះទេ​។ឯកអគ្គរាជទូតខ្មែរប្រ​ចាំប្រ​ទេស​កូរ៉េខាងត្បូង លោក ស៊ុត ឌីណា ត្រូវ​បាន​អង្គភាព​ប្រ​ឆាំងអំពើពុក​រលួយ​ឃាត់​ខ្លួន​កាលពីព្រឹកថ្ងៃចន្ទ តាម​បណ្តឹង​របស់​ប្រជា​ពលរដ្ឋមួយ​ចំនួន​។ រហូត​មក​ដល់​ពេលនេះ អង្គភាព ​​មិន​ទា​ន់​ទម្លាយ​ថា​​ជា​អំពើ​ពុករលួយ​លើ​បញ្ហាអ្វីនោះទេ ហើយ​​លោក ស៊ុត ឌីណា នឹង​ត្រូវ​បញ្ជូន​ទៅ​តុលា​ការ​​នៅ​​ពេលណានោះទេ​។​

ឯកអគ្គរាជទូត​កម្ពុជា​ប្រចាំប្រទេស​កូរ៉េខាងត្បូង​ត្រូវបាន​ឃាត់ខ្លួន

ប្រធាន​អង្គភាព​ប្រឆាំងអំពើ​ពុក​រលួយ​បាន​ឲ្យ​ដឹង​ថា​អង្គភាព​ នៅព្រឹកថ្ងៃ​ចន្ទនេះ ​បាន​ឃាត់​ខ្លួន​ឯក​អគ្គរាជទូត​ខ្មែរ​ប្រចាំ​ប្រទេស​កូរ៉េខាងត្បូង​ លោក ស៊ុត ឌីណា មក​សាកសួរ ពាក់​ព័ន្ធ​នឹង​ការ​ចោទ​ប្រកាន់​អំពើ​ពុករលួយ។ ប្រធានអង្គភាព​ប្រឆាំងអំពើពុករលួយ លោក ឱម យ៉ិន​ទៀង ប្រាប់វីអូឌី​នៅព្រឹកថ្ងៃចន្ទនេះ​ថា​លោក ស៊ុត ឌីណា ត្រូវបានាំពីក្រសួងការបរទេសកម្ពុជា មក​សាកសួរ នៅ​ម៉ោង​ប្រមាណ​៨ព្រឹកនេះ​​ ក្រោយពី​លោក​ត្រឡប់​​មក​ពីប្រទេ​សកូរ៉េខាងត្បូង កាល​ពីយប់ថ្ងៃអាទិត្យ។​ លោក​បញ្ជាក់​ថា​លោក​ត្រូវឃាត់ខ្លួនមកសាកសួរពាក់​​ព័ន្ធ​នឹង​អំពើ​ពុករលួយ តាម​បណ្តឹង​មួយចំនួន។​ ទោះ​ជា​យ៉ាងណា លោក​មិនអាច​ទម្លាយ​ថា​តើ​ជាអំពើ​ពុករលួយ​លើ​បញ្ហាអ្វីនោះទេ។​

រដ្ឋាភិបាល​ការពារ​ភាព​ស្អាតស្អំ​ថា​មិន​ទទួល​សំណូក​ពី​មន្ត្រី​ពេល​ដំឡើង​តួនាទី​

​រដ្ឋាភិបាល​ប្រកាសឲ្យ​សមត្ថកិច្ច តាម​ចាប់ខ្លួន​ជន​អា​ណាមិកដែល​រដ្ឋាភិបាល​ថា បាន​យកឈ្មោះ​ថ្នាក់ដឹកនាំ​នៃ​ក្រសួងមហាផ្ទៃ ទៅ​គំរាមកំហែង​ទា​ប្រាក់​ពី​អភិបាល​ស្រុក​មួយចំនួន ជា​ថ្នូរ​នឹង​ការជួយ​បិទបាំង​ពុករលួយរបស់​អាជ្ញាធរ​ថ្នាក់​មូលដ្ឋាន​ទាំង​នោះ​។​
​ក្រសួងមហាផ្ទៃ បាន​ចេញ​លិខិត​មួយ​ចុះ​ថ្ងៃទី០១ ខែ មេសា​ បញ្ជា​ឲ្យ​អគ្គស្នងការដ្ឋាន​នគរ​បាល​ជាតិ​ ស្រាវជ្រាវ​ស្វែងរក​ចាប់ខ្លួន​ជន​ដែល​រដ្ឋាភិបាល​ថា បាន​យកឈ្មោះ រដ្ឋមន្ត្រីក្រសួង​មហាផ្ទៃ លោក ស ខេង ភ្ជាប់​ជាមួយ​អង្គភាព​ប្រឆាំង​អំពើពុករលួយ

VODEnglish.news

VODEnglish.news

Everybody Well-Informed, Everybody Empowered

ព័ត៌មានវីអូឌីថ្មីៗ