នគរបាលថា យ៉ាងហោចមនុស្សម្នាក់ស្លាប់ ពីរនាក់រងរបួសធ្ងន់ក្រោយផ្ទុះឡអ៊ុតខោអាវ
មន្ត្រីនគរបាលមូលដ្ឋាន បានឲ្យដឹងថា មនុស្សម្នាក់បានស្លាប់ ហើយ ២នាក់ទៀតបានរងរបួសធ្ងន់ធ្ងរ ក្រោយការផ្ទុះឡចំហុយអ៊ុតខោអាវមួយ នៅក្នុងសង្កាត់ស្ទឹងមានជ័យ នៅព្រឹកថ្ងៃនេះ។វេបសាយនគរបាលជាតិ បានផ្សាយថា បុរសជាសន្តិសុខម្នាក់ បានស្លាប់ ហើយស្ត្រីម្នាក់បានរងរបួសដាច់ជើងទាំងពីរ និងបុរសម្នាក់ទៀត បានរងរបួសដាច់ជើងម្ខាង នៅក្រោយការផ្ទុះឡអ៊ុតខោអាវមួយ នៅព្រឹកនេះ។ អ្នករងរបួស ត្រូវបានបញ្ជូនទៅសង្គ្រោះបន្ទាន់នៅឯមន្ទីរពេទ្យ។