សកម្មជនការពារបរិស្ថានជាស្រ្តីមួយចំនួនត្រូវបានមិត្តរួមការងាររើសអើង ខណៈពួកគេធ្លាប់មានប្រវត្តិជាប់ពន្ធនាគារ។
សាលាឧទ្ធរណ៍បាត់ដំបង បានកោះហៅសកម្មជនព្រៃឈើនិងដីធ្លីម្នាក់នៅខេត្តពោធិ៍សាត់ ឱ្យចូលសវនាការនៅសប្តាហ៍ក្រោយនេះ ពាក់ព័ន្ធរឿងជម្លោះដីធ្លីជាមួយក្រុមហ៊ុន ភាពីម៉ិច កាលពី១០ឆ្នាំមុន។
អ្នកឃ្លាំមើលសង្គម យល់ថា ការដែលលោកនាយករដ្ឋមន្ត្រី ហ៊ុន សែន ចេញអន្តរាគមន៍រកយុត្តិធម៌ឱ្យអ្នកអត្ថាធិប្បាយទូរទស្សន៍បាយ័ន ដែលត្រូវតុលាការបង្គាប់ឱ្យឃុំខ្លួន ក្រោយរងការចោទពីបទ «ឆបោកប្រាក់ជាង៣៦លានដុល្លារ» ភ្ជាប់នឹងសារព្រមានដកតំណែងមន្ត្រីអនុវត្តច្បាប់ មិនអាចធានាយុត្តិធម៌សង្គមបានទេ ដរាបណារដ្ឋាភិបាលមិនបង្កើតឱ្យមានប្រព័ន្ធតុលាការឯករាជ្យនោះ។
តំបន់ការពារធម្មជាតិ និងធនធានធម្មជាតិរបស់ប្រទេសកម្ពុជា ដែលរួមមានព្រៃឈើ សត្វស្វា កេសរកូល (ផ្កាអ័រគីដេ) រួមនឹងខ្សាច់ នៅតែជាប្រភពចំណូលដ៏ពេញនិយមមួយ បើទោះបីជាមានការប្ដេជ្ញាទាំងឡាយ (និងការផ្ដល់មូលនិធិអន្តរជាតិ) ដើម្បីការពាររបស់អស់ទាំងនេះក៏ដោយ។
អ្នកជំនាញថា ក្រោយជំនួបរវាងមេដឹកនាំកម្ពុជា លោក ហ៊ុន សែន ជាមួយឯកអគ្គរដ្ឋទូតនៅស្ថានទូតអាមេរិកនោះ លំហនយោបាយ សិទ្ធិមនុស្ស ប្រជាធិបតេយ្យនៅកម្ពុជា នៅតែមិនល្អប្រសើរដដែល ដោយសារមិនឃើញរដ្ឋាភិបាលកម្ពុជាតាំងចិត្តអនុវត្តតាមកង្វល់របស់ប្រទេសមហាអំណាចនេះ ដូចជា ការស្នើឱ្យមានការដោះលែងសកម្មជននយោបាយ សិទ្ធិមនុស្ស បរិស្ថាន និងបញ្ហាសេរីភាពបញ្ចេញមតិកាន់តែរួមតូច ជាដើម ក៏គ្មានការឆ្លើយតបជាវិជ្ជមានពីរដ្ឋាភិបាលកម្ពុជាដែរ។
ប្រជាសហគមន៍ខេត្តស្ទឹងត្រែង បង្ហាញការព្រួយបារម្ភពីការបាត់បង់ឈើប្រណិតក្នុងតំបន់ព្រៃឡង់ ខណៈពួកគាត់ចុះល្បាតរយៈពេលត្រឹមមួយថ្ងៃ រកឃើញបទល្មើសព្រៃឈើ ១០ករណី ហើយភាគច្រើនជាប្រភេទឈើសុក្រំ។
អង្គការសង្គមស៊ីវិលមួយចំនួនបាននិងកំពុងធ្វើយុទ្ធនាការទាមទារឱ្យរដ្ឋាភិបាលដោះលែងអ្នកជាប់ឃុំមនសិការចំនួន ៤៩នាក់ ឱ្យមានសេរីភាព និងដោយឥតលក្ខខណ្ឌ ដើម្បីឱ្យពួកគេបានជួបជុំជាមួយក្រុមគ្រួសារ និងបន្តភាពសកម្មនិយមរបស់ពួកគេវិញ។
លោកនាយករដ្ឋមន្ត្រី ហ៊ុន សែន បានឱ្យដឹងថា បញ្ហានយោបាយ និងសិទ្ធិមនុស្ស មិនគួរក្លាយជាឧបសគ្គរាំងខ្ទប់ដល់កិច្ចព្រមព្រៀងពាណិជ្ជកម្មសេរីអាស៊ាន-អឺរ៉ុបឡើយ ខណៈបាតុករកម្ពុជាប្រមាណជា១០០ទៅ២០០នាក់បានធ្វើបាតុកម្មនៅទីក្រុងព្រុចសែល ដោយទាមទារឱ្យមានការដោះលែងអ្នកទោសនយោបាយ និងអ្នកការពារសិទ្ធិមនុស្ស។
មន្ត្រីជាន់ខ្ពស់សហរដ្ឋអាមេរិកប្រចាំកម្ពុជា បានថ្លែងក្នុងទិវាសិទ្ធិមនុស្សអន្តរជាតិ១០ធ្នូ ថា អ្នកដែលធ្វើការងារការពារសិទ្ធិមនុស្សគួរតែត្រូវបានគោរព និងលើកទឹកចិត្ត ខណៈជនទាំងឡាយណាដែលរំលោភបំពានសិទ្ធិជាមូលដ្ឋាននៃសិទ្ធិមនុស្សគួរតែត្រូវបានដាក់ទោសទណ្ឌទៅតាមច្បាប់។
ខួបលើកទី៧៤ នៃទិវាសិទ្ធិមនុស្សអន្តរជាតិ ១០ធ្នូ ឆ្នាំ២០២២នេះ កូដករណាហ្គាវើលដ៍ យុវជនខ្មែរថាវរៈ យុជនមាតាធម្មជាតិ បាននាំគ្នាស្លៀកសម្លៀកបំពាក់ជាអ្នកទោស និងទម្រង់ផ្សេងទៀត ដើម្បីបង្ហាញទៅកាន់រាជរដ្ឋាភិបាលថា ការគោរពសិទ្ធិមនុស្សនៅកម្ពុជាមិនមានលក្ខណៈល្អប្រសើរទេ។
VOD គឺជាស្ថាប័នព័ត៌មានឯករាជ្យដែលផ្តល់ព័ត៌មាន ផលិតកម្មវិធីវិទ្យុ និងការផ្សព្វផ្សាយតាមរយៈគេហទំព័រអ៊ីនធើណេត។
© ២០២២ រក្សាសិទ្ធិគ្រប់យ៉ាងដោយ ស៊ីស៊ីអាយអឹម
