សាលាដំបូងខេត្តសៀមរាប ចេញដីកាកោះហៅជនសង្ស័យ៤រូបនិងបក្ខពួកឱ្យបង្ហាញខ្លួននៅតុលាការ ដើម្បីឆ្លើយបំភ្លឺពីដំណើររឿងហិង្សាដោយចេតនាមានស្ថានទម្ងន់ទោស ប្រព្រឹត្តនៅក្នុងស្រុកសូទ្រនិគម កាលពីជាង៧ខែមុន ទៅលើអ្នកសារព័ត៌មាន។
តុលាការខេត្តព្រះវិហារ បានសម្រេចផ្តន្ទាទោសអ្នកសារព័ត៌មានចំនួន៧នាក់ដាក់ពន្ធនាគារចំនួន២ឆ្នាំ និងម្នាក់ទៀតដាក់ពន្ធនាគារចំនួន២ឆ្នាំ៦ខែ ក្រោមការចោទប្រកាន់ពីបទ «កំហែងយក» ប៉ុន្តែទោសជាប់ពន្ធនាគារត្រូវបានព្យួរ ដោយតុលាការសម្រេចឱ្យឃុំខ្លួនត្រឹមជាង៤ខែប៉ុណ្ណោះ។
អ្នកសារព័ត៌មានកម្ពុជាម្នាក់ដែលត្រូវបានសមត្ថកិច្ចចាប់ខ្លួនក្រោយសម្រង់សម្ដីលោកនាយករដ្ឋមន្ត្រី ហ៊ុន សែន នោះ ត្រូវបានផ្ដល់ពាន «សេរីភាពបញ្ចេញមតិ» ដោយស្ថាប័នលើកស្ទួយប្រព័ន្ធផ្សព្វផ្សាយអាល្លឺម៉ង់។
សម្ព័ន្ធអ្នកសារព័ត៌មានកម្ពុជា (ខេមបូចា) និងក្លឹបអ្នកសារព័ត៌មានបរទេសនៅកម្ពុជា (OPCC) បានលើកឡើងថា សេរីភាពសារព័ត៌មាននៅកម្ពុជាក្នុងរយៈពេល៤ខែចុងក្រោយនេះ នៅតែបន្តរងការគំរាមកំហែងពីអ្នកមានអំណាចតាមរយៈការចោទប្រកាន់របស់តុលាការ ឬការចាប់ដាក់ពន្ធនាគារ។
ម្ចាស់ថ្មីនៃកាសែតភ្នំពេញប៉ុស្តិ៍បានប្រកាសថាលោកទិញស្ថាប័ននេះ ព្រោះតែលោកបារម្ភពីវាសនារបស់បុគ្គលិកជាង១០០នាក់ ដោយសារតែស្ថាប័នជួបបញ្ហាហិរញ្ញវត្ថុ។
សម្ព័ន្ធសារព័ត៌មានអាស៊ីអាគ្នេយ៍ ហៅកាត់ថា SEAPA បានថ្កោលទោសរដ្ឋាភិបាលកម្ពុជាជុំវិញការចាប់ខ្លួន និងចោទប្រកាន់ទៅលើអតីតបុគ្គលិកវិទ្យុអាស៊ីសេរី ២រូប ដោយហៅការចោទប្រកាន់នេះថា ត្រូវបានធ្វើឡើងដោយ «គ្មានមូលដ្ឋាន» និងវាយប្រហារដោយផ្ទាល់ទៅលើសេរីភាពសារព័ត៌មាននៅកម្ពុជា។
មជ្ឈមណ្ឌលសិទ្ធិមនុស្សកម្ពុជា បានឲ្យដឹងថា ក្រុមការងារចំនួន ៣នាក់ ក្នុងនោះមានបុគ្គលិកមជ្ឈមណ្ឌលសិទ្ធិមនុស្សកម្ពុជាម្នាក់ ដែលបានចុះថតវីដេអូទាក់ទងនឹងវិវាទដីធ្លីនៅឃុំថ្មដា ស្រុកវាលវែង ខេត្តពោធិ៍សាត់នោះ ត្រូវបានមន្ត្រីបរិស្ថាននៅតំបន់នោះស្ទាក់ និងឃាត់រថយន្តនៅម៉ោងប្រហែល ១០កន្លះព្រឹកថ្ងៃនេះ។
កាលពីថ្ងៃម្សិលមិញនេះ វិទ្យុសំឡេងសហរដ្ឋអាមេរិក ឬ VOA បានផ្សាយនូវអត្ថបទមួយមានចំណងជើងថា “មន្ត្រីជាន់ខ្ពស់បក្សកាន់អំណាចព្រមានអំពីលទ្ធភាពចាញ់ឆ្នោត បើមន្ត្រីបក្សជាប់ពាក់ព័ន្ធនឹងអំពើពុករលួយ” ដែលបាននាំឲ្យមានប្រតិកម្មពីមន្ត្រីជាន់ខ្ពស់គណបក្សប្រជាជនកម្ពុជា និងក្រសួងបរិស្ថានផងដែរ។VOA បានផ្សាយថា ការព្រមាននោះធ្វើឡើងដោយលោក ប៊ិន ឈិន ឧបនាយករដ្ឋមន្ត្រីប្រចាំ ដែលបានថ្លែងនៅក្នុងសន្និបាតបូកសរុបលទ្ធផលការងារបរិស្ថានឆ្នាំ២០១៦ និងទិសដៅការងារឆ្នាំ២០១៧។
លោកនាយករដ្ឋមន្រ្តី ហ៊ុន សែន នៅថ្ងៃពុធនេះ បានថ្លែងថាកម្ពុជាពិតនិងកម្ពុជាលើបណ្តាញសារព័ត៌មានខុសគ្នា ដោយលោកបានរិះគន់សារព័ត៌មាននិងអ្នកនយោបាយមួយចំនួនថាសរសេរនិងនិយាយធ្វើឲ្យខូចកេរ្តិ៍ឈ្មោះកម្ពុជា។ លោកនាយករដ្ឋមន្រ្តីបានថ្លែងបែបនេះនៅក្នុងពិធីសម្ពោធឲ្យប្រើប្រាស់ជាផ្លូវការស្ថានីយអ្នកដំណើរថ្មីនៅអាកាសយាន្តដ្ឋានអន្តរជាតិភ្នំពេញ។ លោកបានថ្លែងថារដ្ឋាភិបាលបានអភិវឌ្ឍប្រទេសជាបន្តបន្ទាប់ រហូតដល់មានការពង្រីកព្រលានយន្តហោះ ដើម្បីទទួលភ្ញៀវទេសចរណ៍។ លោកបន្តថានេះជាកម្ពុជាពិត មិនមែននៅលើសារព័ត៌មាននោះទេ។ លោកបានរិះគន់អ្នកនយោបាយនិងសារព័ត៌មានមួយចំនួន ដែលលោកថានិយាយអាក្រក់ពីកម្ពុជាខុសពីការពិត។
អ្នកសារព័ត៌មានរបស់ទូរទស្សន៍ក្នុងស្រុកមួយប្រចាំខេត្តមណ្ឌលគិរី តាមរយៈមេធាវីរបស់ខ្លួនបានដាក់ពាក្យប្តឹងមេបញ្ជាការកងរាជអាវុធហត្ថខេត្តនេះ ដោយចោទពីបទបង្ខាំងមនុស្សដោយខុសច្បាប់និងគំរាមកំហែង។ កាលពីថ្ងៃទី១១ ខែកុម្ភៈ លោក វ៉ាន់ ទិត្យ អ្នកសារព័ត៌មានរបស់ទូរទស្សន៍ប៉ុស្តិ៍លេខ៩ ប្រចាំខេត្តមណ្ឌលគិរីត្រូវមន្ត្រីកងរាជអាវុធនាំខ្លួនយកទៅសាកសួរពីករណីផ្សាយព័ត៌មានថាមេបញ្ជាការកងរាជអាវុធហត្ថខេត្តលោក សាក់ សារ៉ាង ប្រព្រឹត្តបទល្មើសព្រៃឈើ តែត្រូវដោះលែងវិញក្រោយការសាកសួរអស់រយៈពេលប្រមាណ១ម៉ោង។
VOD គឺជាស្ថាប័នព័ត៌មានឯករាជ្យដែលផ្តល់ព័ត៌មាន ផលិតកម្មវិធីវិទ្យុ និងការផ្សព្វផ្សាយតាមរយៈគេហទំព័រអ៊ីនធើណេត។
© ២០២២ រក្សាសិទ្ធិគ្រប់យ៉ាងដោយ ស៊ីស៊ីអាយអឹម
