សង្គមស៊ីវិលជំនាញផ្នែកប្រព័ន្ធផ្សព្វផ្សាយបានទទូចឱ្យ គ.ជ.ប. និងអាជ្ញាធររដ្ឋ បើកលំហសេរីភាពបន្ថែមទៀតដល់អ្នកកាសែតអាចចុះយកព័ត៌មានអំពីដំណើរការបោះឆ្នោតដោយគ្មានការគំរាមកំហែងនិងរើសអើង ដើម្បីបង្ហាញថា កម្ពុជាបានបំពេញកាតព្វកិច្ចគោរពសិទ្ធិ និងឆន្ទៈម្ចាស់ឆ្នោត។
អ្នកជំនាញខាងប្រព័ន្ធផ្សព្វផ្សាយ អំពាវនាវឱ្យភាគីពាក់ព័ន្ធបន្តលើកកម្ពស់វិស័យសារព័ត៌មានឯករាជ្យក្នុងប្រទេសកម្ពុជា ដោយមើលឃើញថា ពួកគេជាតួអង្គសំខាន់មួយក្នុងការចូលរួមពង្រឹងគ្រឹះប្រជាធិបតេយ្យ ខណៈបញ្ហានេះកំពុងរងការគំរាមកំហែង និងរឹតត្បិត។
របាយការណ៍ថ្មីមួយរបស់មជ្ឈមណ្ឌលសិទ្ធិមនុស្សកម្ពុជា (CCHR) បន្តរកឃើញថា ប្រព័ន្ធតុលាការ នៅតែជាឧបករណ៍គំរាមកំហែងដល់អ្នកសារព័ត៌មាន និងអ្នកការពារសិទិ្ធមនុស្ស ដែលបញ្ហានេះតម្រូវឱ្យរដ្ឋាភិបាលកែលម្អប្រព័ន្ធច្បាប់ ដើម្បីបញ្ចប់និទណ្ឌភាពចំពោះឧក្រិដ្ឋកម្មប្រឆាំងអ្នកសារព័ត៌មាន និងអ្នកការពារសិទ្ធិមនុស្ស។
អ្នកសារព័ត៌មានប្រចាំនៅខេត្តស្វាយរៀងមួយរូប ប្ដឹងអធិការនគរបាលក្រុងបាវិតពីបទ «គំរាមកំហែង» ដោយថាដើម្បីទាមទារយុត្តិធម៌ បន្ទាប់ពីអធិការរូបនោះបានសម្លុតឱ្យអ្នកសារព័ត៌មានលុបវីដេអូផ្សាយផ្ទាល់ ដណ្ដើមយកទូរសព្ទមកលុបដោយខ្លួនឯង និងគំរាមចាប់វាយខ្នោះ នៅពេលអ្នកសារព័ត៌មានបដិសេធលុបវីដេអូផ្សាយពីករណីគ្រោះថ្នាក់ចរាចរណ៍មួយ។
បទបញ្ជាមេ ឬត្រូវសុំគោលការណ៍ពីថ្នាក់លើជ្រកក្រោមការអនវុត្តច្បាប់ នៅតែត្រូវគេយកមកអនុវត្ត បើទោះបីជាកម្ពុជាបានរើខ្លួនពីរបបកុម្មុយនីស្ត មកអនុវត្តលទ្ធិប្រជាធិបតេយ្យដោយយកពលរដ្ឋជាធំ តាមរដ្ឋធម្មនុញ្ញជិត៣០ឆ្នាំមកនេះ។
អង្គការធ្វើការងារផ្នែកប្រព័ន្ធផ្សព្វផ្សាយ និងអ្នកសារព័ត៌មានមួយចំនួន លើកឡើងថា ការមិនអនុញ្ញាតឱ្យអ្នកសារព័ត៌មាននៅស្ថាប័នចំនួន២ រួមមាន សារព័ត៌មានសំឡេងប្រជាធិបតេយ្យវីអូឌី (VOD) និងវិទ្យុសំឡេងសហរដ្ឋអាមេរិកវីអូអេ (VOA) ចូលរួមសន្និសីទសារព័ត៌មាន ស្តីពី «លទ្ធផលនៃកិច្ចប្រជុំអាស៊ាន» ដឹកនាំដោយលោកនាយករដ្ឋមន្ត្រី ហ៊ុន សែន គឺជាការរើសអើង ដែលធ្វើឱ្យប៉ះពាល់ដល់សេរីភាពសារព័ត៌មាននៅកម្ពុជា។
អង្គការសង្គមស៊ីវិល និងស្ថាប័នព័ត៌មានជាង៣០ ជំរុញឱ្យអាជ្ញាធរមានវិធានការស៊ើបអង្កេត និងចាប់ឧក្រិដ្ឋជនសម្លាប់អ្នកសារព័ត៌មានយកមកផ្ដន្ទាទោសតាមច្បាប់ ដើម្បីផ្ដល់យុត្តិធម៌ជូនជនរងគ្រោះ និងបញ្ចប់និទណ្ឌភាពលើឧក្រិដ្ឋកម្មប្រឆាំងអ្នកសារព័ត៌មាននៅកម្ពុជា។
យុវជននៅតែបន្តព្រួយបារម្ភចំពោះស្ថាប័នព័ត៌មាននៅកម្ពុជាមួយចំនួនមិនបានប្រកាន់នូវគោលការណ៍វិជ្ជាជីវៈ ដែលធ្វើឱ្យប៉ះពាល់ដល់សង្គមតាមរយៈការផ្សាយព័ត៌មានមិនពិត ខណៈដែលស្ថាប័នព័ត៌មានអនឡាញមួយចំនួនទៀតបន្តផ្សាយព័ត៌មានដែលគ្មានក្រមសីលធម៌ត្រឹមត្រូវ។
រដ្ឋមន្ដ្រីក្រសួងព័ត៌មាន អះអាងថា សេចក្តីព្រាងច្បាប់ស្តីពីសិទ្ធិទទួលព័ត៌មានបានបញ្ជូនទៅដល់ដៃគណៈរដ្ឋមន្ត្រីមួយរយៈហើយ ដោយរង់ចាំតែស្ថាប័ននេះប្រជុំពិនិត្យប៉ុណ្ណោះ។
អគ្គនាយកទូរទស្សន៍អនឡាញ TNM ស្នើសាជាថ្មីទៀតទៅកាន់ក្រសួងមហាផ្ទៃ និងអគ្គស្នងការនគរបាលជាតិ ឱ្យស្វែងរកយុត្តិធម៌សម្រាប់លោក ក្រោយពីមានការចាប់ឃុំខ្លួនលោកអស់រយៈពេល៦ថ្ងៃ ដោយខុសច្បាប់។
VOD គឺជាស្ថាប័នព័ត៌មានឯករាជ្យក្នុងស្រុកមួយ ដែលផ្តល់ព័ត៌មាន ផលិតកម្មវិធីវិទ្យុ និងការផ្សព្វផ្សាយតាមរយៈគេហទំព័រអ៊ីនធើណេត។
© ២០២២ រក្សាសិទ្ធិគ្រប់យ៉ាងដោយ ស៊ីស៊ីអាយអឹម
