រដ្ឋមន្ត្រីក្រសួងមហាផ្ទៃ លោក ស ខេង នឹងកោះប្រជុំជាមួយភាគីពាក់ព័ន្ធនៅថ្ងៃទី៩ ខែមីនា ស្អែកនេះ ដើម្បីស្វែងរកដំណោះស្រាយវិវាទនៅក្រុមហ៊ុនកាស៊ីណូណាហ្គាវើលដ៍។
សមត្ថកិច្ចរាជធានីភ្នំពេញ បានចាប់ខ្លួនក្រុមកូដករណាហ្គាវើលដ៍ជិត២០០នាក់ដាក់ចូលរថយន្ត និងបញ្ជូនទៅទុកចោលនៅមណ្ឌលចត្តាឡីស័ក ក្នុងខណ្ឌព្រែកព្នៅ នៅរសៀលថ្ងៃចន្ទនេះ ខណៈពួកគេបន្តចេញធ្វើកូដកម្មជាថ្មីទៀតនៅមុខក្រុមហ៊ុន។
មន្ត្រីជាន់ខ្ពស់សាលារាជធានីភ្នំពេញបានអះអាងថា អាជ្ញាធរអនុញ្ញាតឱ្យពលរដ្ឋរស់នៅលើទឹកក្នុងសង្កាត់ព្រែកព្នៅ អាចបន្តចិញ្ចឹមត្រីបានពី ២ទៅ ៣ឆ្នាំទៀតប៉ុណ្ណោះ មុននឹងត្រូវរុះរើចេញទៅរកមុខរបរផ្សេង ឬទៅរស់នៅកន្លែងផ្សេង។
អគ្គនាយករដ្ឋាករទឹកស្វយ័តក្រុងភ្នំពេញ អះអាងថា នៅចុងឆ្នាំ២០២៣ ពលរដ្ឋរស់នៅរាជធានីភ្នំពេញទាំងមូលនឹងមានទឹកប្រើប្រាស់គ្រប់គ្រាន់ ខណៈចាប់ពីដើមឆ្នាំ២០២៤ទៅ រដ្ឋាករទឹកធានាថាទឹកនៅក្នុងរាជធានីភ្នំពេញនឹងលែងចោទជាបញ្ហាទៀតហើយ។
ក្រុមអង្គការសង្គមស៊ីវិលជាតិ និងអន្តរជាតិ ទាមទារទៅអាជ្ញាធរឱ្យបញ្ឈប់ជាបន្ទាន់រាល់ការបៀតបៀន ការប្រើអំពើហិង្សា រួមទាំងការអនុវត្តវិធានការកូវីដ-១៩មិនត្រឹមត្រូវមួយចំនួនទៀត ឆ្លើយតបទៅនឹងកូដករណាហ្គាវើលដ៍ ដោយសម្អាងថា ទង្វើនេះជាការរំលោភសិទ្ធិស្ត្រី និងសិទ្ធិជួបជុំ ដែលការពារដោយរដ្ឋធម្មនុញ្ញ។
រដ្ឋបាលរាជធានី បានចោទមនុស្សមួយក្រុមតូចថាជាអ្នកនៅពីក្រោយកូដករក្រុមហ៊ុនណាហ្គាវើលដ៍ ដោយរៀបចំឆាកល្ខោនទម្លាក់កំហុសលើសមត្ថកិច្ចនិងគ្រូពេទ្យ ធ្វើឱ្យមហាជនយល់ច្រឡំថាអាជ្ញាធរធ្វើទុក្ខបុកម្នេញលើក្រុមកូដករទៅវិញ។
រដ្ឋបាលរាជធានីភ្នំពេញ បានប្រកាសអនុវត្តការផាកពិន័យអន្តរការណ៍ពី១លានរៀលទៅ៥លានរៀលលើកូដករក្រុមហ៊ុនណាហ្គាវើលដ៍ ដោយលើកហេតុផលថា ពួកគេរឹងរូសបន្តធ្វើកូដកម្មល្មើសនឹងវិធានសុខាភិបាល រួមទាំងបណ្ដាលឱ្យប៉ះពាល់ដល់សណ្ដាប់ធ្នាប់សាធារណៈ។
កូដកររបស់ក្រុមហ៊ុនណាហ្គាវើលដ៍ រិះគន់ចំណាត់ការសមត្ថកិច្ចដែលបានចាប់បញ្ជូនពួកគេជិត៤០នាក់យកទៅទុកចោលនៅសមាគមមួយក្នុងខណ្ឌព្រែកព្នៅ រាជធានីភ្នំពេញ អស់រយៈពេលមួយយប់មកហើយ ដោយមិនបញ្ជាក់ពីមូលហេតុ និងមិនដោះលែងពួកគេឱ្យត្រលប់ទៅផ្ទះវិញទេ។
សមត្ថកិច្ចរាជធានីភ្នំពេញ បានបន្តចាប់បង្ខំក្រុមកូដករក្រុមហ៊ុនណាហ្គាវើលដ៍ជិត៤០នាក់បន្ថែមទៀតបោះចូលក្នុងរថយន្តក្រុង ដឹកយកទៅដាក់នៅសមាគមនារីកម្ពុជាដើម្បីអភិវឌ្ឍន៍ ក្នុងខណ្ឌព្រែកព្នៅ រាជធានីភ្នំពេញ ដើម្បីធ្វើតេស្តរកវីរុសកូវីដ-១៩ ខណៈពួកគេបន្តចេញធ្វើកូដកម្មទៀត នៅរសៀលថ្ងៃអង្គារនេះ។
អាជ្ញាធរព្រមានចាត់វិធានការច្បាប់ដោយគ្មានការលើកលែង ប្រសិនបើក្រុមកូដករណាហ្គាវើលដ៍ នៅតែធ្វើកូដកម្មនៅលើទីតាំងចាស់បន្តទៀត ដោយថាដើម្បីទប់ស្កាត់ការឆ្លងរាលដាលជំងឺកូវីដ-១៩ បំប្លែងខ្លួន«អូមីក្រុង» ខណៈអង្គការអន្តរជាតិមួយថារដ្ឋអំណាចយកលេសនេះដើម្បីគាបសង្កាត់សិទ្ធិធ្វើកូដកម្មរបស់កម្មករ។
VOD គឺជាស្ថាប័នព័ត៌មានឯករាជ្យដែលផ្តល់ព័ត៌មាន ផលិតកម្មវិធីវិទ្យុ និងការផ្សព្វផ្សាយតាមរយៈគេហទំព័រអ៊ីនធើណេត។
© ២០២២ រក្សាសិទ្ធិគ្រប់យ៉ាងដោយ ស៊ីស៊ីអាយអឹម
